ازاي تليين عربية زيرو...؟؟

**Ahmed Samy** · 22-07-2009 12:18 AM

انا اتبعت الطؤقة اللي في اللينك اللس ذكره ممدوح

وهي منتشرة بين اوساط الركيبة (موتور بايكرز) و بيلينوا بيها مواتيرهم ...

وأنا شايف النتيجة كويسة لحد دلوقتي

**M.Mekawy** · 22-07-2009 01:09 PM

المشاركة الأصلية كتبت بواسطة mo7a_mo7a

الموضوع ده مقنع جدا وشيق وبيغير مفاهيم كتير في موضوع تليين المحرمات الجديدة

واضح ان حضراتكم مقريتوش الموضوع اللي اشار اليه محمد ممدوح
الطريقة اللي في دليل المستخدك دي نقدر نسميها
ازاي تبوظ موتورك للابد

برجاء قراءة الموضوع اولا

لا هو حضرتك ممكن تقتنع باى نظرية حضرتك عايزها , لكن من غير الممكن ان الواحد يقول ان الناس اللى مصنعين العربية يعنى مش فاهمين حاجة و بيقولوا طريقة تبوظ الموتور , اعتقد الكلام شكله غريب , و الاختلاف ليس على نقطة تغيير التسارع لان ده مفروغ منه , الفكرة كلها فى عدم التحميل على الموتور الا بعد الالف الاولى
ده اقتباس من كتالوج الياريس

كنت حابب اضيف نقطة كمان ان حكاية التكييف اللى ميشتغلش اول الف دى برضه لم تذكر فى اى جزء من كتيب الارشادات , و بما ان البينة على من ادعى ,فاللى يقول كدة يا ريت يقول ايه مصدره

**MMamdouh** · 23-07-2009 05:18 PM

لو بصيت حتلاقى ان الكتالوج قال "تسريع الخانق بالكامل عند بدء التشغيل و القيادة" يعنى محدش يكبس الدواسة للارض اول ما يدور و يمشى

كمان الكتالوج مقالش "متعديش 80" ولا "متشغلش التكييف اول مليون كيلو" اللى كل ممثلى التوكيلات فى مصر بيقولوها... اذا الناس كلامها هجس و كلام الكتالوج متوافق تماما مع اللى بنقولة... لاحظ ان الموضوع قال ان مش المطلوب تفرتك العربية انما تضغط عليها بشكل تدريجى

اذا النقطة هناوصلت لفرق بين الطريقة اللى فى اللينك و الكتالوجات و التوكيلات فى مصر... الاخير واضح انة بيالف تماما لان الكتالوج شخصيا مفيش فيه الكلام دة و الكتالوج برضة مقالش نحسس على العربية ولا الموضوع بتاع اللينك قال نفرتكها... اذا احنا متفقين فى نقط اكتر بكتير من اللى اجنا مختلفين عليها

MMamdouh

**Ghost2** · 23-07-2009 08:55 PM

اولا موضوع التكييف ده تأليف كبير اوي ... لان مفيش مشكلة تماما انك تشغل التكييف وانت بتلين لانه مش بيزود عدد لفات الموتور كتير اوي يعني .

ثانيا : الناس كلها فاهمة انك لازم تفضل ماشي على 90 او 100 واياك تعدي 3 rpm وده غلط

ثالثا : اللي اعرفه انك المفروض تعود العربية والموتور على اكتر من نظام في المعقول وده بالبلدي .. اللي هو معناه الشمبر وغرفة الحرق .

رابعا : ارجو ان اللي يتكلم في حكاية التكييف يكون معاه دليل على اللي بيقولة .. مش شوية الدوشة اللي بيعمولها مهندسين التوكيلات

**x_gomgom** · 25-07-2009 02:11 AM

المشاركة الأصلية كتبت بواسطة mustafa_maghraby

[gdwl]بعد عرض الجميع أفكاره و وجهة نظرة و علشان أما مش بفهم كتير في ميكانيكا العربيات و هاستلم عربيتي ان شاء الله خلال الأسبوع ده ( هيونداي أتوس 2010 ) لو ممكن حد من المهندسين الكبار المشتركين في الموضوع يوضح لنا الخلاصة في نقط محدد و واضحة امشي عليها خلال فترة التليين [/gdwl]

شوف عشان ابقي جبتلك خلاصه الموضوع طبعاً كلنا هنا متفقين اولا ان خير الامور الوسط و بالتالي :
1- بلاش قرص علي الموتور يعني لو عندك عداد Rpm خلي حدك 3,5 بلاش تكبس اكتر من كدا.
2- المشي البطئ او النقل بدري دا بلاش منه يعني امشي في العادي(المقصود بيه التحسيس علي الموتور).
3- و دا الاهم انك لما تمشي حاول انك تحمل علي الموتور (و في فرق بين التحميل و الحرق) مثال انك طالع و معاك حموله في العربيه بافتراض انك علي التاني مثلا متنقلش تالت قبل 40 كيلو متر و مثلا حاول تجيب ال 100 مرتين مثلا بعد اول 100 كيلو..
4- عن تجربه شخصيه لما تستلم العربيه يستحسن انك تغير الزيت و الفلتر اللي فيهم بزيت معدني (شيل الاصفر) و تغيرهم تاني بعد الالف كيلو و لو عايز تحط تخليقي ساعتها براحتك (انا لما نزلت الزيت كان فيه رايش الومنيوم و لما شفت المنظر دا نزلت زيت الجير بوكس كمان كان فيه رايش... بس منصحكش بموضوع الجير بوكس بالنسبه ليك الا في التوكيل)...
و ربنا يباركلك فيها و يعطيك خيرها و يكفيك شرها....
ارجو اني اكون افدت

