اقتباس المشاركة الأصلية كتبت بواسطة borio1704 مشاهدة المشاركة

بالنسبة للون الزيت...

لون الزيت مش مؤشر لموعد تغيير زيت الموتور إطلاقا... على عكس أغلب زيوت الفتيس الأوتوماتك.

الزيت لو غامق معناه إنه قدر ينظف الموتور من الرواسب الكربونية اللي بتدخل جوه نتيجة هروب العادم من البساتم (ده بيحصل في كل العربيات).

يعني عادي إنك تلاقي الزيت بقى غامق... هو كده بيشتغل صح..

بس اللون ممكن يخليك فعلا تغير الزيت في حالات معينة...


حسب الصورة ده...



لازم تغير الزيت لو لونه بني أو اسود في حالة إنه يكون "تخين"... يعني لزوجته زادت... وده مؤشر على إن الزيت ملوث

إزاي يعني زيت تخين؟؟؟

يعني تحس إن الزيت كده عامل زي "القشدة" .... وممكن تلاقي فيه شوية شوائب أو قطع سودا صغيرة.



وده معناه إنك بتقعد الزيت في الموتور أكتر بكتير من المفروض... والموتور بدأ يكون رواسب طينية ولازم تتشال (إما يدويا أو عن طريق فلش)


حالة تانية تانية.. إن اللون يكون فاتح !!!

يعني يبقى عامل زي الطحينة



ده معناه إن الزيت فيه رطوبة/مياه ... ولازم يتغير فورا.. بعد ما نعرف سبب المشكلة طبعا.



طيب.. تغير الزيت ولا لأ؟؟؟

أنا شخصيا أفضل إنك تغيره كل 6 شهور.. بصراحة مش قادر أقوللك كلام نهائي في موضوع السنة ده.


...
شكرا جزيلا ربنا يجزيك خير انا فعلا استفد كتير من حضرتك بجد

هو فيه حاجة اكتشفتها النهاردة مش عارف ليها علاقة بلون الزيت ولا لا علشان انا لسة بتعلم ومعنديش اى خبرة فى السيارات

النهاردة فتحت الكبوت علشان اقيس الزيت لقيت الوصلة الكاوتش اللى ما بين فلتر الهواء والماتور مقطوعة من النص ( هى شكل زجزاج ) اكيد حضرتك عارفها وقبل ما تنقطع كنت بلاحظ ان فية طينة كدة زى ما يكون بخر وجاة علية تراب كنت بمسحة هل دة ليه علاقة ولازم اغيرها على طول وايه وظيفتها وهل ليها علاقة بلون الزيت انا معرفش بصراحة وظيفتها