حاسس بالظلم و الغيظ

**Mahmoud Naguib** · 08-02-2016 02:16 PM

المشاركة الأصلية كتبت بواسطة إنسانة

هتعمل ايه الحكومة في ظل الزيادة السكانية الرهيبة اللي بتحصل ؟

اي خطط تنموية هتفشل

لازم قانون لتحديد النسل والا انسى الصحة والتعليم والاكل كمان

أنا مستغرب جدا من رد حضرتك .... أنا شفت لحضرتك أكتر من موضوع ورد بيدلوا على نمط تفكير ذكي وواعي جدا

بس عامة لو هنتكلم ف زيادة سكانية أقوى اقتصاد ف العالم اللي هو اليابان عددهم يفوقنا بكتير غير ان أرضهم أصغر من أرضنا !
والصين والهند وغيرها !

فعمرها ما كانت بالزيادة السكانية على فكرة
وأنا مش هتكلم عن الخطط اللي المفروض تتبع للنهضة لأن الكلام لآ هيودي ولآ هيجيب والفساد مش هينتهي

**tasaka** · 08-02-2016 02:25 PM

يجب تخصيص الموارد اللازمه للقطاع الصحى .. او على الاقل ترشيد بعض اوجه الانفاق الغير لازم و توجيهه الى قطاع الصحه و ده اضعف الايمان .. ده ان كانوا فاهمين قيمه الثروه البشريه للدوله و الخسائر الغير مباشره نتيجه اهمال هذا القطاع

خصوصا انه لسنوات قليله سابقه كان اعلى مصدر للدخل من العمله الصعبه للدوله .. هو تحويلات العاملين بالخارج ( الثروه البشريه )

و امر اخر لا يقل اهميه .. فى رايى يجب الا يسمح بدخول كليه الطب بالمجموع فقط .. لابد من اختبارات للمتقدمين للتاكد من صلاحيته لهذه المهمه النبيله .. و مدى تقديره للحياه الانسانيه

**rotanamasoud** · 08-02-2016 02:31 PM

المشاركة الأصلية كتبت بواسطة إنسانة

هتعمل ايه الحكومة في ظل الزيادة السكانية الرهيبة اللي بتحصل ؟

اي خطط تنموية هتفشل

لازم قانون لتحديد النسل والا انسى الصحة والتعليم والاكل كمان

بس الحكومه بتصرف كويس جدا على الجيش والشرطه والتسليح لانها بالنسبه للحكومه اساسيات اما الصحه والتعليم دول رفاهيه ملهمش لازمه (لو موضوع نسل كانت الهند والصين اول ناس عانت من قوه البشر لاكنهم استغلو قوه البشر)

**إنسانة** · 08-02-2016 03:26 PM

المشاركة الأصلية كتبت بواسطة mahmoud naguib

أنا مستغرب جدا من رد حضرتك .... أنا شفت لحضرتك أكتر من موضوع ورد بيدلوا على نمط تفكير ذكي وواعي جدا

بس عامة لو هنتكلم ف زيادة سكانية أقوى اقتصاد ف العالم اللي هو اليابان عددهم يفوقنا بكتير غير ان أرضهم أصغر من أرضنا !
والصين والهند وغيرها !

فعمرها ما كانت بالزيادة السكانية على فكرة
وأنا مش هتكلم عن الخطط اللي المفروض تتبع للنهضة لأن الكلام لآ هيودي ولآ هيجيب والفساد مش هينتهي

اهلا بيك سيد محمود نجيب

مصر في معظمها صحراء جرداء مقارنتها باليابان غير عادله

اهم مورد في الدنيا هو المياه - اليابان ٤٠٠٠م٣/للفرد الياباني - مصر ٦٧٠م٣/للفرد المصري باي حق تلك المقارنة باي حق

موارد مصر الطبيعية فقيرة

لما يذكر في الموسوعات ان اليابان قليلة الموارد هم في واقع الامر بيقارنوها باستراليا وامريكا مش مصر

المشاركة الأصلية كتبت بواسطة rotanamasoud

بس الحكومه بتصرف كويس جدا على الجيش والشرطه والتسليح لانها بالنسبه للحكومه اساسيات اما الصحه والتعليم دول رفاهيه ملهمش لازمه (لو موضوع نسل كانت الهند والصين اول ناس عانت من قوه البشر لاكنهم استغلو قوه البشر)

الهند والصين عانت وسنت القوانين المنفذ بحزم جنى النتائج الايجابية والهند رغم مواردها تعاني اسوء الاوضاع

مصر مفيش شك يحكمها حكم عسكري مستبد ولكن قتل دكتاتوري ليبيا واصبحت جماعات مسلحة تعيش على اصوت المولدات والرصاص

قتل دكتاتوري العراق واصبح الشعب العراقي موزع لاجئين والجماعات المسلحة التابعة لكل طائفة تتجول في شوارع العراق بلا حاكم ولا قانون

اما حكم مدني ديمقراطي علماني عادل او الجيش قول فاسد وسارق وجاهل ولكنها دولة

**volociximab** · 08-02-2016 04:42 PM

بدون عدد السكان الصين ليس لها وزن
امريكا 300 مليون
الاتحاد الاوروبى 300 مليون
روسيا نفس القصة
الهند مليار
الصين مليار و نصف
اليابان يمكن ضعفنا

**tasaka** · 08-02-2016 04:52 PM

المشاركة الأصلية كتبت بواسطة volociximab

بدون عدد السكان الصين ليس لها وزن
امريكا 300 مليون
الاتحاد الاوروبى 300 مليون
روسيا نفس القصة
الهند مليار
الصين مليار و نصف
اليابان يمكن ضعفنا

