الموضوع: حقيقة رينو لوجان أتوماتك 2016

المشاركة الأصلية كتبت بواسطة elsanady

طيب أستاذ mif أية رأيك فيها كعربية؟؟ و أية عيوبها ؟

العاالم كله بيتجه لسيارات اقتصادية
فاللى يشترى لوجان يبقى بيرجع بضهره
اول حاجة استهلاك للبنزين مبالغ جدا عربيات صيني احسن منها
احنا بنشوف عربيات 1.6 استهلاكها بيوصل 21 كم لكل لتر اللوجان مش بتعمل نصفها حتى
اعمل بحث عن استهلاكها للوقود

المشاركة الأصلية كتبت بواسطة tameem2010

رايي الشخصي ان الناس زهقت من الفيرنا والافيو
الرينو اشيك وامكانيات وحركات اكتر من الفيرنا والافيو
وبيقولوا انها عربية فرنسيه يعني اقوى واشيك وحمالة اسية
خاصة ان الفيرنا والافيو من العربيات اللى بتتهان بسرعة وعاوزة استعمال شوكة وسكينة
مع ان لوجان مالهاش علاقة اساسا بفرنسا غير علامة رينو
لان اللوجان والسانديرو والستيب واي هما اصلا عربية داتشيا
رينو استحوذت على الداتشيا
وبقت تحط علاماتها على عربيات داتشيا وتسميها رينو
ده غير التاتش الفرنساوي اللى هو كله دوائر كهربائيه تطلع عينك
ولو سلك عمل قفلة او لمس في كشاف ممكن يطفي لك العربية كلها وتحلف ما تدور
زي الكهربائي اللى صمم الميجان مثلا
كان كهربائي حيوان والعربية كلها مشاكل
نفس الكلام ده في البيجو
فيها دوائر كهربائيه قمة في الغباوة والتناحه
ومشاكل الكهرباء عموما انهما ملموسه وغير محسوسة
يعني العفشجي بيبص ويشوف لو فيه جلب مهريه فيه مساعد مكسور كل حاجة بتبقى واضحه ادامه
زي الميكانيكي بيفتح الكبوت ويشوف بعينه
بعكس الكهربائي مش شايف حاجة
كلها حاجات تعتمد على الخبرة والابداع
وعندنا ابداعات الكهراباية في مصر لا حصر لها لان محدش فيهم متعلم او فاهم
كلهم ورثوا المهنة او اتعلموها بالفهلوة بدون علم حقيقي
واللى معاه عربية فرنسيه تحديدا بعد 10-15 سنة تلاقي معظم الكهرباء عنده كباري
الكهربائي لما بيغلب بياخد من الضفيرة دايركت ويعمل كوبري كهربي لمكان العطل ويريح نفسه
ده طبعا بعد ما يحرق كام دائرة كهربائيه سليمة بالاساس وبعد ما يخليك تغير قطع كتير سليمة اصلا

عشان كده ابعد عن المرازيه
خليك في الياباني
هين لين
سهل مفيهوش تعقيدات
وعربيات اعتماديه لاعلى درجة
بس فقيرة داخليا ومفيهاش الحركات بتاع الفرنساوي
بس عمرها ما تقل معاك ابدا
اصيلة وبنت ناس
انما الفرنساوي يبيعك في اي لحظة صحراوي دائري محور في اي مكان ولا يفرق معاه

يلا كفايه كده

+1
اللوجان دى موش قادر اهضمها نهائى .. و موش شايف سبب للاقبال عليها ( دلوقتى وضح السبب بعد شرح الاعضاء .. مبيعات الشركات )

عى النيسان صنى برغم كل ما يقال عنها ( حتى لو كل ما يقال صحيح ) حتكون افضل 1000 مره من اللوجان من وجهه نظرى .. و فرق السعر موش كبير

