الموضوع: موبل 1 تعدل مجموعتها في مصر

المشاركة الأصلية كتبت بواسطة borio1704

لازم تغيره حالا..

الخرطوم ده هو اللي فيه الهوا النظيف المتفلتر اللي داخل على الموتور.. حط إيدك عليه كده والموتور شغال.. مش هتلاقي أي هوا طالع منه... إنما هتلاقيه بيشفط هوا (ممكن تتأكد بمنديل ورق).

لو الخرطوم ده مشقوق هيدخله هوا من الجو الخارجي ويدخل على الموتور ويصنفره من جوه لإن الجو الخارجي مليان تراب ودخان وشوائب.

باختصار كده.. فلتر الهوا عندك ملوش لازمة لإن الهو ما بقاش مجبر يعدي من عليه... فيه سكة تانية اللي هي القطع في الخرطوم..


ودلوقتي لحد ما تغيره نظفه كويس من بره ومن جوه.. وحط عليه سيلوتيب أو شيكرتون واتأكد إن مفيش أي هوا بيدخل له من بره..

ده حل مؤقت.. بس ما تسكتش عليه.. لازم تغير الخرطوم.


...

متشكر جدااا ربنا يجزيك خير انا باذن الله اطلع من الشغل على الميكانيكى انا بحب اعمل كل حاجة فى وقتها علشان ما تكبرش

- بجد ربنا يجعله فى ميزان حسناتك انك بتنقل لنا خبراتك حضرتك وكمان صبرك على واحد معندوش خبرة ومبتدئى مثلى علشان ببساطة نصايح حضرتك وكل واحد عنده خبرة بتمنع كوارث وخسائر مادية كثيرة ممكن الواحد يقع فيها بسبب قلة خبرتة

المشاركة الأصلية كتبت بواسطة borio1704

العفو يا فندم...

احنا موجودين هنا علشان نفيد بعض وكل واحد عنده معلومة مفيدة ينقلها لغيره... وأكيد حضرتك عندك خبرات في مواضيع تانية ممكن أنا أستفيد بيها...

ربنا يوفقنا جميعا إن شاء الله.


...

غيرتة امبارح وفعلا كان لازم اغيرة زى ما حضرتك قلت وكمان غيرت فلتر هواء وعملت شوية حاجات وربطت العفشة وحطات لها رش شحم وغيرت صباعين ميزان فى العفشة وغسلت الماتور وعمل فرامل الاربع عجلات والحمد لله مفيش حاجة

ملحوظة بص لى على الزيت لقاة كويس جدااا الحمد لله ومقاسة ولزوجتة كويسة وهو كدة قعد من شهر 11 اللى فات يعنى تقريبا 9 شهور وكويس الحمد لله


شكرا مرة ثانية يا باش مهندس على المساعدة

تفسير الموضوع ده بالنسبالي أنا شخصيا ممكن يكون صعب عليا علشان أدخل في تفاصيله... لإنه مليان بتفاصيل كيميائية أنا مش بحبها ولا بفهمها..

يا جدعان أنا بتاع ميكانيكا... مش بحب الكيميا.. والله ما بحبها..

تحياتى و اعزازى لاستشارى منتدانا الصديق العزيز المهندس بوريو

و انا كمان ما بحبهاش .. علشان كده قلت لك دماغى ساحت .. و علشان كده برضه متأخر فى الرد عليك فى الموضوع التانى .. و كان فيه معلومات كتير مفيده فى الزيوت قرأتها و كنت عايز اضعها هنا للزملاء و لم افعل

بس للاسف لا يمكن التعمق فى البحث فى مواضيع الزيوت بدون ان تقابل هذه المشكله .. انا باحاول قراءه سريعه قشريه فقط لتكوين الفكره العامه ( دماغى بتكون ساحت )

المشاركة الأصلية كتبت بواسطة borio1704

درجة ميل المنحنى بتاع اللزوجة ما بين الحرارة القليلة إلى الحرارة العالية بيعبروا عنها بما يسمى "مؤشر اللزوجة" أو Viscosity Index... وليها معادلة معينة بتقيس بيها المؤشر ده..

