الصعايدة وصلوا !!!

**fars777** · 27-02-2010 12:48 AM

منورين المنتدى يا صعايده...أنا برضه من المنيا لكن مقيم في مصر حاليا...وبيتنا اللي في البلد بيطل برضه على بحر يوسف..ولو انه شبه مهجور حاليا..لولا ان المنيا مفيهاش فرص للشغل الواحد كان يحب بعيش في مدبنة المنيا طول عمره ...بلد جميلة ونضيفة وفبها كل الخدمات اللي الواحد ممكن يحتاجها..

**Xander2010_Evo** · 27-02-2010 02:23 AM

هههههههه
أهلآ بكل الصعايدة
إنتو كنتو فين?
مانا صعيدي الأصل بردو بس عادي إلي يشوفني بيفتكرني موش صعيدي خالص موش عارف دايمآ الناس تربط بين الصعيد والناس السمراء والعمة والنبوت
العائلة أساسآ من قنا بس حاليآ ف السويس
وبمناسبة الصعايدة (إللي هوا إحنا يعني)كام نكت علينا يعتبر ههههه
وحده ماشيه مع واحدصعيدي فجأه ألتلو باباجاي باباجاي قالهاجوليو إني أخوكي

صعيدي‎ فتح‎ معمل‎ تلج‎ سماه
"معمل‎ الصعيد‎ للمياه‎ الناشفه‎"‎

واحد صعيدي عينوه مدير ملجأ
أيتام أول قرار اخذه اجتماع لاولياء الامور.

صعيدي بيعاكس واحدة بالتليفون قالتله شكلك صعيدي قالهايلعن أبوإظهارالرقم

صعيدي قاعد ع الشط
شاف واحد بيغرق
كل ما يرفع أيده
يقوله
عليكم السلام ورحمة الله!!

واحد صعيدي راكب ميكروباص
لقي واحده طلعت جنيه و بتقول للسواق : زهراء المعادي ياسطي .
راح طلع عشره جنيه ,
وقال : المعلم هريدي يا برنس .

واحد واقف قدام الكعبه بيقول: يارب سامحنى خلاص مش هتريق ولا أقول نكت على الصعايده تانى:
جاله صعيدى بيسأله هى القبله منين؟
قال شايف يارب هما اللى بيستفزونى

صعيدي مثقف
أول مرة يركب طياره
قال للمضيفة:
This Is No Talk ,
I Was One Hour Student Tea.
الترجمه:
ده مش كلام،
أنا بقالي ساعه طالب شاي.

صعيدي
مراته خلفت تؤام
قعد يعذبها أسبوع
عايز يعرف مين أبو الوادالتانى

كفاية كده نكت علشان ورايا سفر الصبح

**KSA2011** · 27-02-2010 07:59 AM

الاول وقبل كل حاجه هو النوبى فين سالت عليه كتير وما ظهرش ولا حد جاوب !!
تانى حاجه انا والدى اتعلم فى اسيوط جامعته كانت هناك وقضى جزء من جيشه هناك وكان معاه طاهر ابو زيد وواحد قريبنا كان لواء اركان حرب نايب لحد بس مش هقول اسمه لانه الى بسمعه انه كان من اسباب النكسه ههه
بيقول انها من اجمل الايام الى قضاها فى حياته
الناس جميله جداا والجو جميل
اما بالنسبه ليا انا ما عنديش مشكله مع الصعايده الحمد لله
كمان انا من النوع الى مش بيفتكر النكت بس فاكر نكته هقولهالكم
مره واحد راح يحج فهو واقف فى الحرم قعد يدعى يقول يارب سامحنى على كل نكته قلتها فى حق الصعايده قام جاى واحد صعيدى من وراه وقاله لو سمحت هى القبله منين ؟ قام قايل شايف يارب هم الى بينكشونى

