الموضوع: ايه افضل زيت لل فيات 128 يتغير بعد 3000 كيلو او اكثر

نيجي بقى للردود اللي حضرتك قلتها.. واسمحلي أرد عليها واحد واحد.

المشاركة الأصلية كتبت بواسطة ahmed.biso13

انا راى زيت موبيل دلفاك الاسود ود بيتغير كل 1500 وتستعمله فى الصيف لانه زيت تقيل قليل التبخر فى الصيف
وزيت تعاون الازرق فى الشتاء عشان يساعد فى عملية الدوران فى الشتاء وده كل 2000 كم
لان الافضل يتم تغير كل 1500 كم وده عشان ليونة الزيت بيقلل معدل الاحتكاك فى الماتور احسن ما الزيت يطول معاك وياكل فى الكرنك وعشان تتاكد
جرب تغير بنفسك الزيت بعد3000 كم ومرة بعد 1500 وحتفظ بالجركنين الزيت الخارج وشوف درجة ملمس الزيت باصابعك الاثنين هتعرف الفرق

موضوع استخدام زيت تقيل في عربية طالبة زيت أخف من أخطر الأخطاء اللي ممكن تعمل مع موتورك..

الزيت التقيل معناه إنه بيمشي بالراحة.. يعني لو عايز الزيت يوصل للتاكيهات في وش السلندر فالزيت التقيل هياخد فترة أطول من الزيت الخفيف .. وتلاقي الحديد عمال ياكل في بعضه لحد ما الزيت يوصل.

الزيت الأخف من اللازم هيبقى بالعكس... هيوصل بسرعة.. بس مشكلته إنه مش هيعمل طبقة زيت كافية للحماية..

يبقى الحل إيه؟؟؟

ولا تقيل ولا خفيف... زيت الكتالوج هو الصح.

بالنسبة لمسألة التبخر...
فالحقيقة مفيش حاجة اسمها زيت بيتبخر زي ما حضرتك فاهم... الزيت ماهواش سبرتو بيطير... بالعكس.. الزيوت كلها من أكتر المواد اللي مش بتتبخر أصلا.

أمال الزيت بينقص ليه؟؟؟

ادخل على الموضوع ده.. فيه المفيد.

http://www.nilemotors.net/Nile/418186-a.html

المشاركة الأصلية كتبت بواسطة ahmed.biso13

وهتشوف رواسواب الماتور بين الجركنين

معلش ياريت توضح أكتر.. حضرتك قصدك أنهي زيت أحسن.. الزيت اللي بينزل فيه رواسب كتير ولا قليل؟؟

المشاركة الأصلية كتبت بواسطة ahmed.biso13

زيت موبيل دلفاك الاسود بتاع سيارات النقل 4 لتر
ليونة الزيت معناه درجة الملمس على سبيل المثال كريم الشعر ده درجة ليونة علاية وملمسه ناعم بين الاصابع
اما بالنسبة للجاز السيارات لو لمسته بين اصابعك هتلاقى خشونة المادة ومعدل احتكاك علاى ولو فضلت تفرك فى اصابعك كتير ممكن صباعك يتسلق

أكبر غلط إنك تستخدم زيت مخصص للمواتير اللي بتشتغل بالديزل (السولار) في مواتير بتشتغل بالبنزين... ولو عرفت إيه الفرق ما بينهم هتعرف إنها مصيبة كبيرة.

يا ريت تدخل على الموضوع ده.. فيه المفيد في الحتة دي.

http://www.nilemotors.net/Nile/34168...post3874869463

والليونة اللي حضرتك قصدك عليها دي بتبقى جاية من اللزوجة بتاعت الزيت + الإضافات اللي عليه.

على فكرة... الجاز يعتبر مزيل للدهون والشحوم... فشيء طبيعي إنك تحس بالملمس الخشن لإن الزيوت اللي في صوابعك أصلا دابت وما بقتش موجودة.


المشكلة الأكبر.. إن الحكم على أداء الزيت مش بيبقى كده خالص...

الزيت بيشتغل على درجة حرارة 90-100... وأداء الزيت ومقاوته للاحتكاك بتتقاس في الحرارة دي... وأكيد مش بتتقاس بالصوابع.

يا ريت تدخل على الموضوع ده علشان تعرف الفرق بين درجات اللزوجة.. وإيه معنى الأرقام المكتوبة على علبة الزيت.

http://www.nilemotors.net/Nile/481878-a.html

المشاركة الأصلية كتبت بواسطة ahmed.biso13

بالنسبة للتجربة انا كان عندى عربية شاهين عملت فيها كل التجارب اللى تتخيلها
ولما اتعلمت بعتها وجبت تمبرا وطبعا عملها اندكس صغيرلكل شى يتغير فى العربيةوميعاد تغييره زى زيتالفتيس والماتور وسير الديناموا والكاتينة واى قطعة غيار بتتغيرلا جديد او مستعمل بكتب تاريخا عشان اقيم عمرها الافتراض
وبعدين لازم تجرب فى الفيات عشان لمار بنا يكرمك بحاجة احسن تبقى فاهم مع الصنياعى ومايشتغلكش وتقيم الصيايعة كويس

شوفت؟؟؟

أديك اتعلمت في عربية.. يعني خسرتها.. في حين إنك ممكن قوي توفر فلوسك دي كلها بمجرد قراية سطرين في الكتالوج.

المشاركة الأصلية كتبت بواسطة ahmed.biso13

بالنسبة للتجربة انت بتشوف التجربة عملى امام عينيك والصنايعى بيعملها وبعد كده ممكن تشترى عدة وتعمل التجربة بحرص لواحدك
وده لسبب واحد فقط انك لوعطلت فى الطريق وفى يوم عيد من هيساعدك غير نفسك فلما تعمل التجربة والميكانيكى يصلح نسبة الخطا اللى انت عملته وانت فى العمار عشان تقدر تساعد نفسك فى الخلاء

مش مختلف معاك.. بس التجارب في السوائل والزيوت في العربيات والمكن عموما ليها آثار مدمرة.. ممكن قوي تخلي الموتور يروح منك خالص..

الزيت في المكنة عامل زي الدم في الإنسان... لما إنسان بيبقى عايز دم في عملية أو حادثة لا قدر الله.. ينفع تحط دم من فصيلة تانية؟؟؟؟ ولا مش فارقة.. ماهو كله دم وخلاص؟؟؟؟

المشاركة الأصلية كتبت بواسطة ahmed.biso13

اتمنى ان تكون افاتدك

مؤكد حضرتك أفادتني.


...