الموضوع: حاسس بالظلم و الغيظ

معلش مضطر اتوقف لان الفجر اذن الان مع خالص تحياتى

طب تقول ايه في العلاج الخاص الاستثماري الغالي اللي جميع الامكانات متوفره حضرتك.بيبقي استاذ مرموق بكلية الطب . وتروحله العياده تلاقيه في غاية الاستعجال ويقلب المريض ويشخبط اي دوا. استاذ دكتور قلب شهير جدا بيجيب مريضين في الغرفه واحد جالس بجهة المكتب والتاني علي سرير الكشف والتالت منتظر بالباب. ورغم الكشف الفلكي لا بيلحق يفحص او يطلب فحوصات ويشخص ويقلب. هتلاقي عيادات عليها اسماء اساتذه مشاهير لكن لما تروح هتلاقي واحد تاني غيره. واستاذ اخر في مستشفي استثماري يقابل المرضي بالتجهم ولا بيسال المريض كفايه عن حالته وهوب املا روشته واللي بعده.يعني الاستاذ الدكتور مسروع عاوز يكبش اكبر قدر فلوس من المرضي بدون خدمه طبيه مكافءه. الواحد يسال نفسه الراجل دا يعني دخله العادي مش سيء طب ايه اللي يخليه يعمل كدا وامتي يكشف علي مريض بالطريقه اللي اتعلمها في البعثه!!.لا انكر وجود اطباء مصريين ممتازين لم يصلهم الجشع.ومنهم اهل خير وتبرع.
وفي الدول الغنيه الاطباء فيهم عجز وغالبيتهم ممارس عام ودخلهم ممكن اقل من سباك او ميكانيكي وبيتحاسبوا حساب الملكين ورغم كدا بيقدم افضل ما عنده ولو حاله مش عارفها بيبلغ المريض beyond my training ويعمله referral .حالة استعجال الطبيب عندنا مش وحده تلاقي نفس التصرف من ميكانيكي او كهرباءي بيعتبر المهمه كانها عبء تقيل يجب التخلص منه بسرعه والتشخيص لو منفعش نجرب حاجه تانيه رغم فارق التجربه في جسم انسان والتاهيل الراقي للطبيب.
تحياتي

التامين الصحى للجميع خاصه الاطفال والطلبه
إلغاء العيادات الخاصه بالاطباء والاكتفاء بالعيادات الخارجيه تحت مظله التامين

الطب مهنه انسانيه فى المقام الاول ومن يحاول ايكون ثروه من الطب ظالم لنفسه وللمجتمع


وتحياتى وتعاطفى الكامل مع اطباء المطربه او ضد اى ظلم فى اى مكان

البيزنس معروف للأساتذة الكبار بالطب من زمان .. كذلك عدم احترام كاف من البعض للمريض ومرافقية ..تﻻقى فية منهم ناس ﻻ عاوزة ترد على اسئلتك وﻻ تناقشك عاوزينك مستقبل فقط.. ناهيك عن ااهدايا الثمينة جدا الى بتيجى للمشرفسنرعلى الرسائل والأبحاث خصوصا الستات.. والى بيعملوا معاهم مناديب الأدوية من تسفير لرحﻻت عائلية داخلية وخارجية ببﻻش عشان يكتبوا للمرضى دواهم الغالى ويفطسوا المنتج المكافئ الرخيص المصرى.. ناهيك عن اهانات المرضى بالوحدات الصحية والمستشفيات الحكومية والصهينة عن استهبال التمريض.. اﻷطباء بتبذل مجهود رهيب وشايفين نفسهم اﻷوائل ودى حقيقة وفيهم ناس عندها اخﻻق ورحمة وبتحب شغلها وناس جزارين و شماطين وبتوع بيزنيس مع المستشفيات الكبيرة والراس بكذا.. البهدلة فى القطاع الطبى حلقة من سلسلة البهدلة فى أغلب قطاعات الدولة.. وللأسف ناس كتيرة كويسة بتسيب بﻻدها وتروح تخدم وتحقق ذاتها برة.. الصيف الماضى رحت لطيب محترم جدا..عملى جراحة ﻻزالة ورم من مكان ما.. وبعدها باسبوعين الورم رجع تانى ..و واحد كبير شخص مشكلة لمراتى انها محتاجة عملية لحل مشكلة عندها.. وخفت عليها والحمد لله الموضوع راح بفضل الله من غير جراحة.. وعلى الناحية التانية دكاترة اسنان ودكاترة مفاصل وجراحة على غلوهم خدمونا كتير الموضوع طويل وفية تجارب حلوة وتجارب مريرة.. سرقة البلد بتظهر بوضوح فى القطاع الطبى لما تﻻقى مريض طوارئ داخل مستشفى جامعى بينيموة للكشف ويغطوة بغطا علية إفرازات مريض تانى غالبا كان مفستل.. اللهم عافنا واحفظنا..الطب صعب وبتتطلب فية مجامﻻت لتقارير طبية تودى الى يعملها جهنم درجة اولى..دة غير ان الطب الشرعى اصابة ما اصاب البلد من عفن كلنا عارفينة.. بلد محدود الدخل العايش فيها بطل ومش بيهين نفسة بمزاجة.. الحل ان القادر المعافى الحامد يساعد الفقير على تحمل نفقات العﻻج وان المريض يميز المعالج الى معاه يعرف ربنا وﻻ ﻻء.. والناس تحسن سلوكها وعاداتها وتحترم الناس فى مكان عﻻجها ودى صعبة على ألكثير من صحاب السلطة الى واخدين على اﻹستثناءات بشكل مستمر.. لو حسيت انك هتتلط عليك بالتوجية اﻹلهى بسم الله الرحمن الرحيم واهجر القرية الظالم اهلها.. صدق الله العظيم بس لو سافرت لوحدك.. اوعى تنسى نفسك فى الغربة وأسرتك تتفكك

هﻻل .. متفكرش بشكل فئوى لإنة لو نجح بشكل جزئى فى انتزاع بعض الحقوق.بيكون مسكن للوضع الفاسد وليس حل جذرى ومحدش قال ابدا الى استنتجتة من تبرير ظلم الكل بفسادالبعض.. اى حد عندة ضمير ﻻزم يحترم الطبيب الى نظرة راح وضحى كتير من سعادتة وراحتة عشان يعرف يجمع معلومة وخبرة يعالجة بيها.. اما مداخلة م صبحى ..برغم ان كﻻمك مش ليا بس ياريت توضح عشان مش فاهم آخر عبارة؟