الموضوع: السؤال المرة دى عن الزيت

المشاركة الأصلية كتبت بواسطة borio1704

أنا آسف إني اتأخرت لإني ما شفتش الموضوع إلا دلوقتي...

عندي خبرين.. واحد حلو قوي ... وواحد حلو بس... :)


الخبر الحلو قوي... لقيتلك الكتالوج

ادخل على موقع جيب ده ونزله.. بس الكتالوجات عندهم لموديلات الحديثة شوية.. أقدم حاجة في سنة 2004.. بس أعتقد إنه نفس الموديل بتاعك ونفس المواتير..

Jeep Owners | Download an Owners Manual 2004 - 2011 | Jeep



الخبر التاني ... إن مواصفات الزيت الأنسب بتقوللك إن الزيت لازم يكون مطابق لمواصفات كرايسلر MS-6395 ... ومشكلة مواصفة كرايسلر دي إنك صعب جدا تلاقيها في زيت في مصر...




هو صحيح بيقوللك إنك لازم تشتريه معتمد من الـAPI.. بس مواصفة الـAPI عموما تعتبر متواضعة نسبيا مقارنة بمواصفات الشركات..

بس المؤكد بالنسبالي إن زيوت "موبار" لازم تكون معتمدة من كرايسلر طبعا... لإن "موبار" هي الشركة الرسمية لقطع الغيار بتاعت مجموعة كرايسلر.


بس الغريبة إني ألاقي زيت موبيل 1 ESP Formula بلزوجة 5W-30 وعليه مواصفة لكرايسلر.. بس مش نفس الرقم!!!


احتمال تلاقي زيت مناسب عند شيل.. بس اتأكد من وجود المواصفة الأول..
أنا لقيت ده على موقع شيل.. بس معرفش موجود في السوق في مصر ولا لأ !!
Shell Helix Ultra SN 5W-30 | Shell Global


الزيت اللي لقيته - ومتأكد إنه موجود - وعليه مواصفة كرايزلر دي (MS-6395) هو مجموعة آمسويل كلها الـ 5W-30 وكمان 10W-30

https://www.amsoil.com/lit/databulletins/g2880.pdf
https://www.amsoil.com/lit/databulletins/g1404.pdf
https://www.amsoil.com/lit/databulletins/g3404.pdf


بالنسبة لضغط الزيت... فمكتوب في الكتالوج إن الضغط الصح لما يبقى المؤشر في النص تقريبا.


...

ده شل الترا اللى فى الموقع العالمى

وواضح طبعاً ان فيه مواصفة كرايسلر وانه SN و A5 وحاجة تفرح

انما شل المتوفر فى مصر



مفيش مواصفة كرايسلر وانه SL و A3 دا غير انه صناعة مصرية وبـ 325 الـ 4 لتر ومفيش عبوات 1 لتر يعنى لازم تشترى عبوتين 4 لتر.
نيجى بقى لزيت Amsoil مواصفة كرايسلر موجوده فعلاً والعبوات تقريباً 1 لتر (1 us quart)
946 مللتر سعره الـ OE بـ 85 جنية والـ Signature بـ 110 جنيه العربية بتحتاج 6 عبوات ويا مسهل