+1
كل الدول دى بدأت من الصفر بعد الحرب العاليه الثانيه
عمر عدد السكان ماكان مشكله لاى دوله تريد التقدم و تحسن استخام المتاح من مواردها

**volociximab** · 08-02-2016 05:01 PM

انا حضرت لما كانت نوبطجية الطبيب 12 ساعة ب8 جنيه
و ارتفعت ايام حاتم الجبلي بقت ب45 بالليل و 12 جنيه تقريبا بالنهار
المهم الموضوع ملوش حل
طبيب قاعد فى البرد فى الاستقبال فى مستشفى متهالكة و تمريض ضعيف يدخل عليه مريض محمولا على الاعناق يحتاج لسرير بالعناية المركزة
الطبيب بمنتهى البساطة مفيش سراير يطلب منهم ان يذهبوا لماكن اخر
لا يجد اهل المريض الا هذا الطبيب لمحاسبته على تخلف البلد فيتخانقوا معاه
هذا بخلاف البلطجية الى بيدخلوا عليه و السباب و النسوان الشمال و الشمامين و الخناقات الى بيكملوها داخل المستشفى
انت كطبيب لو اضربت او صرخت لن تجد فائدة لاسباب:
اولا:كان غيرك اشطر و المشاكل دى من زمان محصلش حاجه رغم الاعتراضات و الاضرابات
ثانيا:انت فى قطاع غير منتج و بالتالى لا تدر دخل و بالتالى ليس لك فائدة يعنى انت مش شغال فى الضرايب و لا الكهربا و لا المالية
ثالثا:الميزانية الطبية عبء على دول عظمى مثل امريكا و انجلترا فما بالك بدولتنا
رابعا:مهما صرخت التعامل معاك بكل بساطة اننا نصدرك للجمهور-و الاعلام يشتغل-الدكاترة مش عاوزين يشتغلوا-الدكاترة بيموتوا الناس-الدكاترة جزارين و بالتالى ولعوا فى بعض بعيد عن حل اى مشكلة و تتحول مشكلتك مع الحكومة الى مشكلة مع الشعب

طب ايه الحل؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
اولا: ما دمت التزمت انك تشتغل فى مكان لازم تقوم بدورك و تسد فى المكان مهما كانت الصعوبات
هتتعلم
هتتعرض لضغط و تعرف كيف تتعامل معه
و بالتالى ترتقى مهنيا

مفيييييييييييش حاجة اسمها اضراب و لا فرق بين الاضراب فى الطوارىء و الاضراب فى العيادات الخارجية لان مهنتك متعلقة بحياة الناس فمريض العيادة الخارجية سواء سكر او ضغط او قلب او غيره لو لم تعالجه سيموت مثله مثل مريض الطوارىء

ستقول ما الناس عماله تموت--اقولك الناس مش بتموت بسببك لكنك بإضرابك الناس ماتت بسببك

فى النهاية:خلصت نيابتك او تعليمك او معنتش قادر تتحمل الوضع بمنتهى البساطة
شكرا يا مصر
و اول طيارة و متجيش ام البلد دى تانى الا عشان تزور اهلك

**إنسانة** · 08-02-2016 05:02 PM

مصر افقر موارد في العالم

حساب عدد قاطني الدولة فقط "تستطيح" كل بلد ليها طاقة استيعابية بتقف عندها مصر مش في المريخ تسري عليها قوانين الارض !

امريكا مواردها ضخمة جدا ومعدلات النمو السكاني متناسبة

اما

الزيادة السكانية = ٧٠٠،٠٠٠ طالب عمل جديد كل عام + ٢ مليون عاطل قائم- ولا امريكا تقدر توفر فرص العمل لكل هذا العدد

مصر الفقيرة جدا في الموارد مش احسن من سنغافورة والهند والصين اللي حددوا النسل رغم كل مواردهم

نصيب الفرد عندك من المياه العذبة 670م3 - هتعالج الموضوع ده إزاي؟

اليابان 4000م3 - ماليزيا 25000 - الصين المليارية 2000

سياسة قومية لتحديد النسل لحد ماتقف على رجليك زي معظم الدول

لكن متكسح وتتكاثر "دونت مكس"

**Bassem Youssef** · 08-02-2016 06:15 PM

في مصايب اكتر من كده

ربنا يخرجنا منها علي خير

**Imhotep** · 08-02-2016 06:20 PM

الصين لسه السنة دى لاغية سياسة الطفل الواحد اللى كانت متبعاها . . . من امتى؟ من 1985
و عملوا كده ليه؟ ملاغوهاش الا لما اتأكدوا ان اقتصادهم بقى على درجة من القوة انه يستوعب الزيادة السكانية و يحولها فعلا لطاقة منتجة مش كلام و خلاص عن الطاقة البشرية. . . و برضه ما سابوهاش مفتوحة على البحرى لكن يادوب سمحوا بطفل تانى مش سداح مداح زى هنا فتكون النتيجة بنية تحتية خربانة بسبب فساد و اقتصاد تعبان اصلا. . . و نقعد نقول الفرخة و لا البيضة. . . يعنى الزيادة السكانية موطن قوة ام ضعف للاقتصاد و عبء عليه . . . و اعتقد كده وضح ان الصين ردت بالاجابة من زمان

قبل كده و لمدة 30 سنة كان اللى يخلف طفل تانى بيتحرم الطفل ده من كل الحقوق كعقاب لوالديه و بيتعامل على انه لقيط. . . و الموضوع وصل لتعقيم اجبارى للسكان فى وقت من الاوقات. . . و يا ويل اللى يتهرب فيها سجن على طول