الموضوع: مشكلة فى الدوارة

المشاركة الأصلية كتبت بواسطة م/أحمد عبد الفتاح

فعلا عطل السخانات مش بيخلى العربية تدور لان المحرك الديزل زى ماحضرتك عارف بيعتمد على رفع ضغط الهوا داخل غرفة الاحتراق علشان الحرارة تترفع والجاز يولع والمحرك يدور واللى بيحصل ان بيحصل فقد فى الحرارة بتاعة غرفة الاحتراق نتيجة الجو البارد فمبيحصلش ان الجاز يوصل لدرجة الاشتعال فالمحرك مابيدورش وهنا تأتى الحاجه الى استخدام وسيلة مساعدة لتعويض الفقد فى الحرارة داخل غرفة الاحتراق والوسيلة دى هى شمعات الاحتراق او السخانات - بس السخانات مش وظيفتها بس انها تدور المحرك لا دى بتفضل شغالة معاك لمدة دقيقتين او تلاتة ( بس على فترات متقطعة يعنى تشتغل وتفصل) بعد مالمحرك يدور علشان حاجتين اول حاجة لغاية ما المية تسخن لغاية ٧٠ درجة مئوية تقريبا وكمان علشان تقلل انبعاثات الكربون فى بداية عمل المحرك .
- ولو السخانات بايظة فعلا لازم تشمم الموتور بنزين علشان يدور .
- وممكن تكون حاجة تانية مانعة المحرك انه يدور زى الطلمبة او ساعات سلونويد الجاز اللى بيقولوا عليه بيك السلانسية . بس طالما بتدور لما بتشم بنزين عادى يبقى احتمال كبير السخانات او ان المكنة خفيفة .
- بالنسبة للاعتمادية بتاعة العربية دى انها تقريبا مابتعطلش والعربية اللى كانت معايا كان متركب فيها زرار باى باس للريلياى بتاع السخانات يعنى لما الاقى العربية مادارتش ادوس على الزرار لغاية اللمبة ماتطفى وبعدين ادور تدور على طول ( لما كان بيحصل كده كنت باعمل الموضوع ده يومين او تلاتة وبعدين الاقى الريلياى اتصلح لوحده ورجعت العربية بتدور عادى من غير باى باس ) :) - وكمان من ضمن الحاجات اللى كانت عاجبانى فى العربية ان لو الجاز عليه ميه ( وده نتيجة تكثيف بخار المية بيبقى كتير فى تنكات البنزينة علشان السقعة ) بيطلعلى لمبة تنور وانذار فى التابلوه وبالتجربة والدعبسة اكتشفت ان السينسور بتاع المية دة فى جسم الفلتر بتاع الجاز والفلتر ده بيتركب كبس ومافيش عليه اى خراطيم ولا لواكير ولا وصلات كله مجارى داخلية فكنت باخلعه بمنتهى السهولة واقعد اصفى اللى فيه وانفخه علشان ينزل المية المترسبة فيه وبعدين اركبه تانى الاقى اللمبة طفت والعربية دارت ومشت زى الفل والموضوع بيستغرق دقيقة واحدة - كمان صوت العربية لايمكن يدل على انها جاز صوتها ناعم جدا - قطع الغيار الاستهلاكية انسى بتعيش كتير جدا لغاية ماتنسى ان العربية دى ليها مثلا تيل فرامل ولا طنابير والا مساعدين ولا بيضات ولا مقصات - انسى الكلام ده - حاجات كتير قوى كانت عاجبانى قوى فى العربية دى والله ياهندسة - نسيت اقولك على نورها الامامى بيبقى كأنك ماشى الضهر - عربية محترمة لأقصى حد - بس انا كنت مبسوط جدا بموضوع فلتر الجاز ده :)

الله ينور عليك .... معلومات قيمة جدا فى محركات الديزل ...
هل الاعتمادية دى فى كل محركات الديزل ؟ هل فيه محرك بيفرق عن التانى فى نقطة السخانات و فلتر الجاز ؟؟

فيه محركات مفهاش سخانات ودي pre combustion chamber. تقريبا كل الديزل فيه صفايه للميه سواء بحساس او لا. الياباني فيه نفس قصة حساس الميه وتنور في التبلوه لكن مفيش باي باص لريلاي السخانات.وفيه سخان للديزل نفسه زي الفورد اسكورت او العكس مبرد .الفلاتر اخيانا واحد فيه الصفايه والتاني ثانوي . واحيانا فلتر واحد يعمل كله.

المشاركة الأصلية كتبت بواسطة Mecha

فيه محركات مفهاش سخانات ودي pre combustion chamber. تقريبا كل الديزل فيه صفايه للميه سواء بحساس او لا. الياباني فيه نفس قصة حساس الميه وتنور في التبلوه لكن مفيش باي باص لريلاي السخانات.وفيه سخان للديزل نفسه زي الفورد اسكورت او العكس مبرد .الفلاتر اخيانا واحد فيه الصفايه والتاني ثانوي . واحيانا فلتر واحد يعمل كله.

يعنى ايه dry sump ؟؟
انا اسمع ان الديزل فى مصر مش نضيف !!! هل يمكن التغلب على الموضوع ده بزيادة عدد الفلاتر ؟؟

هل يمكن تركيب رشاشات من محرك معين ... بدل من رشاشات من ماركة تانية ؟؟ زى السخانات كدة ؟

الدري صمب ، نظام تزييت مفهوش كرتيره، الطرمبه بزيتها خارجيا وتصخ لجميع النقاط وشاءع لعربات السباق.وعشان كدا افتكرته في قصة م ا عبدالفتاح
ممكن تزود الفلاتر لكن ممكن تحتاج طرمبة تحضير زياده. وساخة الديزل عاليه في مصر اعتقد تحتاج
Centrifugal filter اللي ابتدا يخنفي من المحركات. والفلاتر وصلت ل 3 ميكرون.
الشركة اللي بتعمل الرشاشات غير اللي بتعمل المتور . فلو غيرت مهم المعايره.