الموضوع: اغـــــــار منــهم **** واكـــرهك يا مصــر

حتزعلوا مني أنا عارف بس أمري لله

أنا و حضراتكم و بقية الشعب عملنا إيه علشان نستاهل حكومة أحسن من كده .... طب عندنا استعداد نعمل إيه غير إننا نشتكي و نحسبن و نحوقل مع علمنا تماما إن الله لا يغير ما بقوم حتي يغيروا ما بانفسهم

و علشان ما تزعلوش مني قوي أنا أول واحد مش ناوي أعمل أي حاجة و استحق كل اللي يحصل

اقل حارة و لا زقاق حتي في بلدي ضفرها برقبه مليون بلد تانية عربية و لا اوروبية

عمري ما هكرهها و مش المفروض ان اي حد يكرهها

هي البلد مالها بس؟

كوني باكره نظام حكم فاشل وصل البلد للحالة المتردية اللي احنا فيها دي بس ده ميخلينيش اكره البلد نفسها

انا مشوفتش حاجة من "البلد"

لو في حد بيغلي اسعار و كل يوم يخلي حياة الناس اصعب من اليوم اللي قبله تبقي =حكومة

لو في حد بيرمي زبالة في الشارع يبقي =احنا

لو في شباب مش لاقيين شغل يبقي =مسؤلين مكلفين بوضع خطط للشباب دول بس محطوطين في اماكن ميستاهلوهاش

لو في ناس غلابة بتشحت و تسرق و تنام في الشارع يبقي = انعدام رحمة و عدم اكتراث و قله دين من الناس القادرين و برضه من المسئولين

لو في رشوة و وسايط و محسوبية يبقي = انعدام ضمير من كل صاحب منصب مهم بيسيب الكفاءات و يشغل قرايبه و محسوبينه حتي لو كانوا مالهمش في اي حاجة

اموت و اعرف بقي مالها مصر بكـــــــــــــــــــــــ ــــــــــل ده

الناس هي اللي لازم تتغير و النظام هو اللي لازم يتعدل

يقول الله تعالى : "إن الله لا يغير ما بقوم حتى يغيروا ما بأنفسهم "

يعني مينفعش نتغير الا لما الرغبة في التغيير دي تبقي نابعة من جوانا احنا

مصر اللي انا اعرفها و درستها في المدرسة كلها خير

النيل و الاراضي و الشوارع و المدن و القري

مش ذنبنا ان في ناس نهبت خيرها و سابتها خراب

صحيح البلد هي ناسها

بس كمان حرام نشتم في بلد ادتنا كتير اوي عشان شوية.......ما علينا

ايام ما بابا الله يرحمه كان بياخدنا في العربيه الساعه 2 بالليل عشان نتمشي في شوارع وسط البلد كنت باقعد اتفرج اوي علي البلد و هي نايمة بالليل و بأدمع غصب عني

باقول ليه يارب بلد بالجمال ده الناس تشتكي منها و يكرهوها

حسبي الله و نعم الوكيل في اللي كان السبب

البلد دي فيها كل المقومات تبقي احسن بلد في الدنيا

شبابها لو حد ادالوا فرص عمل بجد و مناصب مهمة هيبقي شعله نشاط و ذكاء

و الله العظيم لو البلد دي مسكها نظام حكم صح ابقوا شوفوا هتبقي عاملة ازاي

Mohammed_Adel_Amin


والله يا جماعة الموضوع ده بقى سخيف جدا يعني الوطنية عند الناس تدنت لأقل المستويات .. وبحس ان المصريين بيشمتو في بلدهم , حاجة تحير !!
__________________

لو حضرررررتك شايف ان البلد مش ظالمه ومفتريه علينا يبقى انت مش عايش فيها ولو حاسس بوجود ذره عدل واحده بين الحاكم والمحكوم هنا قوولى فين طيب ؟؟؟

اللي يجرب الحياة برة مصر هايفهم ليه شعب زي الشعب القطري بيحب بلده وعنده وانتماء ووطنية
انا عيشت بالامارت سنين ولاحظت الحب الغير عادي من الشعب للشيخ زايد الله يرحمه وفعلا ميستحملوش عليه كلمة كأنه ابوهم بجد

عليكى نووووووور يا نور القمر والله من كثر ما بشوف الناس دى اللى يعبروا اجيال جديده وبلاد حديثه العهد بحس بحسره والله وبتكسف اوى من تاخر مصر فى كل حاجه

و الله انا لما جيت اكتب عن احنا ليه ما بنحبش مصر

طلع عليا المثل ده جامد قوي و ماعرفتش اكتب غيره

افتكرلك ايه يابصله وكل قضمه فيكي بدمعه ...

والله يااحمد اوجزت فانجزت الصراحه صحيح احنا هنبكى على ايه فيها طالما مش شايفين منها لا عزه ولا كرامه لينا

المشاركة الأصلية كتبت بواسطة hossam_nasr

على فكرة يا جماعة كل الكلام ده مفيش منه فايدة . الناس ياما اتكلمت و اشتكت بس على الفاضى و الظاهر ان ال............ معندهاش ودان اصلا .. حسبي الله و نعم الوكيل ان شاء الله ربنا حيصلح الحال

بالظبط خير ما يقال عنهم اااانهم كمثل الحمار يحمل اسفارا مع احترامى طبعا للحمار

احنا كشعب نستحق اسوا معاملة والله العظيم ..بنشوف الظلم و الديكتاتورية وبنسكت ...
والحكومة مادام مفيش حد بيحاكمها ولا بيقولها انتى بتعملى ايه يبقي كله تمام ..
خلوها على الله بقي ..

