اقتباس المشاركة الأصلية كتبت بواسطة borio1704 مشاهدة المشاركة

أعتقد إن أكتر حاجة ممكن تحصل هي إن الزيت يبدأ ينقص...

بس ما تنساش إن درجة اللزوجة دي أخف على البارد.. يعني طبقة التزييت والحماية خلال بداية التشغيل هتكون أخف... وعلشان كده حاول بقدر الإمكان ما تضغطش على الموتور أبدا لحد ما الموتور يسخن ويوصل لدرجة الحرارة المثالية بتاعته.

بصراحة .. ما أقدرش أنصحك تكمل عليه.. معلش أنا في الحتة دي متزمت شوية.


...
ازيك يا باشمهندس :D
استفسار هنا لو تسمح لي

مش المفروض اللزوجه الخفيفة كويسه للموتور في حالة بدء التشغيل علشان بتنتشر أسرع وتمنع التآكل عند بدء تشغيل الموتور ؟

هي الزيوت متعدده اللزوجة درجة لزوجتها بتتحدد ازاي؟ يعني مثلا زيت 10w40 .. امتى اعرف ان لزوجته دلوقتي وانا مشغل العربية هتكون 10 ولا 40 ؟..


ومتشكر جدا جدا جدا على المعلومات المفيده, فعلا استفدت من خبراتك كتير