**KSA2011** · 27-02-2010 08:01 AM

اه وفيه نكته تانيه ههه
مره واحد صعيدى بس ذكى اوى راح ا مريكا فضاعت محفظته وقعد يدور عليها جاله واحد امريكى وقاله can i help u ?
قام الصعيدى قاله بصراحه انا مش فاهم انت بتقول ايه بس احتياطيا تيت تيت هههه شتمه
صعيدى ناصح
هى الاستاذه نور دمها هيتهدر بعد الموضوع ده ههههه
انا ما قلتش حاجه

**نور القمر** · 27-02-2010 04:27 PM

المشاركة الأصلية كتبت بواسطة medo2o1o

انا من محافظة المنيا مركز المنيا بس عايش فى القاهرة من صغرى و بننزل فى الاجازات و اهلى كلهم هناك
وللاسف اخدت الدماغ الصعيدى

اهلا بيك منور الموضوع المنياوية كتروا في المنتدى ماشاء الله

المشاركة الأصلية كتبت بواسطة fars777

منورين المنتدى يا صعايده...أنا برضه من المنيا لكن مقيم في مصر حاليا...وبيتنا اللي في البلد بيطل برضه على بحر يوسف..ولو انه شبه مهجور حاليا..لولا ان المنيا مفيهاش فرص للشغل الواحد كان يحب بعيش في مدبنة المنيا طول عمره ...بلد جميلة ونضيفة وفبها كل الخدمات اللي الواحد ممكن يحتاجها..

اهلا بيك طيب ينفع تقول انهي مركز وبلد يمكن نطلع قرايب

المشاركة الأصلية كتبت بواسطة Xander2010_Evo

هههههههه
أهلآ بكل الصعايدة
إنتو كنتو فين?
مانا صعيدي الأصل بردو بس عادي إلي يشوفني بيفتكرني موش صعيدي خالص موش عارف دايمآ الناس تربط بين الصعيد والناس السمراء والعمة والنبوت
العائلة أساسآ من قنا بس حاليآ ف السويس

كفاية كده نكت علشان ورايا سفر الصبح

انا كمان محدش بيفكر اني صعيدية
دايما الناس تفتكرني خليجية يمكن عشان لكنتي اتأثرت بيهم ومش عايزة تتعدل تاني
تروح وترجع بالسلامة

المشاركة الأصلية كتبت بواسطة KSA2011

الاول وقبل كل حاجه هو النوبى فين سالت عليه كتير وما ظهرش ولا حد جاوب !!
مره واحد راح يحج فهو واقف فى الحرم قعد يدعى يقول يارب سامحنى على كل نكته قلتها فى حق الصعايده قام جاى واحد صعيدى من وراه وقاله لو سمحت هى القبله منين ؟ قام قايل شايف يارب هم الى بينكشونى

ابعت لنوبي على الخاص وطمنا عليه
اول مرة اشوف النكتة دي في مشاركتك ومشاركة Xander بس تحفة بصراحة موتتني من الضحك

**fars777** · 28-02-2010 01:32 AM

المشاركة الأصلية كتبت بواسطة نور القمر

اهلا بيك طيب ينفع تقول انهي مركز وبلد يمكن نطلع قرايب

هي قرية في غرب مركز ملوى اسمها ابشادات..اسم فرعوني في الأساس..احنا في كل الأحوال قرايب لاننا "ابناء المنتدى" :)

انا كمان محدش بيفكر اني صعيدية
دايما الناس تفتكرني خليجية يمكن عشان لكنتي اتأثرت بيهم ومش عايزة تتعدل تاني

ينفع كده؟

**نور القمر** · 28-02-2010 01:38 AM

اكيد طبعا قرايب واخوات
انا قبليك بكتير اقرب لمغاغة مركز اسمه العدوة
تشرفنا يا فندم

