الموضوع: عشاق و ملاك البيتلز بالمنتدى

المشاركة الأصلية كتبت بواسطة hashem1999

هى دى صورة العربيه موديل 65 معدله لشكل 1302 وحالتها الخارجيه ممتازه موتور 1500 سىسى جنوط سبور وكاوتش عريض ولسه جديد والبطاريه جافه هى بس محتاجه شوية تظبيط فى الصالون هو مش وحش بس انا عاوز اروشنه شويه والكاسيت تعبان جدا وكذلك السماعات
وعاوزه تظبيط للفرامل وطبعا تغيير الزيت وطقم الصيانه البوجيهات والابلاتينووالكوندنسر واعمل يعنى صيانه دوريه كامله وانا بفكر اروح ان شاء الله للحاج محمد على اجرب شغله من كتر ماسمعت عنه من اصدقائنا فى المنتدى مع انى ساكن فى المعادى وده مشوار بس مش مهم طالما ان شغله هيريحنى ويظبطلى العربيه اما بالنسبه للسعر انا اشترتها ب 14000 وعلى فكره بالنسبه للاسعار فى البيتلز هى تختلف عن باقى السيارات لان البيتلز عموما كله قديم بس اللى بيحكم سعرها حالة السياره قبل الموديل فيما عدا ال1303 بس دى بتبدأ من 16000 وانت طالع
لكن بالنسبه لل1302 فى منها ب11000 وانت طالع وال1300 فى من 7000 وانت طالع بس طبعا حسب الحالة واذاكانت متعدله ولالا والكاوتش والجنوط والموتور وحاجات كتير جدا بتحكم سعرها بس نصيحتى لاى مشترى انه يحاول على قد مايقدر يجيب عربيه مافيهاش شغل كتير علشان متتعبوش ومش مهم السعر فى سبيل انه يريح دماغه من اللف بيها على الصنايعيه وغير انه هيصرف عليها اكتر من تمنها واسف على الاطاله

السلام عليكم و رحمة الله و بركاته

احب اشكر الاستاذ احمد حسن على مجهوده فى المنتدى وعلى ردوده الرقيقه وربنا يوفقه ويوفقنا جميعا لخدمة المنتدى واصدقأنا عشاق البيتلز

متشكر جداً يا أستاذ/ هاشم ... على الكلام الجميل دا و المشجع جداً و ربنا يكرمك و يقدرنا جميعاً على مساعدة أخوانا و أصدقاءنا المالكين للبيتلز , و دا مش هايكون إلا من خلال المشاركات داخل المنتدى و التكاتف و التفاعل خارجه بالمقابلات أو التليفونات أو الشات ثم كتابة كل ما يحدث أو حدث فى المنتدى لخدمة باقى الأعضاء

هى دى صورة العربيه موديل 65 معدله لشكل 1302 وحالتها الخارجيه ممتازه موتور 1500 سىسى جنوط سبور وكاوتش عريض ولسه جديد والبطاريه جافه هى بس محتاجه شوية تظبيط فى الصالون هو مش وحش بس انا عاوز اروشنه شويه والكاسيت تعبان جدا وكذلك السماعات
وعاوزه تظبيط للفرامل وطبعا تغيير الزيت وطقم الصيانه البوجيهات والابلاتينووالكوندنسر واعمل يعنى صيانه دوريه كامله وانا بفكر اروح ان شاء الله للحاج محمد على اجرب شغله من كتر ماسمعت عنه من اصدقائنا فى المنتدى مع انى ساكن فى المعادى وده مشوار بس مش مهم طالما ان شغله هيريحنى ويظبطلى العربيه اما بالنسبه للسعر انا اشترتها ب 14000 وعلى فكره بالنسبه للاسعار فى البيتلز هى تختلف عن باقى السيارات لان البيتلز عموما كله قديم بس اللى بيحكم سعرها حالة السياره قبل الموديل فيما عدا ال1303 بس دى بتبدأ من 16000 وانت طالع
لكن بالنسبه لل1302 فى منها ب11000 وانت طالع وال1300 فى من 7000 وانت طالع بس طبعا حسب الحالة واذاكانت متعدله ولالا والكاوتش والجنوط والموتور وحاجات كتير جدا بتحكم سعرها بس نصيحتى لاى مشترى انه يحاول على قد مايقدر يجيب عربيه مافيهاش شغل كتير علشان متتعبوش ومش مهم السعر فى سبيل انه يريح دماغه من اللف بيها على الصنايعيه وغير انه هيصرف عليها اكتر من تمنها واسف على الاطاله

