الصعايدة وصلوا !!!

**نور القمر** · 29-11-2008 04:48 PM

المشاركة الأصلية كتبت بواسطة aif

شوفي يا نور .... برغم اني مش صعيدي ... لكن تربطني بالصعيد علاقة وطيدة من جهتين
الاولي ... ان انا ليا اقارب لهم ناس جيرانهم ... الجيران دول مناسبين ناس من مصر ... نسايبهم دول لهم اصدقاء ... الاصدقاء دول من ضمنهم واحد مرة قابل واحد من الصعيد وهو راكب مترو الانفاق
....
لكن زي ما قولتلك ليا برضه علاقات وطيدة بالصعيد

معلش ممكن تعيد الحكاية من الاول لاني توهت منك قبل ما اوصل لمحطة المترو
:k23::K15:

**نور القمر** · 29-11-2008 04:51 PM

المشاركة الأصلية كتبت بواسطة fadymelad

عيب عليك يا نور

مواهب مواهب يعنى

دا انا كنت بتفنن اقعد ارمى على العسكرى بصل من البلكونة

لغاية ما اشتكى لوالدى

وكان هيموتنى بمعنى الكلمة بس هربت منة وقفلت الاوضة على نفسى

اصل الله يرحمة كان زعلة وحش اوى اوى اوى

الله يرحمه والدك هايدخل الجنه من غير حساب من اللي شافه منك
ههههههههههههههه
وبتقولي زعله وحش ال
ده لو ابني كنت رميتك ورا البصل هههههههههههه

**fady.bekatcho** · 29-11-2008 09:28 PM

ههههههههههههههههههههههههه هههه

ما ربنا يخلى والدتى

فاكر مرة مدرس كان عليا امتحان فى الدرس

فقلى على ميعاد اجيلة فية

فى نفس المعاد كان عليا درس تانى فرحت فى المعاد الى قبلة

لقيتة بيقلى عامل فيها ناصح وجى علشان البنات

واتصل بالبيت
وانا واقف برة

سامعة بيقول لوالدتى يا هانم انتى مش مخلفة بنى ادمين

انتى مخلفة شياطين ربنا يكون فى عونك

بس طلعت عينة علشان الكلام دة

**aif** · 29-11-2008 09:38 PM

المشاركة الأصلية كتبت بواسطة نور القمر

معلش ممكن تعيد الحكاية من الاول لاني توهت منك قبل ما اوصل لمحطة المترو

:k23::K15:

انتي بس روحي محطة المترو .... وقولي فين الصعايده يا بوووووووي
ح تلاقي الدنيا اتقلبت ..... بعد ما الأمور تهدى ح تلاقيني واقف بأتفرج من علي الرصيف التاني
................................

انا فعلا مش صعيدي خالص ...لكن فيا بعض الصفات الصعيدية ...
مش باحب انصاف الحلول ...
ومش بأطيق الحال المايل ..... آي نعم باصبر كتير... لما بأطلع في اللي قدامي .... بابقي عامل زي قطر الصعيد ... المحافظات مش المراكز

**sinaispirit** · 30-11-2008 12:46 AM

يا سلام يا جدعان ...بجد الواحد فخور بأصله...المنيا دى مش شوية ..دى عروس الصعيد من ايام الفراعنة لما كانوا بيرموا العروسة فى النيل...
أنا من مركز سمالوط...أبويا من العوايسة "غرب البحر" و امى من بنى خالد "شرج البحر" فى الجبل بس احنا عايشين فى سيناء من 22 سنة...بس عليا الطلاج ما ننساش النيل و الغيط دا الواحد لحمو من خير البلد دى لحد النهارده...البتاو والسمن والعسل و الجبن الجريش و الملوخية الناشفة و النعنااااااع يا جدعان كوباية الشاى ما تنفعش من غيرة

والله فرحتوا الواحد و فتحتوا نفسوا قبل مينام

تحياتى للجميع

**Terrible_DaRsH** · 30-11-2008 03:15 AM

المشاركة الأصلية كتبت بواسطة نور القمر

يا بني انت متعرفش اني عندي مركز مخابرات غير مشروعي الجديد وزارة الدفاع

انا بعتلهم كلهم اميلات ومسجات قلتلهم لازم تسافروا البلد اسبوع وتاخدوا تريبل معاكم

هههههههههههههههههه طب انا ماكنتش عايز اروح ايه رايك بقي . .

انتى السبب ..

**Bossy_Fadl** · 01-12-2008 06:30 AM

المشاركة الأصلية كتبت بواسطة نور القمر

لما انتي يا بهانه يا اختشي اصلك من تركيا جنب قصر نور ومهند طوالي

قعده تتكلمي لبناني ليل نهار ليه

لا دي قصه تانية خالص بقي

خليها يوم من اول النهار:k48::k48:

**Ahmed_Elkhateb** · 01-12-2008 02:23 PM

انا من ديرووووووووط مركز من مراكز اسيووووووووط وكل بلد فيها يهود ويهود مصر اسيووووط هههههههههههههههههههههه انا مش بحب اروح البلد خاااااااالص واليوم اللى بروح فيه بروح صد رد واجى
بس يا جماعه انا كنت فى فرح واحد صحبى فى المنيا فى العيد الصغير شوفت النضافه بطريقه جمييييييله جدا جدا جدا مفيش ورقه فى الأرض اشرات المرور ديجتال وحاجه اخر نضافه ويابختك يا نور انكم من المنيا بتعرف تروحى تستجمى برحتك هههههههههه هنق عليكى وعلى كل اللى من المنيا ههههههههههههههههه

**نور القمر** · 01-12-2008 07:35 PM

المشاركة الأصلية كتبت بواسطة sinaispirit

يا سلام يا جدعان ...بجد الواحد فخور بأصله...المنيا دى مش شوية ..دى عروس الصعيد من ايام الفراعنة لما كانوا بيرموا العروسة فى النيل...
أنا من مركز سمالوط...أبويا من العوايسة "غرب البحر" و امى من بنى خالد "شرج البحر" فى الجبل

بس احنا عايشين فى سيناء من 22 سنة...بس عليا الطلاج ما ننساش النيل و الغيط دا الواحد لحمو من خير البلد دى لحد النهارده...البتاو والسمن والعسل و الجبن الجريش و الملوخية الناشفة و النعنااااااع يا جدعان كوباية الشاى ما تنفعش من غيرة

والله فرحتوا الواحد و فتحتوا نفسوا قبل مينام

تحياتى للجميع

[align=center]
اهلا بيك نورن الموضوع
عليك الطلاج مصدجينك انك مش ناسي النيل والغيط ههههههههههههههه هي دي حاجة تتنسي
اووووه فكرتني بالبتاو
الله ... اروع حاجة البتاو
البتاو ده يا جماعه حاجة زي الرقاق بس خلطة من دقيق القمح والذرة والحلبة سوا وحجمة اكبر من الرقاق

كسره على اللبن بقه واستمتع لا تقولي كورن فليكس ولا معرفش ايه
ولما يتبل بميه على خفبف يبقه طري وجميل بيخلي لاي اكل طعم تاني خالص
ويا سلام لو تسقيه مع العدس .. حاجة كدة خرافه[/align]