تمام ..
بس ايه سر تأكيدك على كلمة (العادية) بعد g12؟
هل فيه منها أنواع أخرى مالهاش نفس التفاعل ده؟
عرض للطباعة
الاجابه المختصره
G12++ يمكن خلطه مع G11 .. ده مفيش فيه خلافات ( اعتقد )
G12+ لا يمكن خلطه مع G11 ( معظم ما قرأته فى اتجاه الراى ده ) .. ده فيه خلافات كتير .. و موش واضح رأى نهائى
لكن فيه بعض صانعى سائل التبريد بيكون G12+ بتاعهم ممكن يخلط مع G11 ( ده استثناء على ما اظن ) .. و ده بيكون عن طريق توضيح الصانع انه يمتلك هذه الامكانيه
بمعنى ان G11 لا يمكن خلطه نهائيا مع G12 و G13 .. ده كلام مؤكد
و فيه خلاف على امكانيه خلطه مع G12+
لكن بعض الشركات قد تصمم سائل التبريد لامكانيه اضافيه مثلا .. و لازم تنص عليها صراحه انه له امكانيه كذا
و فيه كلام عن ميه تخلط مع كل الانواع ؟؟ .. لا اعلم عنها اى شيئ و لم ادرسها لاحكم على هذا المفهوم
اعتقد انه فيه سمك لبن تمر هندى كتير .. لان تركيب سوائل التبريد بيختلف بشده حتى داخل المجموعه الواحده .. و ممكن يكون حقيقى و انهم اختاروا مواد تتوافق مع كل الانواع بلا اثار جانبيه .. الله اعلم
عموما الكلام فى سوائل التبريد كتير و معقد .. و فيه كيمياء كتير .. و مفيش ثوابت عامه لان ميه التبريد بيختلف موادها الكيميائيه حسب القاره او الدوله او صانع السيارات لنفس المجموعه و لتفرض مثلا G11 او g12
الاجابه المطوله
تقرأ فى هذا الموضوع بدأ من هنا
http://www.nilemotors.net/Nile/48867...post3876117470
من خلال الموضوع اخر 3 او 4 صفحات تقريبا حتلاقى بعض المعلومات العامه المفيده لمعرفه سؤائل التبريد بصوره اوضح
اللى بيحصل بجانب التفاعلات اللى اكيد حتكون ضاره على خامه المحرك.. انه بيتكون Sludge زى عجينه و بيسد مجارى البلوك .. و يضرب وش سلندراقتباس:
لو كنت خلطت ميه g12 ( العاديه ) بالميه القديمه بتاعه موتورك ( g11 ) .. كنت حترمى الموتور ده قريب
انا ما اعرفش هل الSludge ده بصبح لاحقا متصلب ام لا .. لانه لو اصبح متصلب يبقى موش حتعرف تخرجه .. يبقى ترمى الموتور
جميل ...
هاقرأ اللينك على رواقة ان شاء الله و أشكرك جداً على الإفادة.
ليا كام سؤال:
G13 بيستعمل مع أنهي متطلبات؟ و هل أحماضه عضوية زي g12 و لا غير عضوية زي g11؟
و ايه الفارق بين ال g12 و g12+ و g12++ ؟
هي المياه اللي كان أخويا حاطتها قبل كده كانت خضراء بس أشك بقوة انها كانت حاجة كويسة لأنها نزلت بعد أقل من سنتين بدون لون و مايلة لدرجات البني و كان بدأ يتكون أملاح خفيفة في القربة
لم اهتم بالقراءه عن g13 .. بيتهيأ لى ممكن يكون haot ؟؟ مجرد تخمين لغايه ما ابحث عنه
فيه كلام انه متوافق مع كل اللى قبله .. و كلام انه متوافق مع g12++ بس ( دى كانت ميه من شركه محدده و كانت ميه vw ) .. لكن المنطق يقول طالما متوافق مع g12++ يبقى المفروض متوافق مع اللى قبله ( الله اعلم )
لما تقرأ الرابط حتعرف ان فيه كيميا كتير فى الموضوع .. حتى تحت نفس المسمى للمجموعه .. و بيفرق كمان حسب شركه صناعه ميه التبريد .. ان كانت بتعدل فى التركيبه !!اقتباس:
و ايه الفارق بين ال g12 و g12+ و g12++ ؟
و خلى بالك مفيش كلام واضح محدد سهل علشان تصنف المجموعات .. و كمان علشان تحدد التوافق بين المجموعات .. كله كلام كتير بيكون متضارب
التصنيف اللى حطيته فى الرد فوق .. هو اللى انا خمنته من كل اللى قرأته على الانترنت فى الموضوع .. يعنى ممكن يكون اختلافات عن اللى انا ذكرته ؟؟ ( احتمال )