بسم الله ما شاء الله
ألف مبروك و ربنا يباركلك فيها إن شاء الله و بصراحة لونها روعة
البيتلز كل الألوان بتليق فيها صراحة بخلاف أى عربية تانية
و جنوطها جميلة جداً و شكلها رايق و نظيفة
بس أتمنى إننا مانستخدمش كلمة ( آسف على الإطالة ) لأن الموضوع دا مفتوح عشان نتكلم براحتنا فى كل حاجة خاصة بعربياتنا البيتلز و بالتالى لا نبخل بذكر كل التفاصيل بقدر الامكان كى نتفهم و نستفيد جميعاً و أعتقد كل الأعضاء بتحب التعمق فى التفاصيل , و دا من وجهة نظرى و مش عارف رأى باقى الأعضاء إيه؟

و أنا ليا بعض الأسئلة لو تكرمت :
1- الأسعار اللى حضرتك زكرتها أسعار سوق السيارات ولا أسعار إيه؟
2- طالما كانت 1302 بتبدأ بالسعر 11000 جنية ليه حضرتك ما جبتهاش بالرغم من إن عربيتك الجديدة متعدلة للشكل دا؟
3- يا ريت تكلمنا عن رحلتك مع الترخيص بعد ما تبدأ فيه إن شاء الله و قيمة الضريبة و التأمين و كدا؟
4- إيه التظبيطات اللى محتاج تعملها فى عربيتك عشان كلنا نتشارك لو سمحت برأينا فيها و فى أسعارها و كدا ؟
5- إيه المميزات أو الإمكانيات اللى كنت بدور عليها فى البيتلز و لقيتها فى العربية الجديدة بتاعت حضرتك؟

* و نصيحة أخوية ما تستخدمش غير زيت Shell X100 عشان تحافظ على ماتورك و ما تعملش أى حاجة و تتسرع إلا لما تلف و تسأل كذا مرة لأن السوق دلوقتى للأسف كله غش سواء فى قطع الغيار و الكماليات و خلافه.

و أخيراً ربنا يباركلك فيها و يكفيك شرها و يرزقك بخيرها
آمين

استاذ احمد حسن مساء الخير
شكرا جدا على ردك وبالنسبه لسؤالك ليه ماجبتش 1302 ب11000 زى ماقولت
انا قولت انها تبدأ من 11000 (على حسب الحاله) وطبعا ده معناه ان السعر ده موجود بس ينطبق على اقل حاله بالنسبه للسياره وتكاد تكون عاوزه يتعمل فيها كل حاجه من اول حالة الموتور لحد السمكره والدوكو
طبعا كاوتش الرفيع وجنوط عاديه وصالون عاوز الحرق
وعلى فكره انا مش بقول بس كلام ده كله من خلال تجربتى فى البحث عن سياره بيتلز وانا لسه من يومين اتذكر انى روحت اشوف عربيه بيتلز فى المهندسين موديل 75 وكان مطلوب فيها 12000 والله ماتطلع من زمتى ب7000 جنيه ومافيش حاجه فيها نافعة خالص كله عاوز يتجدد ويتغير وزى ماذكرت من قبل نصيحة لاى مشترى بيتلز بالذات مش المهم الموديل المهم الحااااااااااله وانا كنت بدور على بيتلز واقفه على حالها مش عاوزه مصاريف كتير وموتور سىسى عالى وحالته كويسه وجنوط سبور وكاوتش عريض يعنى علشان انا لما اظبطه واصرف عليها متتعبنش كتير وتلففنى على الصنايعيه خصوصا انى كان معايا بيتلز من قبل وخلاص عرفت انا عاوز ايه بالظبط وبصراحه كمان كان نفسى فى اللون ده او الاصفر والحمد لله ان ربنا وفقنى وهى محتاجه شوية مصاريف بسيطه وانا النهارده ان شاء الله هروح للحاج محمد على علشان يظبطلى الفرامل علشان العربيه بتحدف منى شمال لما بدوس فرامل وعاوز اعليها شويه من قدام علشان متخبطش منى فى المطبات وانا مركب معايا ناس وبالمره يعملى صيانه كامله تنظيف كاربرتير وطقم كهرباء وبعد كده هروح للكهربائى يشوفلى عداد السرعه لانه مش شغال وهشترى كاسيت سى دى وسماعات كويسه لان الكاسيت اللى فيها شغال راديو بس والسماعات اللى فيها زى ماتكون بتاعت راديو بحجاره تعبانه جدا الصالون مش بطال هو عاوز شويه تظبيط حاجه بسيطه كده لكن هى من بره الله اكبر عليها مش محتاجه مصاريف من الخارج واشكرك جدا على معلومة الزيت وان شاء الله هجربه طبعا طالما انت جربته وبالنسبه للرخصه هى فيها سنه واربع شهور وانا عملت عقد مسجل ومامضتش مشترى علشان استفيد بالمده دى قبل مانقل ملكيه وطبعا ان شاء الله بعد ماظبطها واخلص هاحكيلكم على كل تجربه عملتها والتكاليف وربنا يوفقنا جميعا وشكرا جزيلا لكل اللى باركولى على العربيه وربنا يوفق الجميع

