تكنلوجيا ممتازة
رقم العضوية : 530
تاريخ التسجيل : 08May2007
المشاركات : 3,300
النوع : ذكر
الاقامة : alexandria
السيارة: nissan
السيارة[2]: بيجو 406
دراجة بخارية: مالها
الحالة :
يا جماعه الكورولا عربيه حلوه ومقلناش حاجه
لكن أنا متأكد من وجود شكوى من الفتيس لا يمكن إنكارها وبقول لحضرتك العربيه عمى إشتراها أول ما نزلت وجاب الهاى لاين لأنه أصلا معجب بتويوتا لثقافته السعوديه (لأنه كان بيشتغل هناك فتره طويله ) وكان عنده كامرى فى السعوديه
ولما رجع مصر سنة 2003 أو 2004 مش فاكر بالظبط إشترى كورولا 2004 زيرو وبعدين باعها فى 2005 وجاب كورولا 2005 رغم إن الأولى كانت ماشيه حوالى 7 آلاف كيلو وبعدين فى 2006 الجمارك نزلت فجاب كورولا 2006 1600 مع إحتفاظه بال 2005 لإبنه وبعدين لما نزلت ال 2008 باع ال 2006 وجابها وهو مغمض للثقه الكبيره فى تويوتا ولكن للأسف وعلى حد قوله إنه أخد أكبر مقلب فى حياته بيها وهو بصراحه مش بيشتكى من التقفيل ولا صوت صفاره ولا حاجه من الكلام ده لكن شكوته متركزه فى الفتيس وهو ما تأكدت منه وإن كراسيها متعبه جدا وهو ما لم أستطع إدراكه (لأنى مركبتهاش فتره طويله )
وفيه واحد جارى فى العماره معاه وسألته عليها عشان أعرف العيب اللى فى عربية عمى ده عيب فردى ولا كلها كده لقيته برضه بيقول بالنص إنها عربيه جميله جدا لولا الفتيس بتاعها كرهه فيها ومخليه بيركب الأوكتافيا على طول
فعيب الفتيس موجود ولا يمكن إنكاره
لكنه مش عيب صناعه
هو عيب أداء وطريقة عمل
فيه ناس عرفت تتعامل معاه والموضوع مش مسبب لها مشكله
وفيه ناس كرهت العربيه بسببه وعرضتها للبيع وأعرف أكتر من حاله سبب البيع هو الفتيس
الشكوى موجوده لكن فيه ناس متعايشه معاها بدون قلق
الأستاذ شاركى مش بيكره تويوتا وعنده عربيه ياريس
وأنا كمان عندى ياريس
وربنا يبارك لكل واحد فى عربيته ويكفيه شرها
مين اللى يستحمل كل ده
رقم العضوية : 12120
تاريخ التسجيل : 02Jun2008
المشاركات : 1,718
النوع : ذكر
الاقامة : Cairo
السيارة: Nissan
السيارة[2]: Leony
دراجة بخارية: no
الحالة :
تكنلوجيا ممتازة
اللهم اغفر لنا وارحمنا انت مولانا فانصرنا علي القوم الكافرين
ادخل علي الرابط التالي و لن تندم
http://www.shbab1.com/2minutes.htm
رقم العضوية : 624
تاريخ التسجيل : 12May2007
المشاركات : 2,860
النوع : ذكر
الاقامة : cairo
السيارة: corolla 07 - wife's
السيارة[2]: megane 05
دراجة بخارية: none
الحالة :
رقم العضوية : 25890
تاريخ التسجيل : 22Nov2008
المشاركات : 443
النوع : ذكر
الاقامة : اسكندريه_باريس
السيارة: audi a4 -Megane
السيارة[2]: octavia a4
الحالة :
wallahy ana kont habea3 aloctavia a3shan ashtreha wa a3la fekrra a3gbanny awy bas motaraded besabab sharky ghareeb entta ya sharky karahtenny feyha wa khaletnny ba3dd ma a3radt a3rabetty lelbea3 atradad bas bos ya a3m sharky ana habea3 aloctavia wa hashterry altoyota al mmt
رقم العضوية : 143
تاريخ التسجيل : 24Apr2007
المشاركات : 17,378
النوع : ذكر
الاقامة : Nasr City
السيارة: Toyota Yaris 2007
السيارة[2]: Nissan Juke 2013
الحالة :
رقم العضوية : 8805
تاريخ التسجيل : 12Apr2008
المشاركات : 292
النوع : ذكر
الاقامة : egypt
السيارة: toyota
السيارة[2]: toyota
دراجة بخارية: لا
الحالة :