**MMamdouh** · 25-07-2009 03:12 PM

المشاركة الأصلية كتبت بواسطة x_gomgom

استاذ ممدوح انا بس عايز اضيف حاجه بالنسبه لموضوع اللينك اللي حضرتك اشرت ليه في موضع اخر في المنتدي :
الموضوع اللي مرفوع علي اللينك احييك على مشاركتنا بيه و احب بس اقول انه بجد موضوع مثير للجدل و اثاره قبل كده كتير و لكني بعد تفكير وجدت ان له تفسير وهو كلاتي...
اكيد مفيش مكنه جديده نازله فيها فروق بين الشميز و البساتم بالطريقه اللي تؤدي لضعف عام في القدره(انا بتكلم عن العام و هذا لا يمنع وجود عيوب تصنيع) و بالتالي فإن طريقه رفع الاحمال تدريجيا بتعجل استخراج القدر الاقصي من المكنه .....
لان و الثابت علميا و ميكانيكا انه عند تركيب او تجميع الموتور لاول مره اكيد بيبقي فروق بسيطه جدا سواء بالزياده و النقصان بين الشمايز و الشنابر و البساتم و هلالات ودلايل البستم (اجزاء من الميليمتر )..
هذه الفروق عشان تبتدي تقل او زي ما بيقولوا الموتور يجلخ نفسه (و بالتالي الحصول علي اعلي نسبه لحبك غرفة الاحتراق) بتاخد وقت و انت في حاله الاستخدام الطريقه المذكوره بتسرع عمليه التجليخ دي و بالتالي استخراج اكبر عزم من الموتور (مع ملاحظه انه جزء من عزم الموتور بيكون مفقود اثناء التلين لكي تتم هذه العمليه في كلا الحالتين) كمثال استخدام المبرد لبرد الاظافر و لكنك في الطريقه المذكوره في اللينك بتعمل الموضوع بطريقه اسرع...
و لكن العيب هنا بقي هو مش عيب بالنسبه لطريقه (و طبعا هنا كان مربط الفرس) دي انت مش هتفرق معاك لو عمر الموتور قل 15,0000 او 10,000 كيلو مستقبلا لان انت كده بالطريقه دي عجلت معدل تأكل الشنابر في الاول و طبعا في المقابل استفدت من قدره المحرك كامله بدون اهدار للكيلومترات و المشي البطئ (و انت كدا كدا اصلا مش عارف عمر موتورك كام يعني العمليه اولا عن اخر تقديري فالفرق دا مش قاتل في هذه الحاله)...
يا جماعه ميكانيكيا الطريقتين نفس المبدأ بس بتفرق في عمر المكنه الكلي (معلومه متوسط عمر المواتير النجكشن الافتراضي من 250 الف الي 550 الف كيلو متر و الكربراتير من 150 الي 220 الف كيلو متر طبعا خارج منه الاعطال الناتجه عن سوء الاستخدام)...
و طبعا كل واحد ذنبه علي جنبه اللي يحب يجرب حاجه يجربها على مسؤليته الخاصه....
الحاجه اللي بجد اقدر انصحك بيها انك اول ما تستلم العربيه تغير زيت و الفلتر و تغيرهم تلني بعد اول 1000 كيلو عشا ن الرايش اللي بيبقي في الزيت دا بجد اللي بيعمل الضرر الحقيقي للمحرك (انا عملت كدا كع عربيتي الادا و غيرت كمان زيت الجير بوكس و صدمت منمنظر الرايش اللي كان نازل من زيت الجير بوكس)...
يا رب اكون افدت و يا ريت اللي عنده تعليق او اضافه او اعتراض يقول بس من غير هجوم غير مبرر ....
شكراً لسعة صدوركم

هى الفكرة مش عملية "التعجيل" انما عملية تطبيع صح للشنابر لان حسب الكلام المذكور الشمبر مش حيبقى فى حالة تلامس كامل مع الشميز الا مع وجود حمل لان ضغط غازات العادم هى اللى بتدفع الشمبر للتلامس الكامل مع الشميز و هنا لازم الاسطح تبقى متطابقة تمام او بمعنى اخر تلين على الوضعية دى لضمان عدم هدر القدرة المولدة داخل غرفة الحريق

MMamdouh

**blazer** · 14-08-2009 06:51 AM

المشاركة الأصلية كتبت بواسطة mohamed777

يا جماعة فى دكتور بقسم سيارات بكلية الهندسة قالى ان المواتير السيارات الزيرو بتكون عملية التليين بمتور كهرباء قبل ما يركب على العربية على جهاز اسمة منصة التليين.....
وانا شخصيا اعرف ناس اشترو عربيات زيرو وسافروا بيها من المعرض مباشراً الى الصعيد

حتى لو الماتور متلين
الماتور لما بيبقى متلين بيبقى متلين لوحده
مش العربيه كلها
بمعنى ان لسه فيه تروس فى الجير بوكس و اجزاء العفشه والمساعدين وتيل الفرامل لسه مطبعش على الطنابير تطبيع كامل
يعنى من الاخر العربيه تتسستم كلها على بعضها

-

الموضوع: ازاي تليين عربية زيرو...؟؟

LinkBack

أدوات الموضوع

عرض

-

-

-

-

-

-

المواضيع المتشابهه

مطلوب عربية زيرو أو كسر زيرو للبدل بشقة تمليك 170م تشطيب سوبر لوكس

ازاي اسوق عربية اتوماتيك

دايو لاسيتي شوفت واحدة زيرو في الشارع طب ازاي ؟؟؟

لسه مشترى عربية مستعملة ارخصها ازاي

عاوز أعرف إزاى يتم تليين عربية جديدة؟؟؟

الكلمات الدلالية لهذا الموضوع

المفضلات

المفضلات

ضوابط المشاركة