المشاركة الأصلية كتبت بواسطة hashem1999

استاذ احمد حسن مساء الخير
شكرا جدا على ردك وبالنسبه لسؤالك ليه ماجبتش 1302 ب11000 زى ماقولت
انا قولت انها تبدأ من 11000 (على حسب الحاله) وطبعا ده معناه ان السعر ده موجود بس ينطبق على اقل حاله بالنسبه للسياره وتكاد تكون عاوزه يتعمل فيها كل حاجه من اول حالة الموتور لحد السمكره والدوكو
طبعا كاوتش الرفيع وجنوط عاديه وصالون عاوز الحرق
وعلى فكره انا مش بقول بس كلام ده كله من خلال تجربتى فى البحث عن سياره بيتلز وانا لسه من يومين اتذكر انى روحت اشوف عربيه بيتلز فى المهندسين موديل 75 وكان مطلوب فيها 12000 والله ماتطلع من زمتى ب7000 جنيه ومافيش حاجه فيها نافعة خالص كله عاوز يتجدد ويتغير وزى ماذكرت من قبل نصيحة لاى مشترى بيتلز بالذات مش المهم الموديل المهم الحااااااااااله وانا كنت بدور على بيتلز واقفه على حالها مش عاوزه مصاريف كتير وموتور سىسى عالى وحالته كويسه وجنوط سبور وكاوتش عريض يعنى علشان انا لما اظبطه واصرف عليها متتعبنش كتير وتلففنى على الصنايعيه خصوصا انى كان معايا بيتلز من قبل وخلاص عرفت انا عاوز ايه بالظبط وبصراحه كمان كان نفسى فى اللون ده او الاصفر والحمد لله ان ربنا وفقنى وهى محتاجه شوية مصاريف بسيطه وانا النهارده ان شاء الله هروح للحاج محمد على علشان يظبطلى الفرامل علشان العربيه بتحدف منى شمال لما بدوس فرامل وعاوز اعليها شويه من قدام علشان متخبطش منى فى المطبات وانا مركب معايا ناس وبالمره يعملى صيانه كامله تنظيف كاربرتير وطقم كهرباء وبعد كده هروح للكهربائى يشوفلى عداد السرعه لانه مش شغال وهشترى كاسيت سى دى وسماعات كويسه لان الكاسيت اللى فيها شغال راديو بس والسماعات اللى فيها زى ماتكون بتاعت راديو بحجاره تعبانه جدا الصالون مش بطال هو عاوز شويه تظبيط حاجه بسيطه كده لكن هى من بره الله اكبر عليها مش محتاجه مصاريف من الخارج واشكرك جدا على معلومة الزيت وان شاء الله هجربه طبعا طالما انت جربته وبالنسبه للرخصه هى فيها سنه واربع شهور وانا عملت عقد مسجل ومامضتش مشترى علشان استفيد بالمده دى قبل مانقل ملكيه وطبعا ان شاء الله بعد ماظبطها واخلص هاحكيلكم على كل تجربه عملتها والتكاليف وربنا يوفقنا جميعا وشكرا جزيلا لكل اللى باركولى على العربيه وربنا يوفق الجميع

السلام عليكم و رحمة الله و بركاته
شكرا جزيلاً أستاذ/ هاشم ... على التوضيح
انت طمنتنى و الله لأن أنا معايا بيتل 1302 لوكس لسنة 1972 و كنت شاريها غالية و صرفت عليها شوية كويسين عشان بعض التعديلات, و فى الحقيقة مش ناوى أبيع بس بحب أعرف كل شوية حالة السوق و الأسعار.

