الموضوع: تقييم سريع للجيتا

Thanks my friend

شكرا لجميع الردود ضوع و بخصوص الاستفسارات المطلوبة فالرد كالتالي :

1- موضوع كود الكاسيت ، لازم تقولي هل الكاسيت شغال فعلا مع العربية حاليا و لا في وضع Safe بمعنى انه طالب الكود؟ لو الكاسيت شغال فعلا مش هاتحتاج للكود خالص لأنه متبرمج مع كمبيوتر العربية حتى لو فصلت البطارية او فصلت الكاسيت نفسه و ركبته تاني مافيش مشكلة. الكود مطلوب فقط لو الكاسيت هايركب على عربية تانية.

2- موضوع المخدع اللي ناقص ده غريب جدا أعتقد لازم تسأل المعرض لأن الموديل اللي نازل بمرايات ضم و زينون و مثبت لازم يكون نازل بالمخدع.

3- عنوان ناشيونال موتورز بالمهندسين -جامعة الدول بجوار معرض البافارية أما بمدينة نصر فعنوانه بشارع الطيران.

خالص تحياتي للجميع.

محمد

المشاركة الأصلية كتبت بواسطة mohamed_hamdi

شكرا لجميع الردود ضوع و بخصوص الاستفسارات المطلوبة فالرد كالتالي :

1- موضوع كود الكاسيت ، لازم تقولي هل الكاسيت شغال فعلا مع العربية حاليا و لا في وضع Safe بمعنى انه طالب الكود؟ لو الكاسيت شغال فعلا مش هاتحتاج للكود خالص لأنه متبرمج مع كمبيوتر العربية حتى لو فصلت البطارية او فصلت الكاسيت نفسه و ركبته تاني مافيش مشكلة. الكود مطلوب فقط لو الكاسيت هايركب على عربية تانية.


خالص تحياتي للجميع.

محمد

اولا شكرا علي الرد
ثانيا الكاسيت اشتغل معايا اول يوم جبت فيه العربية و صوته تحفه بس كان بيطلب مني الكود بعد ما يشتغل بساعه تقريبا و يفصل و انا كنت بشغله تاني ويعمل نفس الحركة لحد ما قفل خالص .. ودلوقتي كل ما اشغل السيارة يبقي على وضع SAFE 1000 وطالب اني ادخل الكود و طبعا ليك محاولتين و يقفل لمدة ساعة و تعيد الكره,,و المفروض انى اروح مركز الصيانه افك الكاسيت و علشان اعرف السيريال بتاعه و نبعته بفاكس مع رقم الشاسيه للتوكيل اللي جايه من العربيه الخليجي و يردوا علينا بالكود ده كلام المعرض,,,,,انا اعرف واحد صاحبي شاري باسات من الوكيل بمصر حصل معاه نفس الموقف راح التوكيل و من غير فك العربية اتحطت علي الكمبيوتر و ظهر الكود بتعها ,,,,رجاء الافادة
وشكرا

عزيزي asarhan

موضوع طلب الكود كل ساعة انا خايف يكون عيب صناعة في الكاسيت نفسه لأن حتى لو جبت الكود من الشركة الأم مش منطقي افضل ابرمجه للجهاز كل ساعة لما يفصل لأنه اصلا لو الجهاز مش شايف الكود مكانش اشتغل معاك اول ساعة - صح ولا انا غلطان يا زعيم؟ رأي الشخصي حاول تغير الكاسيت كله لو معاك ضمان و حاول تعلي صوتك عليهم جامد علشان تاخد حقك انتى شاري عربية VW مش صيني يا باشا.

السلام عليكم
انا كنت عاوز كتب تقييمي للعربية بعد استعمال 1000 كم اليوم بس كملت الالف كيلو
1- العربية ممتازة في الثبات فعلا انا وصلت ل 160 و الثبات و الهدوء ممتاز
2- تكنولوجيا العربية فعلا تحفه و المالتي فنكشن استعماله جميل و بتتحكم في حاجات ظريفة في العربية
3- مثبت السرعه من احسن الحاجات الي عجباني في العربية
4- شنطة العربية مساحتها جبارة
5- صوت الموتور بيكون عالي وخشن شوية في بداية المشي و لو انت بتقرص على العربية في الغيار بس لما بتاخد سرعتك صوت الموتور بيختفي تماما
6- الفتيس ناعم و مابتحسش بالنقلات خالص بس عيبه انه بينقل بسرعه جدا انا مش عارف ده عيب مني ولا من الفتيس بس هو انا بدات اخد عليه شوية بس هو فعلا بينقل الغيارات بسرعه ياعني انت ممكن تبقى ماشي على 60 و العربية واخده سادس
7-كاسيت العربية والنظام الصوتي فيها ممتاز جدا جدا
8- الفرامل ممتازة وا استجابتها سريعة. انا جربت ال abs مرتين بس لاحظت انه بيعمل صوت عالي شوية مش عارف هل الabs كده و لا في مشكلة عندي انا اول مرة اركب عربية فيها النظام ده واول مرة اجربه
9- نظام التيبترونيك و الشيفتات الموجودة في الدريكسيون حلوة و مريحة جدا
10- عيوب السيارة من وجهة نظري :
أ- اقوى عيب لاحظته و فعلا حسيت بيه هو ضعف الموتور على السيارة ياعني في الشد و السحب متلاقيش الي انت بتفكر فيه او مستنيه من الVW بس ده طبعا في مصر بس علشان السي سي و الجمارك والحوار الي انتو عارفينه
ب- ارتفاع السيارة عن الارض منخفض نسبيا للمطبات المصرية الرائعة ... انا يوم مارخصت العربية اتحكت بكاملها من تحت في مطب ذهبي
ده تقييمي حتى هذه المرحلة.
انا نفسي حد يدلني لحل لمشكلتي انا لظروف انتظاري الطويلة للعربية (3 شهور انتظار و حجز ) جاتلي عربية بنفس المواصفات الي كنت عاوزها فيما عدا ارم ريست او مخدع امامي الي بين الكرسيين و ده الي بيكون في ضهره فتحات التكييف الخلفية ياعني انا معنديش فتحات تكييف خلفية و لا مخدع ورحت التوكيل الي اكتشفت فعلا انه اي كلام ولا عرفت اسأل مين ولا حد عاوز يرد عليا ده غير الخناقات الي شفتها هناك .. المهم هما قالولي ان العربية مينفعش يركبلها مخدع علشان لو هيا من غير مخدع بتبقى مش مجهزة للموضوع ده وانا مش مقتنع
طيب هل فيه مكان اقدر اشتري منها المخدع بس يكون الاصلي واركبه بره التوكيل انا شفت مخدع عند ارابكوم هو مش اصلي و كان زي الزفت معجبنيش خالص
اسف على الرغي الكتييير

انا لاقيت في موقع فورتكس حاجة زاي الي انا عاوزها
ده عنوان الموقع http://forums.vwvortex.com/zerothread?id=4098179




ازاي اقدر اشتري القطع دي و مين ممكن يركبهالي

انا حاجز 2009 وكييل و هستلمها اخر سنه بس انا خايف الشكل يتغير خصوصا ان الباسات غيرت الشكل حد عنده معلومه عن الموضوع ده؟