انا هحكي عن تجربتى مع الكرولا 2008 و انا استلمتها في شهر 5/2007 اولا العربيه ممتازه جدا من كل النواحي وتقفيلها مش وحش خالص انا بتكلم عن جنوب افريقيا و ثباتها علي الطريق عالي جدا اعلي من موديل 2007 بكتير انا مشيت بيها على سرعه 180 كم في طريق مصر اسكندريه الصحراوي وبسم الله ماشاء الله كان ثباتها عالي جدا جدا وعزمها و سحبها جامد جدا الفتيس Mmt مش وحش زي ما الناس بتقول كل ما في الموضوع ان لازم تفهمو عشان تعرف تتعامل معاه الفتيس عباره عن فنيس منيوال عادي جدا يعني فيه دبرياج و اسطوانه ودسك بس الاختلاف انه متركبلها مواتير و كمبيوتر هما الي بيقومو بنقل الحركه و الدوس علي الدبرياج بدل من السائق يبقي لازم منعملهاش زي ما بنعامل الفتيس الاوتوماتيك العادي لازم معامله خاصه للفتيس ده عشان تطلع البور بتاع العربيه الكمبيوتر بتاع العربيه هو الي بنقل الحركه بس ده بناء علي اشاره انت بتدهالو عشان يفهم يعمل ايه يعني انت الي بتتحكم في العربيه عن طريق دواسه البنزين انت الي بتحدد امتي العربيه تنقل و امتي تحرق علي الغيار و امتي تسقط نقله اقل كل ده بدواسه البنزين انا هشرح كيفيه التعامل مع الفتيس بدقه غدا إن شاء الله لاني مضطر امشي دلوقت وشكرا
رقم العضوية : 8805
تاريخ التسجيل : 12Apr2008
المشاركات : 292
النوع : ذكر
الاقامة : egypt
السيارة: toyota
السيارة[2]: toyota
دراجة بخارية: لا
الحالة :
طريقه استخدام الفتيس اولا النتشه الي بتحصل بين النقله و النقله دي نتيجه ان الكمبيوتر بيفصل الحركه(يدوس دبرياج) و ينقل ويرجع يسيب الدبرياج وممكن نقلل الاحساس بها عن طريق حساسيه الرجل علي دواسه البنزين عندما ندوس علي دواسه البنزين بخفه(رجلك خفيفه) الي بيحصل ساعتها ان العربيه بتنقل للنقله التاني و الثالثه و تجيب الرابع و لسه العربيه سرعتها مجبتش 50 كم فبنحس ان عزم العربيه عزمها ضعيف جدا و ضايع لان بتكون واخده الرابع و سرعتها لسه 50 كم و العربيه بتعمل كده لان الكمبيوتر بيفهم انك عاوز تمشي براحه و بكده بيوفر في استهلاك البنزين يبقي لازم رجلك تكون ثقيله شويه علي البدال لو مش عاوز ده يحصل معاك نيجي بقي لنقطه النقل لما بندوس علي البدال العربيه بتاخد سرعه الاول و الار بي ام بيعلى طول ما انت كابس علي الدوازه العربيه مش هتنقل و هتفضل تحرق علي الغيار لان الكمبيوتر بكبسك علي الدواسه بيفهم انك عاوز تحرق علي الغيار لازم ترفع رجلك سنه بسيطه جدا عن الدواسه عشان العربيه تنقل للغيار الي بعده(اكنك بترفع رجلك من علي البنزين و الكمبيوتر بيدوس دبرياج و ينقل بدل منك و ترجع تدوس بنزين تاني)اول ما هتخف رجلك من علي دواسه البنزين هتنقل العربيه للغيار التاني نرجع ندوس علي دواسه البنزين تاني لحد ما الار بي ام يعلى و نخف رجلينا عشان النقله الي بعدها و هاكذا لو حبينا نحرق علي غيار بتفضل كابس رجلك علي الدواسه مترفعش رجلك السنه الي قولنا عليها طيب نفرض اني ماشي علي الرابع و عاوز انزل نقله عشان ادي عزم للعربيه بضغط دواسه البنزين جامد الكمبيوتر بيفهم اني عاوز اجري فجئه بيسقط نقله اقل و بتلاقي العربيه جريت بس لما بيسقط نقله بيحرق عليها يعني مثلا انا علي الرابع و دوست بنزين جامد بينزل علي الثالث و بيحرق عليها شويه مبينقلش للرابع تاني بسرعه و ممكن كمان عن طريق البدالات الي في الدركسيون (+ , -) تستخدمها كمساعد بدل دواست البنزين و انت علي النظام الاتوماتيك يعني مثلا عاوز تنزل نقله تدوس - صوت الماتور علي و منقلتش دوس + عادي لما بندوس في اي وقت على +او- و احنا علي النظام الاوتوماتيك بيقلب مانيوال و بيرجع بعد كده اوتوماتيك لوحده تاني طبعا في اي وقت لو حبيت تعرف انت علي انه نقله حرك عصا الفتيس علي M هيظهرلك رقم الغيار في التابلو و رجعه تاني على E دا شئ عادي و مفهوش مشكله طبعا الموضوع بتحسه انه صعب او معقد لكن مع الممارسه هتلاقي بعد كده بتعمل