بالنسبة لموضوع الصوت لو عاوز توفر فيه و تحصل بردو على صوت كويس تعمل زى ما أنا عملت لأن عربيتى شاريها بالراديو الأصلى بتاع الفابريكة , بمعنى إنك تجيب جوز سماعات Pioneer كويسين و أوكليزر و MP4 أو MP3 أو ممكن تجيب وصلة للموبايل و تشغله بدلهم على الأوكليزر و بالتالى هاتكون وفرت ثمن الهيدبوينت أو الكاسيت CD الغالى و دا لو حبيت توفر طبعاً .

بالنسبة لشغل الميكانيكا ممكن تكلمنى و نتقابل و نروح سوا للحاج محمد على الميكانيكى و كمان تشوف النظام الصوتى اللى بقولك عليه على الطبيعة عندى فى العربية و دا لو حبيت طبعاً و هى فرصة بردو للتعارف
أحمد حسن 0100058284

الف شكر ياأحمد باشا على اهتمامك
انا فعلا روحت امبارح للحاج محمد على وقضيت اليوم كله هناك شغل ميكانيكا وكهربا عند الحاج سعيد الكهربائى اللى جنبه وبصراحه الحاج محمد على فعلا راجل ممتاز جدا وامين وزوق ومش بيغش فى الشغل زى الاخرين والشغل اللى عملته عنده اشتمل على
عمل سرفيس كامل للعربيه
تغيير الابلاتين والبوجيهات
تنظيف الكاربراتير والاسبراتير
تركيب خراطيم التبريد للموتور بتاعت الهواء لانها ماكانتش موجوده اساسا
وانا كان عندى العربيه بتحدف شمال مع الفرامل ولما كشف عليها اكتشف
ان العجله الخلفيه الشمال البليه اللى فيها متأكله ومافيهاش اولسيه وبتجيب زيت فتيس وغيرناهم طبعا ورجلشلى الفرامل وخد منى مصنعيه 80 جنيه بس وكمان عمرو ابنه زوق جدا وكويس فى شغله وطبعا ابن الوز عوام والحاج محمد قاللى انه فعلا كان شغال زمان فى توكيل الفولكس
اما عن الحاج سعيد الكهربائى هو راجل زوق برضه بس بصراحه انا مش راضى عن شغله وده رأيى وهوضحلكم ليه
انا كان عندى عداد السرعه والبنزين مش شغال وهو قاللى هنصلحو بدل مايتغير وفعلا صلحو بس عداد السرعه مش غال صح لانى وانا مروح كنت ماشى على سرعه انا متاكد انها تعدى ال80 ك على صلاح سالم والاوتوستراد ولقيت المؤشر مش معدى ال60 ك وكمان مؤشر البنزين بعد ماحطيت صفيحة بنزين غير اللى كان فيها لقيته مش جايب ربع التانك مع انه المفروض يعدى انص على الاقل وهو غيرلى دراع الاشارات عشان كان مش شغال وكان راكب فى العربيه مفتاح صغير خلف الدريكسيون وطبعا ماكنش عاجبنى وغيرت مفتاح النور علشان كان فيه بوش واخد منى 86 جنيه مصنعيه وانا قولت مش مشكله فى سبيل العربيه تبقى مظبوطه كهرباء لكن الكارثه انى بعد مامشيت لنص الطريق وانا فى اتجاهى للمعادى مروح لقيت الكلاكس فصل والكشاف الامامى الشمال وفانوس خلفى فصلو تماما ولما اتصلت بيه علشان اقوله قاللى هى الكتاوت اللى عندك اللى وحشه وعاوزه تتغير مع انه ماقليش كده وانا عنده كنت غيرتها غير ان العربيه بالنسه للحاجات دى قبل مااروحله كانت زى الفل وامافيش حاجه من دى فصلت معايا وطبعا حسيت كأنى معملتش حاجه فى العربيه بالعكس حالها اصبح اسوأ من ماروحت بالنسبه للكهرباء
لكن الحاج محمد على وابنه عمرو رنا يباركلهم وانصح اى حد معاه بيتلز وبيدور على ميكانيكى كويس انه يروحلهم
اما عن اسعار قطع الغيار اللى انا اشترتها من عند خطاب اللى جنبهم برضه هى كالتالى
دراع الاشارات 125 ج
خراطيم التبريد بالاكواع بتاعتهم 18 ج
4بوجيهات بوسنه 23 ج
ابلاتين 15 ج
2 جوان تاكيهات 12 ج
مفتاح نور عالى وواطى 25 ج
كابل سرعه للعداد 40 ج
بليه للعجله الخلفيه 30 ج
اولسيه 20 ج
يعنى صرفت تقريباحوالى 500 ج
بس كل اللى مريحنى ان العربيه اتظبطت ميكانيكا لكن كهرباء كده لازم اروح لكهربائى تانى يظبطلى العربيه
وعلى فكره ياحمد باشا ياريت تقوللى انت جايب اكولايزر نوعه ايه وكمان الام بى فور واسعارهم واسعار السماعات علشان ابقى انزل اشتريهم وهو فعلا تفكير سليم بالنسبه للنظام الصوتى