ده مثال سريع من شركه Wolf
G13 ده HAOT و بيحتوى على السيليكات ( مهم .. حسب نوع السياره اوروبيه ام اسيويه )
لا يحتوى على الفوسفات ( مهم . حسب نوع السياره اوروبيه ام اسيويه ) .. او النترات او الامين .. و ايضا البورات ( مهم داخل انواع الرقم 12 )
ال HAOT هى خليط من IAT و AOT |يعنى خليط من العضوى و الغير عضوى
https://www.wolflubes.com/EN_EU/products/product_50102.aspx?cat=17563
ده اقتباس من وصفه
غير ملائم للحامات الرصاص .. و النحاس
علشان كده اعتقد انه موش متناسب مع كل القديم .. و ده يفرق عن كلمه موش متوافق
Applications
Formulated for long-term use in all engines especially those constructed from aluminium, cast iron and magnesium alloys. Not the best choice for older cooling systems that have copper/brass radiators and heater cores, especially not for the lead solder used in them
التوافق .. ان السائلين مسوح لهم بالخلط ( سواء لنفس المجموعه او مع مجموعه اخرى متوافقه ) .. و ممكن خلطهم معا بدون تفاعلات غير مرغوبه بينهم ( بمعنى بين السائلين ) .. موش مع الموتور
التناسب .. ان السائل الجديد المسموح بخلطه .. قد يحتوى على ماده كيميائيه غير مناسبه للموتور المستهدف ..
كمثال .. المواتير اليابانى كانت تمنع استعمال السيليكا علشان طلمبه الميه للمجموعه g11 .. برغم ان السيلكا مسموحه فى ال g11 >> بل و مطلوبه للحمايه للمواتير الاوروبى لل G11
كمثال اخر .. ال المواتير اليابانى كانت تستعمل الفوسفات للحمايه بديلا عن السيلكا g11 .. بينما الفوسفات ممنوع فى السيارات الاوروبيه فى ال g11
اصلا انا لم اكن اعرف حروف ال g دى
انا كنت عارف المجموعات .. و بعدين لما شفت ميه وولف و لقيتها احرف .. قارنت التركيب بالمجموعات و صنفتها على كده
و اعتقد g دى مواصفه لسوائل التبريد .. بس انا لم ابحث عنها لانى عارف المجموعات و هو ده الاساس اصلا
اى سائل تبريد ( محترم ) حيكتب عليه اسم المجموعه و ايضا المواد الكيميائيه اللى هو خالى منها زى السيليكا او الفوسفات و البورات
و فى العاده شركات السيارات هى اللى بتعمل سوائل تبريد مواتيرها علشان يبقى مصمم تماما لمناسبه خامات الموتور .. و فى العاده برضه موش بتكتب تركيب سوائلها ( تقريبا معظمهم او كلهم ) .. لو قرأت الرابط كنت لقيت الكلام ده مكتوب هناك
سؤال
لون ميه التبريد اللى انت اشتريتها من وولف كان ايه ؟؟ .. و لو لونها اخضر .. هل هو اخضر فاتح ام اخضر غامق
و سعرها كام
موبيل موش غبيه .. و عارفه السوق عندنا تكوينه ايه .. و دى شركه عملاقه موش حتغلط ..اقتباس:
و عندنا g11 مش عارفين مدى تناسبه مع الجميع و أصلاً 80% بيجروا على موبيل و يحطوا ميتها من غير ما يسمعوا عن حرف ال G من بابه !
بس هى عندها اكثر من سائل ( معنديش فكره دقيقه عنهم ) .. فممكن اللى رايح يشترى ميعرفش و يأخذ سائل غير مناسب ليه
امبارح بصيت على السريع جدا .. فيه مواد حديثه يظهر انها متوافقه مع الكل .. موش عارف دى مجموعه جديده او تركيب مختلف لمجموعه موجوده حاليا
فى الانواع دى بيبتعد عن كل المواد الكيمائيه ( الخلافيه ) زى السيليكا و الفوسفات و البورات و النيترات .. و بيعوض ده بالماده الكيميائيه الجديده هى اللى بتقوم بالحمايه و بالتالى يضمن عدم حدوث تفاعلات عكسيه