كل ما كان المؤشر ده قيمته عالية بتلاقي المنحنى بقى أفقي أكتر... بمعنى إن الزيت مش بيفقد لزوجته بسهولة.

ومن المنحنى البياني اللي حضرتك حطيته... باين جدا إن الـ0W-30 مؤشر اللزوجة بتاعه أعلى من الـ10W-30...

كل اللي أقدر أقوله هنا إنه له علاقة بدون شك بزيت الأساس + إضافات "تحسين مؤشر اللزوجة" الموجودة فيه.

...

- المنحنى غريب شويه .. و ما اعتقدش ان الشكل ده حيكون لكل زيوت 0W .. بس انا اضعه لابين مدى الامكانيات التى يمكن لزيوت 0W ان تصل لها

- و عموما النظر للزيت كلزوجه فقط لا يكفى و لا يعبر عن الاداء الحقيقى .. و لذلك حتى لو بالنظره السطحيه اعتقدنا ان 0W يؤدى نفس الغرض .. فهذا قد لا يعبر عن الحقيقه عند استكمال دراسه باقى الخواص للحصول على الحمايه و الاداء المطلوب

- لكن الشيئ الاكيد ان زيوت 0W تستحق البدء فى دراستها دراسه جاده لانه قد يتضح انها افضل من الزيوت الاخرى

و انا عن نفسى سأبدأ فى دراسه الفروقات بين 0ًًًًW40 و 5W30 لانه قد يعطينى مزيد من الحمايه بلزوجه منخفضه نسبيا عن اللزوجه المعتاده ل 5W40

فعلا.. النسبة الكبيرة من موبيل 1 هي مجموعة 3... وزي ما قلت لحضرتك في موضوع آخر إن موبيل 1 عندها فعلا بعض الزيوت المصنوعة من الـPAO ... بس دي قليلة جدا وبتنزل في أمريكا وبعض الأسواق أخرى... وبيكتبوا عليها بكل صراحة إنها بتقعد مدة سنة أو مسافة 30 ألف ميل (أو حاجة زي كدة).

ومسألة موعد التغيير ده عامل مشكلة لإن محدش بيتكلم بصراحة... والداتاشيت بتاعت أغلب الزيوت مش موضحة حاجة من دي نهائي..

فأنا كنت بعتبر إن الزيت المعدني (سواء كان مجموعة 1 أو 2 أو 3) بيقعد 6 شهور على أساس إن مصدرهم واحد... الزيت الخام..


صحيح الزيت في مجموعة 3 خواصه اتغيرت نتيجة عملية الـHydro-Cracking.. بس أكيد مش كل الخواص اتغيرت.

- معلومه مرت على .. زيت موبيل التصنيعى PAO خارج مصر ( فى امريكا ) مسافته هى 15 الف ميل

- الزيت ال PAO بدء تصنيعه من الزيت الخام .. ده كلام اكيد

اليومين دول بدأت أغير رأيي في مسألة السنة والـ6 شهور دي.. وبحاول أربطها بمواصفة أو كود.

- متفق معاك 100% فى كود الخدمه .. و الجمله دى بالذات كنت عايز اكتبها فى ردى السابق و لكن لطول الرد نسيت اكتبها

- و ممكن تلاحظها فى حاجات كتير زى High temp High Shear ( HTHS ) .. المواصفه للزيوت لزوجه 30 بتكون اقل من 3 و للزيوت لزوجه 40 بتكون اكبر من 3.5

لكن لو جبت زيت لزوجه 30 بمستوى خدمه عالى سواء فى API او ACEA ستجد الزيت لزوجه 30 له رقم HTHS مماثل للمطلوب فى المواصفه المحدده لزيت لزوجه 40 ..