المشاركة الأصلية كتبت بواسطة hashem1999

الف شكر ياأحمد باشا على اهتمامك
انا فعلا روحت امبارح للحاج محمد على وقضيت اليوم كله هناك شغل ميكانيكا وكهربا عند الحاج سعيد الكهربائى اللى جنبه وبصراحه الحاج محمد على فعلا راجل ممتاز جدا وامين وزوق ومش بيغش فى الشغل زى الاخرين والشغل اللى عملته عنده اشتمل على
عمل سرفيس كامل للعربيه
تغيير الابلاتين والبوجيهات
تنظيف الكاربراتير والاسبراتير
تركيب خراطيم التبريد للموتور بتاعت الهواء لانها ماكانتش موجوده اساسا
وانا كان عندى العربيه بتحدف شمال مع الفرامل ولما كشف عليها اكتشف
ان العجله الخلفيه الشمال البليه اللى فيها متأكله ومافيهاش اولسيه وبتجيب زيت فتيس وغيرناهم طبعا ورجلشلى الفرامل وخد منى مصنعيه 80 جنيه بس وكمان عمرو ابنه زوق جدا وكويس فى شغله وطبعا ابن الوز عوام والحاج محمد قاللى انه فعلا كان شغال زمان فى توكيل الفولكس
اما عن الحاج سعيد الكهربائى هو راجل زوق برضه بس بصراحه انا مش راضى عن شغله وده رأيى وهوضحلكم ليه
انا كان عندى عداد السرعه والبنزين مش شغال وهو قاللى هنصلحو بدل مايتغير وفعلا صلحو بس عداد السرعه مش غال صح لانى وانا مروح كنت ماشى على سرعه انا متاكد انها تعدى ال80 ك على صلاح سالم والاوتوستراد ولقيت المؤشر مش معدى ال60 ك وكمان مؤشر البنزين بعد ماحطيت صفيحة بنزين غير اللى كان فيها لقيته مش جايب ربع التانك مع انه المفروض يعدى انص على الاقل وهو غيرلى دراع الاشارات عشان كان مش شغال وكان راكب فى العربيه مفتاح صغير خلف الدريكسيون وطبعا ماكنش عاجبنى وغيرت مفتاح النور علشان كان فيه بوش واخد منى 86 جنيه مصنعيه وانا قولت مش مشكله فى سبيل العربيه تبقى مظبوطه كهرباء لكن الكارثه انى بعد مامشيت لنص الطريق وانا فى اتجاهى للمعادى مروح لقيت الكلاكس فصل والكشاف الامامى الشمال وفانوس خلفى فصلو تماما ولما اتصلت بيه علشان اقوله قاللى هى الكتاوت اللى عندك اللى وحشه وعاوزه تتغير مع انه ماقليش كده وانا عنده كنت غيرتها غير ان العربيه بالنسه للحاجات دى قبل مااروحله كانت زى الفل وامافيش حاجه من دى فصلت معايا وطبعا حسيت كأنى معملتش حاجه فى العربيه بالعكس حالها اصبح اسوأ من ماروحت بالنسبه للكهرباء
لكن الحاج محمد على وابنه عمرو رنا يباركلهم وانصح اى حد معاه بيتلز وبيدور على ميكانيكى كويس انه يروحلهم
اما عن اسعار قطع الغيار اللى انا اشترتها من عند خطاب اللى جنبهم برضه هى كالتالى
دراع الاشارات 125 ج
خراطيم التبريد بالاكواع بتاعتهم 18 ج
4بوجيهات بوسنه 23 ج
ابلاتين 15 ج
2 جوان تاكيهات 12 ج
مفتاح نور عالى وواطى 25 ج
كابل سرعه للعداد 40 ج
بليه للعجله الخلفيه 30 ج
اولسيه 20 ج
يعنى صرفت تقريباحوالى 500 ج
بس كل اللى مريحنى ان العربيه اتظبطت ميكانيكا لكن كهرباء كده لازم اروح لكهربائى تانى يظبطلى العربيه
وعلى فكره ياحمد باشا ياريت تقوللى انت جايب اكولايزر نوعه ايه وكمان الام بى فور واسعارهم واسعار السماعات علشان ابقى انزل اشتريهم وهو فعلا تفكير سليم بالنسبه للنظام الصوتى