حرام عليك والله وليه نستحق اسواء معامله
كله تمام ومدام خلوها على الله بقى فى كل شى يبقى ربنا سبحانه وتعالى خلقنا ليه ؟؟؟
اكيد لان علينا واجبات ومش كل ما نفشل نستسهل ونقول خلوها على الله

بس كمان حرام نشتم في بلد ادتنا كتير اوي عشان شوية.......ما علينا

باقول ليه يارب بلد بالجمال ده الناس تشتكي منها و يكرهوها

هي البلد مالها بس؟

كوني باكره نظام حكم فاشل وصل البلد للحالة المتردية اللي احنا فيها دي بس ده ميخلينيش اكره البلد نفسها

انا مشوفتش حاجة من "البلد

يا بوسى بليزززززززز ابقى قولى الكلمتين دوووول عن مكان ثانى عن مصرنا

ولا انتى سعادتك مش من هنا
او احتمال تكونى من الطبقه العليا ومتقدريش تبصى تحت رجلك تشوفى كم واحد داسو عليه عشان يعلو ويرتقوا بالطبقه العليا دى

البلد دى هى انا وانتى والسواق والحلاق والزبال والمتعلم والجاهل وشوارع وميادين البلد دى مش صوره على حيطه ولا تمثال فى ميدان

ااه انا بكررهه مصر يعنى المجتمع السلبى والعشوائى والبلطجى وكل الاشياء اللى بشوفها فى الشارع وبين تعاملات الناس اشياء مخزيه وهتقضل برضوا مصر من دول العالم الثالث لحد يوم الثيامه طالما اانتى شايفها جميله وحلوه فى عيونك

حتزعلوا مني أنا عارف بس أمري لله

أنا و حضراتكم و بقية الشعب عملنا إيه علشان نستاهل حكومة أحسن من كده .... طب عندنا استعداد نعمل إيه غير إننا نشتكي و نحسبن و نحوقل مع علمنا تماما إن الله لا يغير ما بقوم حتي يغيروا ما بانفسهم

و علشان ما تزعلوش مني قوي أنا أول واحد مش ناوي أعمل أي حاجة و استحق كل اللي يحصل

صدقنى محدش هيزعل منك لان كلنا هذا الرجل ومحدش هيعمل شى عشان نحن فى عصر الفرديه والانانيه كل واحد بيقول يلا نفسى واى شى بعدى يووولع بما فيها البلد
وكثرت فيها العصابات والسلب والنهب والهروب ربنا يتولانا

قطر و امارات و سعودية ايه الي نقارن نفسنا بيهم..الناس دي معدية
احنا نقارن نفسنا بحاجة على قدنا زي...زي..و الله مانا عارف بس مش قطر يعني
بس برضه كره مصر ده حاجة كبيرة شوية هو فعلا اوضاع مصر سيئة بس مصر فيها كل مقومات الدولة الناجحة بس عاوزة اعادة هيكلة بشعة

احنا اخرنا نقارن حاليا بدوله مثل فى الصومال
بس على الاقل الصوومالين فكروا ونجحوا فى القضاء على مشكله البطاله وعملوا قراصنه عشان يشغلوا الشباب والسلب والنهب من جيب غيرهم ليهم
مش احنا بنسرق نفسنا

المشاركة الأصلية كتبت بواسطة ahmodium

انت عايزنا نحب مصر ليه؟
-عشان الانتخابات اللي بتتزور؟
-ولا عشان الضرايب اللي بندفعها ؟
-ولا عشان الأمن والأمان اللي عايشين فيه؟
-ولا عشان العدل والحريه
-ولا عشان باعرف اخد حقي؟
-ولا عشان الشرطع في خدمة الشعب؟
-ولا احكام القضاء بتتنفذ؟
-ولا عشان رغيف العيش؟
-ولا عشان اتخرجت ولاقي شغل؟
-ولا عشان اشتغلت ومرتبي كفاني؟
-ولا عشان مرتبي خلاني اتجوز؟
-وللا عشان اتجوزت ومش عارف اربي عيالي؟
-ولا عشان مش عارف اجوز عيالي؟
-ولا عشان حد من عيال طلع بيشرب حشيش اللي اصبح زي السجاير؟
-ولا ولا ولا ولا......................

الله يكرمك يا دكتوور فتحت الجرح من جديد

انا ممكن اكتبلك قائمه ضعف اللى كتبتها بس هيوجعنى قلبى لو قريتها مره ثانيه او قراءها حد مش مصرى واتفرج على فضايحنا وشمت فينا
هسكت احسن واااقول برضوا رغم كل الضلمه دى هحاول ادور يمكن الآقى فى حياه المحروسه جانب نووووووووور

عارفين مين اللى مفروض يبقى عنده وطنية فى البلد دى ...

ضباط الشرطة ورجال القضاء علشان واخدين حقهم بالدراع ... ومع الاسف ...

كل واحد عنده نفوذ مش مشكلة بيشتغل ايه المهم دولاب معارفه مين .. يعرف يخلص نفسه. حتى لو كان حرامى - مأمور ضرائب مرتشى ماشى - بلطجى شغال فى الحى يمكن ...

تجار المخدرات اللى الحكومة مطنشة وسيباهم يوزعو البلا الازرق - الحشيش اسهل من رغيف العيش - على الاقل مفيش طوبير ...

هى دى الناس اللى بتستفيد من البلد ..