يعنى بمجرد انك تقرأ كود الزيت تستطيع معرفه ان مواصفته HTHS لن تقل عن رقم معين .. يعنى زيت بنفس اللزوجه 30 مثلا قد ترتفع مواصفته HTHS عن المعتاد للزوجه 30 .. طبقا لكود الزيت ( مستوى الخدمه ) وليس طبقا للزوجته

اليومين دول بدأت أغير رأيي في مسألة السنة والـ6 شهور دي.. وبحاول أربطها بمواصفة أو كود.


لما براجع مواصفة الـACEA مثلا... بيبقى واضح جدا إن الفرق بين A1 و A3 في التوصيف العام إن الـA3 "ممكن أن يخصص لمدد التغيير الممتدة حيثما تم تحديدها بواسطة صانع المحرك"

A3/B3 Stable, stay-in-grade oil intended for use in high performance gasoline engines and car & light van diesel engines and/or for extended drain intervals where specified by the engine manufacturer, and/or for year-round use of low viscosity oils, and/or for severe operating conditions as defined by the engine manufacturer.

نفس الكلام مكتوب في الـA5 وكمان في كل أكواد الـE (بتاعت الشاحنات).


معنى الكلام ده إن :

الزيت اللي عليه كود A5 مؤكد إنه بيقعد مدة طويلة (سنة أو 10 آلاف كيلومتر على الأقل)..
إنما اللي عليه A3 ممكن يقعد المدة دي أو ممكن لأ... ولسه مش قادر أوصل لطريقة أعرف بيها.
أما الـA1 فده بيقعد الفترة العادية.. 6 شهور أو 10 آلاف بالكتير قوي.

ده اللي قدرت أستنتجه لحد دلوقتي.

دى ساضعها فى رد مستقل لاحق

آخر حاجة ..

كلمة PAO اختصار لـPoly-alpha-olefin ... والأولفينات تعتبر من الألكينات في الكمياء العضوية

أما البارافين (المكون الرئيسي للشمع البترولي) فبيعتبر من الألكانات... ودي مختلفة عن الألكينات خالص.

https://en.wikipedia.org/wiki/Paraffin_wax
https://en.wikipedia.org/wiki/Synthe...#Group_IV:_PAO

يا جدعان أنا بتاع ميكانيكا... مش بحب الكيميا.. والله ما بحبها..

..

انا بحثت عن الرابط ده لمده يومين حتى وجدته امبارح

ده رابط بحث و موضوع ممتاز حيعجبك .. ياريت تقرأه بالكامل لانه فيه كمان جزء عن تاريخ الزيوت
رابط
ZPlusTM Tech Brief #10 – Oil Base Stocks | ZDDPlus

و ده رابط نفس الموضوع على هيئه ملف PDF
Oil Base Stocks - ZDDPlus



بالنسبه لتصنيع ال PAO من الشمع المتبقى من زيوت المجموعه الاولى فهو كالاتى :

الشمع المفصول deWax فى زيوت المجموعه الاولى .. يتم استعماله بعد تحويله بطرق كيميائيه .. لصنع زيوت المجموعه الرابعه PAO .. و ايضا هذا الشمع يستعمل لصنع زيوت عاليه الجوده و هى على ما اتذكر اسمها high-viscosity index oils

Group IV
This group is reserved for one type of synthetic oil made up of a class of molecules called PAOs (polyalphaolefins). Contrary to popular misconception,

the molecules which make up PAO and many other synthetic oils originate in crude oil.

In the case of PAOs, they are created by polymerizing olefin molecules obtained from the cracking of wax molecules.

In many cases, these wax molecules are a by-product of mineral oil dewaxing processes.

Fully-synthetic Mobil One® and AmsoilTM are two examples of oils made from a primarily PAO base with some Group V esters added to improve additive solvent and seal swelling performance.

تحياتى و اعزازى و تقديرى

ونحن بانتظار تغيير الزيت الوحيد المتبقي من المجموعة القديمة والمسمى Mobil 1 New Life™ 0W-40.. والمعروف بـ "موبل البرتقالي".

i hope Not



Note
i sent you a few messages .. Did you recieve them