السلام عليكم و رحمة الله و بركاته
إزيك يا أستاذ / هاشم و أخبارك إيه
ربنا يبارك للحاج محمد على و إبنه عمرو و هما بصراحة بيضو وشى و وش الأستاذ/ أحمد سالم و وش كل الأعضاء اللى جربوه و أشادو بيهم و بشغلهم و الحمد لله على ذلك.
بالنسبة للحاج/ سعيد الكهربائى
الراجل دا أنا جربتو فى تصليح دراع النور و الإشارات و هو بصراحة صلحهم كويس دون الحاجة لتغيير الدراع و بالتالى وفرلى مبلغ محترم و كانت المصنعية معقولة جداً ,

* و لكن نصيحة لجميع الأعضاء الكرام لازم تجرب كل حاجة قبل ما تدفع فلوس و تمشى و كمان تفاصل كويس بقدر المعقول فى المصنعية لو كانت مبالغ فيها.

* على العموم قدر الله و ما شاء فعل ... و انت دفعت فلوس عشان كدا لازم تروحلو تانى لغاية لما تاخد الشغل الصح و المظبوط و قبل ما تمشى جرب كل شىء خاص بالكهرباء مرة و اثنين و ثلاثة لغاية لما تطمن جداً و الكلام دا مع أى صنايعى طبعاً.

* على العموم كلمنى و أنا مستعد للذهاب معاك و نجرب بالكتاوت بتاعى لو الشغل طلع سليم يبقى فعلاً عيب كتاوت و ممكن نغيره و لو العكس نفضل معاه لغاية لما يصلح العيوب دى لآن النور من الأساسيات و الضروريات فى العربية, و كمان أنا أول مرة أعرف إن الحاج/ سعيد بيصلح عدادات و عوامة البنزين !!!!
إن شاء الله خير و لو هو ماقدرش يصلح المشاكل دى أنا مستعد أخدك لواحد كهربائى كويس جداً فى القلعة , هو ممتاز و مصنعيته معقولة جداً أنا لسه عامل عندو المارش بتاعى و بقى سريع جداً و التعتيلة بتاعته راحت , و كمان على حسابى عشان هاشم باشا ما يزعلش منى

منتظر الرد عشان نتفق و نروح للحاج سعيد إن شاء الله

احمد باشا صباح الفل
والله الواحد مش عارف يشكرك ازاى على زوقك وكرم اخلاقك
انا فعلا روحت للحاج سعيد تانى النهارده وظبط الانور والكلاكس اشتغل الحمد لله هو بس العداد والعوامه هبقى اوديه لواحد بتاع عدادات وبالنسبه للميكانيكا الحمد لله العربيه زى الفل والبركه فى الحاج محمد على ربنا يباركله هو وابنه عمرو وعلى فكرة انا كنت سألت الحاج محمد عن الزيت وقاللى استعمل اى نوع زيت يعجبك المهم انه يكون زيت ديزل عاده وانا برده هجرب شيل وسالته عن البنزين قاللى ان اى بيتلز تشتغل ببنزين 80 زى الفل ومافيش مشاكل منه وطمنى بصراحه عشان الموتور عندى 1500 وانا كنت خايف استعمل 80 وبرضه قولت اعرفكم جميع الاعضاء بالمعلومه دى للافاده وشكرا

