الموضوع: إسأل و إطمن علي الفرامل..

انا الفرامل عندي حدوتة
اول ما بدوس فرامل بلاقي العربية بتحدف شمااااااال جامد
وبحس ان النص الامامي بس اللي حدف شمال واللي ورا لا
فتحس زي ماتكون العربية هتتقسم نصين

اهلا بيك و بأول إستفسار و بصراحة كلامك ده بيحتمل كذا حاجة في الفرامل
1- مثلا ممكن يكون عيب ماستر عمومي:
و معني كدة اني الماستر يكون بيوزع للناحية الشمال و اليمين لا.

2- ممكن يكون ماستر عجل:
يعني ماستر العجل اليمين مش شغال و بكدة العجلة الشمال بس هي اللي بيوصلها زيت و بكدة تحدف شمال.

3- ممكن عيب خرطوم الفرامل للعجلة اليمين يكون مش بيزود الماستر بالزيت الكافي و ده هو اللي بيعمل الحدفة.

و من الممكن أن يكون السبب ليس بالفرامل من الأصل و يكون السبب عيب في العفشة او في ظبط الزوايا أو في الكاوتش و نسب نفخ الكاوتش.

و لكني أرجح تلف الماستر العمومي فهو عادة ما تحدث منه مثل تلك المواقف, و عامة أعد الكشف علي الفرامل كلها و ان لم تجد العيب بها فستجده في الزوايا او العجل.
و تحت امرك في اي استفسار اخر انت و بقية الزميلات و الزملاء.

يعني نفهم من كدة اني مشكلة تسريب سائل الفرامل اتحلت و الحمد لله و للعلم الماستر الجديد ليست له اي علاقة بموضوع تكسير التيل.

و السؤال الأن هل تقصد التيل اللي تكسر ده هو الخلفي أم الأمامي؟؟
و أنا أرجح أن يكون التيل الخلفي.

المشاركة الأصلية كتبت بواسطة wardet

الفرامل خفيفة مع انى مغير تيل امامى وخلفى من شهر تقريبا

تمام للعلم مش معني انك مغير التيل يبقي هتلمس الفرامل العربية هتكلبش في الأرض لا اكيد طبعا حضرتك فاهم اني دي دورة فرامل و زيت و خراطيم و مواسير و جلد و مساتر عمومي و فرعي الخ...... فالأفضل ترجع للي ركب لك التيل مرة تانية و قله له خد هوا من الفرامل عشان الفرامل خفيفة.

و كمان لو كنت بتركب العربية دي قليل اوي ممكن تكون لسه بتطبع بمعني انه لو صاحب العربية ركب التيل و تاني يوم نزل لف بالعربية و مشاوير و كدة خلاص التيل هيطبع من اول يوم, لكن لو انت راكنها طول الشهر اللي فات و العربية مش بتتحرك كتير يعني مثلا مشوار صغير كل اسبوع او اتنين يبقي ممكن تكون في مرحلة التطبيع, يعني ده حسب استخدام العربية.

و ممكن يكون الزيت مش حلو و بصراحة اتمني ميكونش ده السبب.

و ممكن لو كله تمام و اخد هو و كله و رجعت الفرامل وطيت تاني يكون تسريب سائل فرامل (زيت) خليه يبص علي الخراطيم و المواسير يمكن يكون السبب منها و كمان ابقي بص علي المساتر الفرعية و الماستر العمومي يمكن تكون بتجيب زيت.

شكرا لحضرتك على الموضوع دا و لو ممكن حضرتك تجاوب على السؤال دا ضعف الفرامل عامتا بيكون من ايه و لما تدوس على الدواسه براحه العربيه متقفش ولا تهدى حتى لزم تلزق الدواسه فى الارض علشان تبدا تهدى و تقف مع العلم ان التيل سليم و مفيش تسريب زيت .

ممكن يكون الفرامل واخدة هوا او الزيت مش بيسرب و لا حاجة بس الزيت من نوعية سيئة و ممكن يكون عيب سرفو و بيكون محتاج متخصص سرفو و للعلم متخصص السرفو شئ و الفرامل و الدبرياج شئ تاني خالص بس احيانا بعض الورش الخاصة بالفرامل و الدبرياج بتكون جايبة صنايعي سرفو مخصوص.