التغيير من زيت معدنى لتخليقى

**تامر راغب** · 22-01-2016 03:06 AM

السلام عليكم
أنا غيرت زيت المحرك فى عربيتى الماتريكس أوتوماتيك
من زيت موبيل xhb المعدنى لزيت وولفر الألمانى النص تخليقى لزيت موبيل التخليقى
واخر خطوة دى بعد ماعربيتى عملت 101 ألف كم
وطبعا استعملت فالش فى كل مرة وطبعا غيرت الفلتر فى كل مرة
ياترى ده صح والا غلط ؟؟
ولو غلط ايه الحل ؟؟؟

**lancer06** · 22-01-2016 04:39 AM

متابع معاك

**yaserbasha2000** · 22-01-2016 07:25 AM

اهم حاجه متابعه ان الزيت يكون مش بينقص
لو منقصش يبقى مفيش حاجه و كمل كده

اما لو نقص فهترجع للزيت المعدني او النص تخليقي تاني مع تغيير الفلتر

**aveo1337** · 22-01-2016 08:16 AM

انت لية بنستعمل زيت فالش هوا عربيتك بناكل زبن

**تامر راغب** · 22-01-2016 03:19 PM

شكرا ياسر باشا
لأ مش بينقص الحمد لله

**تامر راغب** · 22-01-2016 03:20 PM

أ/ أفيو انا مافهمتش حضرتك قلت ايه أعذرنى

**borio1704** · 24-01-2016 10:49 PM

استخدام الفلش غير محبذ إلا إذا كان عندك رواسب طينية في الموتور (sludge).. والرواسب دي بتتكون لما الزيت يتحلل بسبب طول الفترة بين تغيير الزيوت..

فيه ناس في أمريكا مثلا بيحطوا زيت معدني ومش ببغيروه أبدا... مجرد تزويد الناقص ... طبعا الناس دي أول من يعاني من المشاكل دي.. أو مش بيعانوا أساسا ﻹنهم مش فارقة معاهم العربية أو موتورها أصلا.

ما تنساش إن الفلش عبارة عن زيت خفيف وعليه مواد مذيبة ومواد تنظيف... والمواد المذيبة علشان تدوب الرواسب.. ومواد التنظيف دي عاملة زي الصنفرة.. علشان تشيل أي حاجة ﻻزقة...

خلي بالك كمان إنك لما بتغير الزيت.. بيفضل جزء بسيط من الزيت القديم مهما حاولت تصفي الزيت.. فحضرتك كده لسه محتفظ بكمية ولو بسيطة من الفلش في الموتور..

نصيحتي ليك...

اثبت على نوع واحد من ماركة واحدة من الزيوت... وما تستخدمش الفلش نهائي مادام موتورك نظيف..

وحاول تنزل الزيت الموجود دلوقتي وتحط زيت تاني علشان نشيل أكبر كمية ممكنة من بواقي الفلش.

...