كل ده تلقائي و هتلاقي نفسك حاسس بالعربيه و تصرفاتك بتطلع تلقائى للتحكم في العربيه بكده و بالطريقه دي انت متحكم في العربيه 100% طبعا في ناس هتقول ليه وجع الدماغ ده لازم نفهم ان الفتيس MMt فتيس مانيوال منعملهوش معامله الاوتوماتيك بكده اكننا بنسوق مانيوال بس في كمبيوتر بيسهل علينا شويه عمليه النقل و الدبرياج اما عن عيوب الفتيس فيه عيب فعلا ظهر و هو الكمبيوتر المسؤل عن النقل سعات بيكون فيه عيب صناعه لما بيسخن بيعلق و تلاقي العربيه مبتنقلش او تكون جايب الفتيس علي E و تلاقي العربيه على N في التابلوه ده بيكون عيب صناعه و التوكيل بيغير الكمبيوتر كله المسؤل عن النقل ببلاش لانه حصل معايا و التوكيل غيرهولي فعلا ببلاش و في معلومه كمان للمعرفه لما بنجيب عصايه الفتيس R سعات الكمبيوتر بيدي بيب(صوت) مره واحده و بعدين ينقل ويجيب النقله R وسعات بيدي 2 بيب و سعات بيدي 3 بيب وده بعتمد علي سرعه نقلك يعني مثلا لو كمنت ماشي للامام ووقفت بسرعه و جيبت العصا على R كله وري بعض يعني ساعتها بيدي 3 بيب و بعدين بيستجيب و ينقل و ده الكمبيوتر بيعمله عشان يدي شويه وقت لفصل الحركه و عكسها اما لو كنت ماشي للامام ووقفت و جيبت العصا علي R بس مش وري بعضه بسرعه يعني سيبت ثانيه او 2 قبل ما تحرك العصايه فبينقل علطول بعد بيب واحده اخيرا انا مش بشكر في الفتيس ده و لا بدافع عنه بس دي خلاصه تجربتي للاستفاده و عشان تعرف تتعامل مع الفتيس وشكرا
رقم العضوية : 29640
تاريخ التسجيل : 10Jan2009
المشاركات : 320
النوع : ذكر
الاقامة : nasr city
السيارة: non
السيارة[2]: كيا سيراتو2012
دراجة بخارية: non
الحالة :
انا كنت بفكر ف الكورولا2009 بس موضوع التبترونك شكلو كبيييييير
رقم العضوية : 12819
تاريخ التسجيل : 13Jun2008
المشاركات : 193
الحالة :
اشكر الكاتب و مبروك على العربية
لكن بصراحة تامة انا حسيت انه بيتكلم عن طريقة سواقة مركبة فضائية مش عربية ارضية
مش المفروض انه بجانب الانظمة المكلكلعة اللي موجودة دي كانوا حطوا وضع D عادي جدا زي اي عربية اوتوماتيك في الدنيا؟
ليه تويوتا حولت "فتيس" الى جهاز معقد التشغيل للدرجة دي؟
و ايه الميزة و الراحة في الموضوع ده اصلا اذا كنت هقعد اراقب الار بي ام شوية و اركز و اراقب علشان ارفع رجلي سنة ولا ضرس من على الدواسة و يا عالم بعد كل ده هتنقل ولا لأ؟؟
انا شايف ان راحة الاوتوماتيك ان الواحد بيبقى رامي رجله على دواسة البنزين و العربية هتتعامل مع نفسها و مش عايزة فزلكة
صحيح انا مسوقتش الكرولا الجديدة و لكن مصدوم جدا من فكرة الفتيس العجيب ده
ده الواحد لو قاعد مكان "دوق فليد" جوة دماغ "جريندايزر" و عايز يضرب "رعد الفضاء" او "الرزة المزدوجة" تهيألي هيكون اسهل له من سواقة الكرولا الجديدة
و مبروك الفتيس و العربية
رقم العضوية : 12819
تاريخ التسجيل : 13Jun2008
المشاركات : 193
الحالة :
و نسيت اضيف حاجة كمان.....
همة ليه اعادوا اكتشاف الفتيس المانيوال تاني كده؟ و ايه الهدف من انهم يحطوا ديسك و اسطوانة يتحركوا بميكانيزم مختلف يعني! هيوفروا شوية بنزين يعني؟ ما صاحب العربية هيصرفهم على ادوية الضغط و الشلل اللي هيجيله من العربية......يعني موفرناش حاجة برضه
و ماله الستيب ترونيك؟ ماهو ساعة لما الواحد بيسخن و يديها ستيب ترونيك العربية بتقول احلى كلام و اهه بيديك سحب المانيوال برضه و شويتين و بتزهق منه و بترجع للd المريح تاني
ده اذا كان في ناس اصلا ولا عمرها استعملت الستيبترونيك ولا جت جنبه من يوم ما اشتروا العربية و لما تسألهم يردوا بأنهم مش عايزين يوجعوا دماغهم
و شكرا لسعة صدركم
المفضلات