الموضوع: إسأل و إطمن علي الفرامل..

المشاركة الأصلية كتبت بواسطة eltorky

1000 شكر ياباشا علي رداك أنا فعلا خرطها مرة واحدة هية أصلا ممكن تتخرط لحد كام مرة؟ وبالنسبة للطنابير البريمبو دية صناعتها أية و فية منها مضروب في السوق ولا مين الي بيبيع الاصلي بتاعها هية و أنواع التيل الترينتي و أتة و معلش انا عارف أن انا بتعبك معاية بس من عشمي فيك و للك جزيرر الشكرر

أسف جدا للتأخر في الرد و حقيقي غصب عني و انا عارف أني طبعا غالبية الناس إتصرفت في مشاكلهم مش هيستنوني بس انا لازم أرد علي كل حرف في الموضوع اللي إلتزمت بيه لفائدة صاحب التساؤل و لفائدة أي عضو آخر

و بالنسبة لخرط الطنابير فبيكون حسب مقاس الطنبورة يعني ممكن تكون الطنبورة فيها لحمية كويسة و تتحمل الخرط 5 / 6 مرات و ممكن اقل و ممكن أكتر علي حسب ما المتخصص بيشوف.

و الطنابير البريمبو صناعة إيطالية و حسب علمي مفيش منها مضروب و حاول تشتري من حد موثوق فيه و علي فكرة ممكن تكون جديدة و اصلية و ايطالي و محتاجة خرط و مش قصدي البريمبو بس لا اي نوع ممكن يكون فيه عيب صناعة بسيط و بيتعالج و ممكن عربية زيرو و تتخرط لها طنابير بس متخافش الطنابير البريمبو سمعتها حلوة جدا و بتتباع عند بتوع قطع الغيار زي شارع دمشق او التوفيقية و حتلاقي التيل هناك برضه.

و عيب متقولش بتعبك انا تحت امرك و انا اسف للتأخر في الرد.

المشاركة الأصلية كتبت بواسطة sweetshero

gr8 topic delwa2ty ana m3aya lancer puma 1.6 2008 mabrkbsh 3'eer teel asly we abs we elmaster we elservo we zyet kolo tmam bs elframel we7sha gedan sa3at teb2a kwayesa we sa3at l2 bgd mara tdos tl2y tmam we mara tdos mabto2fsh fe nas 2altely framel elancer we7sha we hya kda bs ezay ya3ni fa law fe 7al yba katr 7'yerk

أسف للتأخر في الرد و بالنسبة للموضوع ده فعادة ما بيكون ماستر عمومي هو اللي عادة ممكن يخلي الفرامل تهرب و ترجع تاني راجع عليه و انشاء الله بسيطة

المشاركة الأصلية كتبت بواسطة samer_engines

أنا آسف جداً جداً لعدم دخولي الموقع كثيرا و لترك الأعضاء من طارحي الأسئلة دون رد لفترات طويلة و فعلا مش عارف أقول أيه أو أعتذر إزاي فحقكم عليا و أنا في منتهي الخجل منكم لكن فعلا أنا بعود من عملي منهك تماماً و لكني سأحاول أن أكون ملتزماً أكثر في الرد علي الأعضاء في الفترات القادمة.

و شكراً لسعة صدركم.

حمدالله علي السلامة يا سامر باشا أنت فين من زمان قلقتنا عاليك يا كبير و علي العموم المنتدي نور ياباشا بوجودك و ربينا يعينك علي شغلك و رضك علي الاعضاء

المشاركة الأصلية كتبت بواسطة نور العمر

ألف شكر على الموضوع الجميل ده ..
عربيتي 127
و من أكتر الحاجات رعب في العربية الفرامل ..
بسببها عملت حادثة لاقيتها هربت فجأة ... ورجعت تاني
بس غيرت الماستر العمومي عشان اطمن وكنت قبلها مركبة ماستر خلفي للاطمئنان بردو
ومشيت وكله تمام ... هربت تاني خوفت .. حطيت زيت باكم
والميكانيكي سحب هوا ... بس بردو ساعات بتهرب تاني

المهم لي كام سؤال ؟؟؟

إيه سبب إن الفرامل تاخد هوا ... ولو حصل ده معايا وأنا بعيدة عن الميكانيكي أكمل مشواري إزااي

هل هناك فرق بين ماستر الفرامل والسيرفو ام الاثنين مسمى واحد

وتيل الفرامل ده بيركب فين وأعرف اعراض ضرورة تغييره إزااي ... وهل له علاقة بفرامل اليد ؟
وألف شكر