**m.aligamal** · 28-02-2010 03:38 AM

يا جماعه انا مش صعيدى بس كان ليا واحد صحبى صعيدى ايام الجامعه ابوه كان عضو مجلس شعب سابق و من اسره عريقه جدا يعنى مبادىء و نشوفيه دماغ و الكلام ده المهم كنا فى المدرج و فى واحد اتريق عليه طبعا عينك متشوف الا النور حصلت عاركه كبيره جدا و ناس كتير ادخلت و الجامعه و الامن اتقلبوا و الصاعيده الى فى المدينه الجامعيه تضامنوا بطريقه غريبه ووصل الامر لابو صاحبى و كلمه فى التليفون و انا كنت معاه ولك ان تتخيل العجب قله يا محمد حاجه حصلت لك محمد رد وقله لا قاله خليك مطرحك هبعتلك الرجاله يادبوا الواد ده و قد كان حوالى 40 عمه امام المدينه الجامعيه مرابطين مستنين الواد الى حصلت العركه بينه و بين محمد صاحبى و حصل صلح بعد كده و الامور اتحلت و الامن اتدخل و ال40 عمه برضه مصممين انهم يخطفوا الواد برضه بالعافيه على ما انصرفوا و رحت مع صاحبى بيتهم فى الصعيد لو قلتلكوا انا كنت حاسس انى مش فى مصر كميه سلاح مش طبيعيه و سالت ابو صاحبى عالسلاح ده رد و قالى حدانا سلاح مش عند حسنى مبارك طبعا انا اتثبت بس الناس كانوا كرما بشكل مش طبيعى اكل و شرب و خروج و فسح افتقدته محمد جدا بعد الجواز بجد صفاء و تلقائيه و حب شديد و غضب شديد
تستشعر انه طفل
شكرا يا نور القمر انك فكرتينى بصاحبى و هقوم اكلمه

سلامتى يا لقمه

**KSA2011** · 28-02-2010 08:26 AM

المشاركة الأصلية كتبت بواسطة abocato

يا جماعه انا مش صعيدى بس كان ليا واحد صحبى صعيدى ايام الجامعه ابوه كان عضو مجلس شعب سابق و من اسره عريقه جدا يعنى مبادىء و نشوفيه دماغ و الكلام ده المهم كنا فى المدرج و فى واحد اتريق عليه طبعا عينك متشوف الا النور حصلت عاركه كبيره جدا و ناس كتير ادخلت و الجامعه و الامن اتقلبوا و الصاعيده الى فى المدينه الجامعيه تضامنوا بطريقه غريبه ووصل الامر لابو صاحبى و كلمه فى التليفون و انا كنت معاه ولك ان تتخيل العجب قله يا محمد حاجه حصلت لك محمد رد وقله لا قاله خليك مطرحك هبعتلك الرجاله يادبوا الواد ده و قد كان حوالى 40 عمه امام المدينه الجامعيه مرابطين مستنين الواد الى حصلت العركه بينه و بين محمد صاحبى و حصل صلح بعد كده و الامور اتحلت و الامن اتدخل و ال40 عمه برضه مصممين انهم يخطفوا الواد برضه بالعافيه على ما انصرفوا و رحت مع صاحبى بيتهم فى الصعيد لو قلتلكوا انا كنت حاسس انى مش فى مصر كميه سلاح مش طبيعيه و سالت ابو صاحبى عالسلاح ده رد و قالى حدانا سلاح مش عند حسنى مبارك طبعا انا اتثبت بس الناس كانوا كرما بشكل مش طبيعى اكل و شرب و خروج و فسح افتقدته محمد جدا بعد الجواز بجد صفاء و تلقائيه و حب شديد و غضب شديد
تستشعر انه طفل
شكرا يا نور القمر انك فكرتينى بصاحبى و هقوم اكلمه

سلامتى يا لقمه

**dolly13** · 28-02-2010 08:26 AM

هاهاهااهااهاها
دى جامدة موت
اول مرة اسمعها
جماعه صعايده سمعوا عن اختراع أسمه السيفون حبوا يعرفوا هو إيه بعتو
واحد منهم أمريكا ... لما رجع قالهم أما السيفون ده حتة اختراع يا
رجاله تدوس على السيفون ويا تلحق تشرب يا متلحقش .