تقييم سريع للجيتا

**tmedhat** · 16-12-2008 11:41 PM

العربية دى تحفة

الف مبروك يا ريس

**mohamed_hamdi** · 18-12-2008 02:10 AM

الف مبروك حل مشكلة كود الكاسيت و ربنا يبارك لك في السيارة و يكفيك شرها.

بخصوص تغيير شكل الجيتا فعلى حد علمي انه مش قبل شهر 9 -2010 في اوروبا يعني مش هايوصل مصر قبل صيف 2011 و بنسبة كبيرة الشكل الخارجي مش ها يتغير و لكن بعض التغييرات الداخلية كاستبدال اضائة العدادات باللون الأبيض بدلا من الأزرق الحالي.
أما بخصوص الباسات فالموديل المقصود هو باسات سي سي وده فئة تانية خالص غير الباسات العادية يعني الاتنين موجودين في نفس الوقت.

**mohamed_hamdi** · 18-12-2008 02:22 AM

بخصوص معلومة ان شكل الجيتا هايتغير 2011 و التغييرات المتحققة وقتها فبرجاء الاطلاع على الموقع التالي المنقول من احد الزملاء بالمنتدى هنا و اعتقد اسمه AHEGAZY للأمانة و شكرا جزيلا له :

http://consumerguideauto.howstuffwor...agen-jetta.htm

**sshafie** · 18-12-2008 09:33 AM

السلام عليكم
انا عندى حاجة فى العربية مش عارف ده عيب ولا عادى فيها
انا معايا جيتا 2008 وكيل المستوى التانى عاملة 14000
لاحظت ان اتكييف و هو مطفى بيجيب هوا من برة سالتهم فى التوكيل قالولى اقفل بواية الريسيكل قبل مطفى التكييف بس برده بيجيب هوا من بره و هو مطفى جربت اقفل فتحات الهوا ال فوق لاقيتة بيجييب من عند الرجلين و بعد كدة لاحظت انى منا مشغل التكييف و قافل الريسيكل بشم روائح من بره زى العوادم و الدخان ده غير انه اول ما بيشتغل بيطلع ريحة غريبة بس وحشة
ممكن اعرف موضوع الهوا ال بيدخل و التكييف مطفى ده عادى ولا لا عشان انا رايح صيانة ال 15000 اخر الشهر؟
شكرا

**heromiro** · 18-12-2008 06:41 PM

سوال كمان يا أ محمد انت تنصحنى بالوكيل و لا الخليجى انا حاجز الفءه ال ب 185؟
العربيه بتنزل ب بلو توث و لا بيتركب ؟ وشكرا ليك

**mohamed_hamdi** · 19-12-2008 02:22 AM

انا عربيتي خليجي و زي مارديت قبل كده ، الخليجي أفضل لأنه بنفس المبلغ باحصل على كماليات أعلى و تكييف أفضل وكده كده وكيل فولكس في مصر مش فارقه معاه ضمان من عدمه ده غير ان في معارض بتدي ضمان على الخليجي دلوقتي زي ناشيونال موتورز سنة او 20000كم و ايضا جابر عبد الشهيد ضمان سنتين.
بخصوص البلوتوث، موجود فقط عند جابر عبد الشهيد في أعلى فئة ولكن ممكن الاستغناء عنه بتركيب بلوتوث parrot فرنساوي سعره مابين 1000-1500 جنيه.

**asarhan** · 19-12-2008 11:14 AM

المشاركة الأصلية كتبت بواسطة heromiro

سوال كمان يا أ محمد انت تنصحنى بالوكيل و لا الخليجى انا حاجز الفءه ال ب 185؟
العربيه بتنزل ب بلو توث و لا بيتركب ؟ وشكرا ليك

الخليجي افضل طبعا وانا الحمد الله العربيه ماشيا معايا زي الفل وبضمان ناشونال 20000 او سنة وفيها مواصفات اعلي من الوكيل وارخص منه بالاضافة ان في اوبشن مش موجودة عنده زي الشفتات السرعة في الدريكسيون و الزجاج الملون

**hanady** · 24-12-2008 05:08 AM

الفئة 185.000 (المستوى الثانى فى الأتوماتيك) لا تحتوى على البلوتوث
فهو موجود فقط فى المستوى الثالث فئة 212.000 أو المستوى الجديد بين الثانى و الثالث (هو المستوى الثالث بس بدون فرش جلد) و 202.000
سعر تركيب البلوتوث عند التوكيل 2500 جنيه

**sshafie** · 24-12-2008 09:45 AM

البلوتوث ممكن تركب لوحدها من غير حاجة اسمها مالتى كام هى المسئولة عن تشغيل الزرار المرسوم عليه سماعة فى الدركسيون و دى سعرها 1500 جنيه. انا ركبت البلوتوث ب 800 عند باروت ال ف شارع نوال الدقى

**som3aa** · 24-12-2008 04:56 PM

انا حاجز 2009 وكييل و هستلمها اخر سنه بس انا خايف الشكل يتغير خصوصا ان الباسات غيرت الشكل حد عنده معلومه عن الموضوع ده؟

شكل الجيتا لسه قدامه سنتين على ما يتغير , فعلا فى 2011 و دا كلام مؤكد.
معلش يا جماعة ممكن كل واحد يكتب الفرق بين الخليجى و المصرى؟
يعنى كل واحد يكتب مواصفات عربيته الخليجى و سعرها .
المصرى فى 3 فئات:
1- اللى ب 170000 (بتتباع ب 165000 عند الموزعين) دى فاضية خالص.
2-اللى ب 185000 (بتتباع باقل عند الموزعين , معرفش بتوصل ل 180 و لا لأ) دى فيها حساس ضغط الهواء فى الاطارات , multifunction, cruise control , جنوط 16.
3-اللى ب 202000(معرفش بيخفضوا فيها و لا لأ) دى بتزيد بزينون و فتحة سقف و فوج لايت و جنوط 17.

مفيش و لا فئة فيها كراسى كهرباء فى المصرى و اول مرة اسمع على اللى ب 212 الف , اعتقد دى اتلغت.

عايز اعرف من اللى اشتروا خليجى ايه المكانيات اللى خدوها زيادة و فرق السعر قد ايه سواء ارخص و لا اغلى.
يعنى يا يت كل واحد يكتب بالظبط مواصفات عربيته و سعرها
شكرا