طيب يا جماعة أية رأيكم فى ال byd l3 أتوماتيك؟؟

للأسف كالعادة فتي و جهل فيما يخص اللوجان
1) موتور اللوجان لا علاقة له من بعيد أو من قريب بالفلوينس لآن مواتير الفلونيس الشكل القديم موديل أحدث و الشكل الفيس ليفت ياباني
2) بخصوص كفاءة العربية في الأجواء الحارة. اللوجان تبتاع في إمريكا الجنوبية و الهند و معظم شمال إفريقيا و دي مناطق حارة و العربية أثبتت كفاءة و مصنع طنجة بيتنج لوحدة 200 الف عربية !!! فبلاش فتي من ناس متعرفش عن العربية !1!
3) نيجي لقطاع الغيار الأصلي سعره سعر القطع الغيار الأصلية لفيرنا ( الي كانت كوري و بقت هندي ) و روح بنفسك لغبور و هات إسعار قطع العيار ! قطع غيار غاليه و لكن صناعة محترمة مش هندي و صيني ! أ
4) العفشة قوية جدا و شوف إنتشار العربية في المغرب و كولومبيا و إوروبا حيث الطرق الترابية
5) إسأل نفسك هي الفيرنا اللي بعض متحمس لها صدروا منها كام عربية برة ؟؟ لية ما تتباعش في النغرب؟؟ لأنها لم تتجاز معايير السلامة و الجودة يعني باللبلدي عربية ردئية الصنع !! و بقالها خمس سننين بتنزل في مصر بقطع صناعة هندي
6) إنتشار العربية راجع لنجاحها السحب المستمر ليها و شوف بنفسك كام واحد جابها و عاملة معها أية !! مش معبيات شركات الأدوية و الشركات ما إدامهم فيرنا مش بيشترويها لية ؟؟؟؟؟
7) بالنسبة للصيانة عند حضرتك منطقة مساكن صقر قريش كلهم متخصصين في الرينو و الرينو من الشركات الناجحة و كون العربيات تصنيع داتشيا فبدا لا يعيبها لأن داتشيا إساسا تعاونت مع ربنو من الستنيات زي النصر و شركة فيات

http://www.romania-insider.com/roman...n-2015/163241/

شوف معبيات العربية في العالم و اوروبا

'JLR's growth is an unprecedented breakthrough for UK PLC' | Auto Express

Closer to home, buyers in Portugal, Spain and Ireland bought 20-30 per cent more cars, while the Renault brand celebrated major success in 2015, becoming the third best-selling marque in Europe, with almost 1m registrations. Sister company Dacia also did astonishingly well across Europe, selling nearly 400,000 cars, beating the increasingly expensive Korean Kia range and similarly priced Japanese manufacturers.

رينو مركزها الثالث في المبيعات في اوروبا فأرحمونا من الفتي ! مش عاجبكوا العربية أنتو أحرار عاجب ملايين غيركوا و منتشرين حول العالم !! فاللي يتكلم يا يتكلم بأرقام و وقائع يا يتقي اللة في النصيحة و يسكت !!!

المشاركة الأصلية كتبت بواسطة tasaka

+1
اللوجان دى موش قادر اهضمها نهائى .. و موش شايف سبب للاقبال عليها ( دلوقتى وضح السبب بعد شرح الاعضاء .. مبيعات الشركات )

عى النيسان صنى برغم كل ما يقال عنها ( حتى لو كل ما يقال صحيح ) حتكون افضل 1000 مره من اللوجان من وجهه نظرى .. و فرق السعر موش كبير
اكتر عربيات فى مصر بتعمل مبيعات بسبب الشركات
1-افيو
2-صنى
3-لوجان
4-نيو اوبترا
5- لانوس
و طبعا الشركات بتاخد كميات و بخصم جامد جدا
و من غير شركات مش حتعمل كل المبيعات دى
و الفيرنا مش فى الحسبة لسببين لان الطلب عليها عالى جدا جدا و شغالة فى المعارض فمش محتاجة شركات و غبور مش مستنى شركات تيجي تشيل
دا غير ان مافيا المعارض بتلمها و تبيع بالثمن اللى تريحها علشان عارفة ان ليها زبون