اقتباس المشاركة الأصلية كتبت بواسطة naazoor مشاهدة المشاركة
لما قرأت جدول الصيانة كله قبل كده لقيت إنهم بيقسموا صياناتهم و تغييراتهم و الفحص بتاعهم كل 5 و 15 و 30 ألف.

و اللي فهمته إن كل اللي متعلم عليه في ال 5000 فلازم يتعمل المطلوب كل 5000.
و أكدلي ده ال oil selector wizard في مواقع كل شركات الزيوت اللي عندها ال wizard ده، و رد شيري اللي ذكرته قبل كده بالتغيير عند 5000 لو الزيت مش مضمون للخدمة مدة طويلة.
بصراحه كل كتالوجات الصينى غير واضحه و كمان غير كامله .. معرفش العيب ده لسه موجود عندهم ام انتهى
كتالوج ال شيرى a5 .. كان متعلم فى الثلاثه 5 و 15 و 30 ؟؟؟؟

لاحظ ان الزيوت فى الصين كانت سيئه جدا ( معرفش حاليا الوضع ايه ) .. و فى كتالوجات عربيتى الانجليزى ( اسبرانزا 620 ) بينصح بعدم استعمال الزيوت المحليه ( الصينيه ) و استعمال زيوت مستورده

و لاحظ كمان ان امريكا كان المعتاد فيها هو تغيير زيوت معدنيه .. كل 3 الاف ميل ( حوالى 5 الاف كم ) .. و التغيير كان عاده كل 3 او 4 شهور .. ده كان المعتاد قبل الزيوت التصنيعيه

و لاحظ ان شيرى لم تطلب منك استعمال زيت تصنيعى .. فبالتالى ممكن جدا يحطوا اسوء الاحتمالات انك حتستعمل معدنى ( يعنى ال 5 الاف كم )

و لاحظ كمان انها سياره صينيه و الزيوت الصينيه حتى وقت قريب كانت سمعتها سيئه



و طبعا سواء شركات الزيوت او صانعى السيارات عاده ستجد كلامهم مبهم شويه بخصوص الزيت الا فيما ندر

و لاحظ ان شيرى سمحت لك بمسافه 10 الاف لو الزيت عالى المستوى ؟؟ .. يعنى فين بقى رقم ال 5 الاف بتاع الكتالوج ( لو هو الكتالوج بيقول كده فعلا )



عموما الماجنتيك لو هو 70% تصنيعى زى ما قالوا لك فى كاسترول مصر .. فدى حاجه مطمئنه شويه انه اقرب للزيت التصنيعى
بس خلى بالك برضه كاسترول عندها زيت ماجنتيك تصنيعى 100% ..

فهل انت ذكرت لهم اللزوجه 10w40 اثناء المناقشه ( اقصد كاسترول انجلترا ) ؟؟ .. لان ال 10w40 نصف تصنيعى موش تصنيعى كامل