الموضوع: استشارة قانونية في شراء شقة

المشاركة الأصلية كتبت بواسطة gamal_sharaf

شوف يا اخى العزيز

بالنسبة للمشترى الاول : لم يتم نقل ملكية الشقة من المالك الاصلى إلى المشترى الاول بشكل قانونى ، يعنى العقد يعتبر عقد ابتدائى ، ولم يتم عمل صحة توقيع ، او صحة ونفاذ ، كما لا يوجد توكيل من المالك بالبيع لنفسة أو للغير .
عشان كده احنا محتاجين نعمل ورق نقل ملكية بشكل قانونى
وده حيكون بالشكل التالى :
1- إما طلب استكمال المستندات من المشترى الاول : يعنى يمشى فى إجراءات صحة التوقيع ، ويطلب من المالك يعمل له توكيل بالبيع والشراء ، او انه يعمل صحة ونفاذ
2- الحل الثانى : انك تتفق مع المشترى الاول انه يخلى المالك الاصلى هو اللى يبيع لك مباشرة ، ونقطع الورق بتاع المشترى الاول ، وفى الحاله دى حيبقى المشترى الثانى هو المشترى الاول القانونى من المالك الاصلى ، وياخد منه عقد ويعمل له صحة توقيع ، ويطلب منه توكيل بالبيع لنفسة والغير ،
وتبقى قصرت على نفسك المسافات

لو المالك الاصلى رفض ، او عمل مشكلة او طلب فلوس انت ملكش دعوة خالص ، المطلوب انك تاخد ورق نقل ملكية سليم أما من المالك الاصلى ، او من المشترى الاول بعد توافر مستندات نقل الملكية من المالك الاصلى إلى المشترى الاول ، غير كده متدفعش فلوس

من فضلك ايه هي مستندات نقل الملكية التي يجب أخذها ؟

من اول عقد الارض مسجل او عليه صحه توقيع لصوره الرخصه و تسلسل اى ملكيه بعد كده و اى توكيل اتعمل على الشقه

تمام...
شكرا وجزاكم الله خيرا..... وفي انتظار لو حد عنده رأي يضيف للموضوع أو تجربة مشابهة

المعتاد في السوق الاتي...
1-عقد بيع ابتدائي (الصيغة تكون بالاتفاق حوالي 13 بند) وفيهم بند بحكم محكمة لصحة توقيع بالعقد الاول
2-توكيل بالادارة للشقة ونفس التوكيل تنازل للعدادات
وطبعا زي العربيات لازم تسلسل التوكيلات (بس مش 3زي العربيات)
دا في حاله عدم وجود العقد البيع النهائي
...في حالة عقد نهائي
نفس الخطوات ولكن بدل عقد بيع ابتدائي حيكون عقد ديباجة نهائي (اخضر)

المشاركة الأصلية كتبت بواسطة عبدالله برعى

المعتاد في السوق الاتي...
1-عقد بيع ابتدائي (الصيغة تكون بالاتفاق حوالي 13 بند) وفيهم بند بحكم محكمة لصحة توقيع بالعقد الاول
2-توكيل بالادارة للشقة ونفس التوكيل تنازل للعدادات
وطبعا زي العربيات لازم تسلسل التوكيلات (بس مش 3زي العربيات)
دا في حاله عدم وجود العقد البيع النهائي
...في حالة عقد نهائي
نفس الخطوات ولكن بدل عقد بيع ابتدائي حيكون عقد ديباجة نهائي (اخضر)

شكرا جزيلا لمشاركتك وتعبك

مبدئيا لو حاتسكن علطول في الشقة و مش حاتسيبها مقفولة ...فالموقف الى حد ما مطمئن