المشاركة الأصلية كتبت بواسطة hashem1999

احمد باشا صباح الفل
والله الواحد مش عارف يشكرك ازاى على زوقك وكرم اخلاقك
انا فعلا روحت للحاج سعيد تانى النهارده وظبط الانور والكلاكس اشتغل الحمد لله هو بس العداد والعوامه هبقى اوديه لواحد بتاع عدادات وبالنسبه للميكانيكا الحمد لله العربيه زى الفل والبركه فى الحاج محمد على ربنا يباركله هو وابنه عمرو وعلى فكرة انا كنت سألت الحاج محمد عن الزيت وقاللى استعمل اى نوع زيت يعجبك المهم انه يكون زيت ديزل عاده وانا برده هجرب شيل وسالته عن البنزين قاللى ان اى بيتلز تشتغل ببنزين 80 زى الفل ومافيش مشاكل منه وطمنى بصراحه عشان الموتور عندى 1500 وانا كنت خايف استعمل 80 وبرضه قولت اعرفكم جميع الاعضاء بالمعلومه دى للافاده وشكرا

السلام عليكم و رحمة الله و بركاته

متشكر جداً على كلامك الجميل و الزوق
*الحمد لله يا أستاذ/ هاشم إن كل شىء بقا تمام بالنسبة للكهربا و الميكانيكا .
*بالنسبة لعوامة البنزين و العداد بيقولو فيه واحد اسمه الليثى أول الوكالة بس أنا ما تعاملتش لسه معاه.
*البيتلز لما نزلت من المصنع كان مفيش حاجة إسمها 80 و 90 و غيرة بالعكس كان الأوكتان تقريباً حاجة و سبعين و كمان ميزة عربياتنا إنها بتشتغل بأى بنزين
* أنا آخر مرة حطيت زيت كان التعاون الأحمر و كان معاه زيت شمبر عشان ماتورى خشن شوية بس الحمد لله مش بيدخن ولا حاجة و لكن بعد التجربة إكتشفت إن التعاون سريع البخر بخلاف Shell X100 اللى بخره يكاد يكون مفيش و كمان لزوجته عالية جدا خاصة فى الصيف و كمان بيخلى صوت الماتور أهدى و أنعم بس مشكلته إنه كل شوية بيغلى مش عارف ليه مع إن البترول بقى برخص التراب بس هى دى بلدنا

طيب انا ليه حاسس ان بنزين 80 هيعمل مشاكل في البيتلز بتاعتي ؟؟؟

و لو حبيت اغير لبنزين 80 هل لازم التانك يكون فاضي ؟

و بصراحة موضوع الطوابير اللي علي البنزينات علي بنزين 80 بيشجعني علي بنزين 90 ؟؟

ممكن راي الاخوة الاعضاء الللي معاهم بيتلز و بيستخدمو بنزين 80 ؟؟

إزيك يا أستاذ/ أحمد الحسينى (tashash) واحشنى و الله
مفيش مشكلة من البنزين 80 على البيتلز مع إن ال 90 أنظف طبعاً و متوفر و غير البنزين 80 و لكن لو مشاويرك كتير يبقى ال 80 هايوفر معاك كتييييييييير طبعاً , بس المهم لو هاتستخدم 80 إتبع التالى :
1- فول التانك 80 أول مرة على ال90 اللى فى التانك بعد كام كيلو كدا هاتلاقى العربية متبرجلة و دا عادى.
2- استنى لغاية قرب ما يكون التانك قرب يفضى بس مش للأخر عشان الشوائب و بعدين فول 80 و روح للحاج محمد يظبطله كهربا تانى مش فاكر بالظبط بيأخر كهربا ولا بيقدم إنت بقى إبقى إحكيلنا.

** إن شاء الله بكرة الجمعه بعد الصلاه هاكون عند الحاج/ محمد على عشان عندى مساعد تقريباً عاوز يتغير , و أتمنى إنى أشوف أعضاء البيتلز الكرام لو سمحت ظروفهم أو لو كان حد عندو مشكلة و عاوز يعملها عند الحاج محمد على الميكانيكى و كمان تبقى فرصة للتعارف و بجد أتمنى ذلك.

شكراً