الموضوع: العمل في امريكا أفضل ولا الاكمال في دراسة الطب في بريطانيا ؟

المشاركة الأصلية كتبت بواسطة mohamedzaki74

اطلبي انك تستلميها في البحرين

حتى لو هتتشحن وعملت التفويض لشركة النقل
لازم المستلم سواء صاحب السيارة أو غيره يكون حامل لرخصة سارية
مش هيخرجوها إلا وفيه رخصة يتم تسجيلها عندهم

المشاركة الأصلية كتبت بواسطة إنسانة

ياريت ويبقى كتر خيرك انا بعت رسالة اسالك عن المطلوب مني ياريت توضحلي ايه المطلوب وهبعتهولك وتبقى مشكور جدا

في التوكيل وروهالنا ولونها جميل وكله تمام بس السواق جربها و سمعت فيه صوت في البريك عالي وصوت لما يجي يرجع لورى ياريت لو ينفع تسالهم عن السبب


الشاشات سالتهم بيركبوها ب 3900 ريال ونظام التشغيل واحد انا سالت السواق قالي ممكن في محلات الزينة و لقيت ان برا خيارات اكتر و ارخص وهعمل اكتر من اضافة مش متوفرة عندهم كلها

برا احسن على ما اعتقد

والكرسي انا بنتي 5 ونص بيتهيئلي كبرت على الطريقة دي وهي مش الزامية في بريطانيا الا على الاطفال من 2 الى 3

افتكر لو حطيت الكرسي كدا هتكون رجليها مش مرتاحة دي بالعافية بترضى تعد في الكرسي. احط وشها لضهره تكره العربية

رديت بالمطلوب بالتفصيل ..
بس النهردة خلاص مش هتلحقي بكرا إن شاء الله

بخصوص الصوت
مبدئيًا بعض السيارات الجديدة فراملها بتطلع صوت أول 100 كيلو
لكن هشيك عليها وأنا هناك بإذن الله وإن شاء الله مفيش حاجة

الوضعية دي من عمر يوم لحد مايستحيل وضعه بالطريقة دي
أنا عندي بنتين وحدة سنة ونص والتانية 6 وشهور وبحطهم الإتنين بالوضعية دي

الشاشات عندهم أفضل من برا .. مش فاهم يعني إيه بنظام واحد ؟
و إكتبي الإضافات اللي ناوية تعمليها وهتعمليها فين ؟ لإن مش أي حد وخلاص يعملهالك

المشاركة الأصلية كتبت بواسطة إنسانة

انا ارسلت ملاحظاتي للشركة في امريكا وطلبت زيادة 1000 دولار وبدل سكن وكنت معتقدة انهم هيرفضوا

بس وصلني ردهم بالموافقة على الشروط بس هيبقى المرتب 4000 دولار يعني هيزيد 600 وهيوفروا سكن شقة مستقلة غرفتين وصالة مفروشين.

انا بجد احترت اكتر

طيب والعربية الي اشتريتها

الواضح إن الشركة دي ممكن جدًا تجددلك وتلاقي حياة كويسة في أمريكا
وبالمناسبة دي فرصة كويسة لو هدفك دولة متقدمة للإقامة الدائمة
من البداية لازم تعرفي إن دولة ديمقراطية فرصة مرتب عالي فيها مش هتكون سريعة
المرتب دا مش قوي بس إنتِ بالدرجة الأولى مش بتدوري على مرتب قوي
بتدوري على دولة تحمي حقوقك
أمريكا ممكن تكون هيا الدولة دي
وفرصة إنك تكبري موجودة مع الإصرار
لو بحثتي شوية هتلاقي إن سكرامنتو مدينة مش مكلفة

ولكن أنا مازلت بقولك
إنتِ بحاجة ماسة ليومين راحة عشان تعرفي تاخدي قرار
يومين تبعدي فيهم عن السعودية وضغطها النفسي عليكِ

لو قررتي تاخدي خبرة في البحرين يعني هتقرري البقاء فيها مالايقل عن سنتين أو أكتر
و سيبك من موضوع العربية وقت ماتاخدي قرار السفر لأمريكا تتباع بسعر مقارب جدًا للسعر اللي اشتريتيها بيه

هحاول أساعدك برأيي ...
قللي خياراتك ..
كندا وأمريكا أفضل من استراليا وطبعًا بريطانيا المفروض تخرجيها من حساباتك خالص
فبرأيي أمامك خيارين للتفكير فيهم ...
كندا ... هتحتاجي خبرة في البحرين على سبيل المثال .. أو ماجستير في جامعة كندية .. أو دراسة لغة فرنسية مع العمل أثناء الدراسة
أمريكا .. هتروحي على العقد متأملة يجددولك عشان تحصلي على فرصة للإقامة فيها بشكل دائم

فيه مخاطرة ؟ آه فيه
بس في الإختيارين بنفس القدر
ممكن تتعبي ولا توفقي في الهجرة
وممكن تسافري على العقد ولا توفقي في الحصول على تجديد أو فرصة أفضل

ولكن لما دخلتي الجامعة كان ممكن ماتنجحيش .. ومع ذلك دخلتيها
دائمًا فيه جانب للفشل مطروح ..
والطبيعي لو هنبص دايمًا على الجانب دا مش هنعمل حاجة

متفكريش في أي حاجة لمدة معينة لحد ماتستقري نفسيًا وتكوني مؤهلة نفسيًا لإتخاذ قرار مصيري في حياتك