إسأل و إطمن علي الفرامل..

**sheko2013** · 17-05-2010 04:42 PM

طب استاذ سامر بعد اذنك انا عندى مشكلة جامدة مع الفرامل كان الاول البدال بينزل على الفاضى فى اول دوستين بس بعد كدة ابتدت تحجر بعد ما امشى بيها شوية وبقيت ساعات بسمع صوت تنفيس لما ادوس عليها فيا ريت لو اقدر اعرف مكان الورشة فين علشان عايز اكشف عليها و شكرا

**catmoon** · 20-01-2013 09:36 PM

عندي مشكله في الفرامل لما اجي دوس عليها والعربيه واقفه الاحظ رجه في الدريكسيون وتروح لما اشيل رجلي وكمان وانا ماشي وعايز ادوس فرامل الاقيها محجره ولازم ادوس عليها جامد ودى بتحصل بين كل20 مره عادي مره تحجر ياتري العيب من ايه بالظبط وشكرا

**aymanshebl** · 12-03-2013 07:39 AM

انا عندى صوت غريب بيبقى موجود فقط و العربية واقفة خالص بدون تحريك الدريكسيون مع شد فرامل اليد الصوت بيظهر فى الظروف دى مع زق العربية للخلف العربية بتتحرك حاجة بسيطة جدا جدا حاجة لا تذكر و بسمع صوت خبط زى ما يكون حديد بيخبط فى حديد ناحية العجلة الشمال الخلفية,ايه ده بالظبط ارجو الافادة علما بان العربية النترا 2010 10000كم

**mfs3570** · 05-05-2013 12:30 PM

انا بقا عندي مشكله هتجنني ............................ الفرامل عندي اول دوسه بتكون مفيش خالص كان البدال راكب علي الفاضي تاني دوسه تبدا العربيه تمسك شويه ........ غيرت تيل امامي وخلفي ...... بس لما باخد هوا بتكون حلوه يومين وبعد كه ترجع تاني

**أحمد جودة** · 29-05-2013 02:45 PM

المشاركة الأصلية كتبت بواسطة samer_engines

كيف أتأكد من جودة الفرامل؟؟

1- يكون مشوارها مش طويل لتحت زي ما هو واضح عندك.

2- (تجربة الفرامل العادية) تاخد سرعة بالعربية و تفرمل فجائي و لو صرخ العجل و توقف العجل عن الدوران يبقي الفرامل جيدة.

3- ألا تكون الفرامل ناشفة زيادة عن اللزوم يعني مشوارها قصير زيادة عن اللزوم و اول ما تدوس العربية تكلبش في الأرض.

4- تكون الفرامل مش محجرة لما تدوس تحس انك بتدوس علي طوبة و مع ذلك العربية مش بتفرمل و لا تتوقف.

5- عدم وجود حدفة يمين او يسار.

6- أن تكون الفرامل مستقرة و استقرار الفرامل بمعني الا تتوقف في مرة و مرة الفرامل تهرب.

7- عدم توقف عجلة واحدة فقط و الباقي لا و عدم توقف جميع العجل و عجلة واحدة لا أو ان تتوقف السيارة من ناحية الشمال فقط او اليمين فقط او من الامام فقط او الخلف فقط.

* و للتأكد من فرامل اليد نضع السيارة علي السرعة الاولي و نشد فرامل اليد و نقوم بالتحرك بالسيارة بصورة عادية و كأننا بنتحرك بالسيارة بشكل عادي لو امتنعت السيارة عن التحرك أو المحرك بطل تكون الفرامل جيدة اما لو تحكرت السيارة و لو بثقل يكون هناك عيب.
و الباب مفتوح لي و لغيري لإضافة المزيد من طرق التأكد من الفرامل لو كان هناك المزيد.

كلام جميل جدا
أنا عندي استفسار

أولا عندي الفرامل على سرفو واتعلمت من حضرتك كتير

الاستفسار هوة لما بجري وادوس فارمل فجأة وبقوة بسمع صوت صرخة الكاوتش على الاسفل بس بحس ان العجل اللى قدام بيكون قافش جامد واللى ورا مش متأكد

بس لما بكون ماشي عادي واشد فرامل اليد العربية بتكلبش فى الارض بقوة

سألت واحد قاللي دة الطبيعي

بس فى فرامل الرجل بحس ان العربية من قدام بتمسك اكتر من ورا

أنا عربيتي جر أمامي ( على كبالن ) ومنتظر تفسير حضرتك

واستفسار تاني بالنسبة للزيت هل يفض تزويدة كل فترة أم يفضل تفريغ الداسيرة كلها ونحط زيت جديد

وأسف على الاطالة

**7ahmed7** · 09-07-2013 04:36 PM

موضوع مفيد جدا
عندي عربيه نيسان صني فيها العجله الشمال التيل فيها بيتاكل بسرعه عن العجله اليمين وكمان في اوقات بتبقي قفشه وبتكلبش العربيه
رحت لبتاع الفرامل ظبطلي العجل كلو وغسل الطنابير وسلك الخراطيم و غير زيت الفرامل بس الفرامل بقت زي الفل في العجل كلو بس مع الاسف المشكله ال في العجله الشمال لسه زي ما هيه بتقفش مع الاحتكاك والتيل فيها بيتاكل بسرعه

**ABO MALEK** · 10-07-2013 10:54 AM

موضوع جميل جدااااا.

**7ahmed7** · 10-07-2013 02:54 PM

اولا شكرا جدا علي الموضوع المهم
بس انا عندي مشكله في العجله الشمال علي طول التيل فيها بيخلص اسرع من العجله الثانيه وكمان في اوقات بتبقي قافشه ومابتخليش العربيه تتحرك خالص
رحت لبتاع الفرامل نضف الطنابير وغير الزيت ال في الخرطوم علشان لو كان مسدود بس بردو المشكله لسه موجوده والعجله بتقفش بعد نص ساعه ما امشي بالعربيه
برجاء الافاده

**علاء بيبو** · 07-11-2013 03:45 AM

جزاك الله خيرا
مشكله غريبه تخلينى اغير ثلاث ماستر عموميه عربيتى 128 الماستر يحضر للفاتحه الاخبره المفرده والاثنين الى فى المكبس الامامى ميحضروش بس فى حاجه وهى انى بدلت ماسورة الخلف من مكانها كان مكان ماسورة الخلف بالفاتحه المنفرده والتى بعد الكباس الثانى وذلك لانها اتقطمت فصرت علشان كده وضعتها قدام فهل ياترى العيب ايه

ارجوا الافاده والرد عليه بسرعه علشان محتاج اسافر بالعربيه لوالدتى غدا وجزاكم الله كل خير