أنا بعتذر عن التأخر في الرد و انا تحت امر حضرتك

و بالنسبة لموضوع أني أزاي الفرامل تاخد هواء ده بيتم لما المتخصص بيشتغل في الفرامل بتاعت العربية و بيغير أجزاء منها و كدة و طبعا الميكانيكي او المتخصص بتاع الفرامل بياخد هواء دايما بعد الشغل عشان يطمن اني الفرامل كويسة و خالية من الهواء فمتخافيش موضوع الهواء ده مش هيحصل فجأة و العربية ماشية و لا حاجة ده أولاً.

و بالنسبة لسؤالك عن الفرق بين ماستر الفرامل و السيرفو فالإثتنين خاصين بالفرامل لكن كل حاجة فيهم ليها شغلها و انا بصراحة مش عارف حضرتك تقصدي المساتر الفرعية و لا بتتكلمي عن الماستر العمومي لكن عامة أنا حشرح لحضرتك كل حاجة و بالصور المساتر الفرعية دي موجودة في العجل كل عجلة لها ماستر يسمي الماستر الفرعي و الماستر الفرعي ده بيوصله سائل الفرامل (زيت الباكم) من الماستر العمومي اللي موجود في الموتور و متصل بالسرفو، طيب أيه علاقة اللإثنين دول ببعض و أزاي بيشتغلوا مع بعض عشان يتحكموا في العربية و يخلوها تقف؟؟!!
و أيه هو تعريفهم؟؟!!

السرفو: هو محسن لأداء الفرامل.
و ده شكله:-


الماستر العمومي: هو الموزع العام لسائل الفرامل في السيارة.
و ده شكله (و هو متصل بخزنة الفرامل البلاستيكية الموجودة فوقه):-


و اللي بيحصل اني حضرتك لما بتدوسي علي دواسة الفرامل السرفو بيسحب هواء عن طريق خرطوم موصل له من الموتور و ده لتحسين أداء الفرامل و ليجعلك تشعرين بأن دواسة الفرامل أكثر إستجابة و فعالية (ملحوظة: الهواء ده مش بيدخل في دورة الفرامل نهائياً).
و مع الضغط علي بدال الفرامل و عمل السرفو بيبدأ ايضاً الماستر العمومي في عمله و هو توزيع سائل الفرامل علي الأربع عجلات.

و بكدة تكون وظيفة السرفو هي عمل مخدة من الهواء لتحسين أداء الفرامل و لراحة من يقود السيارة.
و تكون وظيفة الماستر العمومي هي توزيع سائل الفرامل علي الأربع عجلات.

و ده شكل الماستر العمومي و السرفو و هما متصلين في الموتور بشرح أسم كل جزء بالإنجليزية:-


أتمني أني أكون أفدتك و لو في أي نقطة مش واضحة انا تحت أمرك في أي وقت و أنا جاهز لأي تساؤل.

المشاركة الأصلية كتبت بواسطة micromoud

معايا سوزوكى ماروتى الكاوتش بيصدر صوت صفاره وانا بدوس فرامل مع العلم ان العربيه بتحدف يمين

أهلا بيك و الموضوع ده ليه كذا سبب منهم مثلا الماستر العمومي أو الماستر الفرعي أو إنسداد في ماسورة أو خرطوم معين و ممكن تكون زوايا و ملهاش اي علاقة بالفرامل أنت حاسس أني العربية محتاجة ظبط زوايا.

يا باشا المشكلة لسة موجودة ......

فى الاول الفرامل زى الفل.......

العربية لما امشى بيها كتير وادوس فرامل كتييير او ادوس للا خر الاقى الدواسة توطى قوى والموضوع دة انا خايف منة جداااااااااا

لان الفرامل بتبقى ضعيفة قوى.......


بس لو ركنت العربية ربع سا عة تلاقى

الفرامل تتظبط وترجع تانى زى الفل...........

مع انى لسة مغير جلد الماستر العمومى من كام شهر........

يا ترى ايه الموضوع لانى خايف اغير الماستر العمومى واشترى زيت جديد ومصنعية ويبقى العيب من حاجة تانية .......

وبعدين فرامل اليد ضعيفة جدا......

ويا ريت تقولى اسعار الماستر والتيل الامامى كمان علشان اغيرة بالمرة

هى عربيتى 127 ايطالى من غير سيرفو..........