الموضوع: حاسس بالظلم و الغيظ

هل تحولت الرعاية الصحية فى مصر الى تجارة ؟ طبعا و ده مش فى مصر بس ده فى العالم كله ......هل هناك اطباء جشعون و المال يأتى فى المقام الاول ثم المريض .....للأسف طبعا و كثير و برضه ده فى العالم كله و لكن الموضوع فى مصر يختلف لعدم وجود البديل "المحترم و الفعال"للعلاج الخاص - و على فكرة غالبية الاطباء و اسرهم كانوا يعانوا الامرين عند التعرض لمشكلة صحية تحتاج علاج مكلف و مشروع العلاج بالنقابة ( مشروع تكافلى اجتماعى) حل جزأ كبير من مشكلة تكاليف علاج الاطباء و ذويهم - و هتكلم فى نقطتين الاولى الطبيب و الثانية الدولة .....بالنسبة للطبيب فطبيب اليوم يختلف تماما عن طبيب الثمانينات ( بدون تعميم و لكن الاغلب) فطبيب اليوم منتج لمجتمع قلت و ندرت فيه المثل و الاخلاق و القدوة الحسنة و طردت العملة الرديئة العملة الجيدة و غلبت الفهلوة و الصوت العالى و الشو على العمل و الاجتهاد و هذا ليس فى الاطباء فقط ولكن فى كل المجتمع بفئاته كلها ( الا من رحم ربى) تدنى كل شئ فى المجتمع و انظر لحال الشارع المصرى الان لا يغلب عليه الا الصوت العالى و الشجار و الغضب و وووو مش هنعدد ....طيب بامارة ايه تجد الطبيب الملاك المثالى و هيجى منين ..طبعا فيه و مش قليل و حظه حلو اللى يعثر على واحد منهم... و فين المدرس المثالى و فين المحامى المثالى و فين و فين طبعا فى و لكن مش ظاهرين و ده امر طبيعى فاناء العسل ينضح بالحلو و اناء العلقم ينضح بالمر و الحل..... مشكلة اجتماعية فى مجتمع يحتاج للكثير من التقويم و العلاج ....................النقطة الثانية , الدولة ...من يضع خطط الاصلاح .... المستشارون و القيادات و دول اول ناس بتسافر بره للعلاج و اظن مفيش مظهر اكبر من وزير صحة سابق و يمتلك اكبر مستشفى استثمارى فى مصر سافر للخارج مع احد اقاربه فى رحلة علاجية ( ربنا يشفى الجميع) المحرج ساعتها انه سافر و هو ووزير للصحة نرجع تانى للسادة المستشارون و القادة حوافز اعمالهم العبقرية لا تقدر بالمال و لكنهم يتواضعوا و يكتفوا ببضع مئات الالاف من الجنيهات و كام عربية تحت ايدهم و لازم تطون واحدة منهم 4x4 لزوم القوافل العلاجية و يجئ الاطباء يعملوا اضراب علشان بدل العدوى 19 جنيه قدمت النقابة من سنتين مشروع باعادة توزيع الميزانية بتاعة وزراة الصحة و كان الاهم فيها تقليص ميزانية مكافأت و حوافز المستشارون بالوزارة وكان الفرق يعنى ضخ المليارات لأوجه اخرى ...طبعا اجهض المشروع و بدأ الكادر الخاص بالاطباء يظهر على استحياء بمبدأ سيب و انا سيب - سيب لى لقمة العيش بتعتى و هفوتلك الكادر - و دون النظر لمصلحة اطباء و لا مرضى و لا يحزنون و الاخ الفاضل اللى ذكر اليابان بدأت من الصفر بعد الحرب العالمية الثانية أولا هذا قول يجانبه الصواب اليابان كانت تصنع مئات و الاف الدبابات و الطائرات و السفن و كانت تحتل نصف اسيا و تدير اله حرب جهنمية يعنى مفيش صفر و لا حاجة و ثانيا مش عارف سنة كام بالضبط اعتقد فى التسعينيات انتحر رئيس السكك الحديدية بعد حادث قطار مروع (ورغم ثبوت خطأ قائد القطار) لعدم قدرته على تحمل احساسه بالفشل و المسؤلية عن ارواح اهدرت احس بفشله فقاده ضميره المفرط إلى الإنتحار . .انتحر وزير الزراعة الياباني توشيكاتسو ماتسوكا قبل ساعات من مثوله امام جلسة المساءلة التي كان من المتوقع ان يعقدها البرلمان بسبب فضيحة تتعلق بتبرعات سياسية وعقود مزورة، منقول ( الحدث عام 2010)

المشاركة الأصلية كتبت بواسطة إنسانة

حساب عدد قاطني الدولة فقط "تستطيح" كل بلد ليها طاقة استيعابية بتقف عندها مصر مش في المريخ تسري عليها قوانين"

ايه التسطيح ده حضرتك؟
يعني الواحد يتسطح فوق القطر والا ايه