اغـــــــار منــهم **** واكـــرهك يا مصــر

**ASKAFRAWY** · 22-12-2008 11:53 PM

ياجماعة هى فين مصر اساسا!!
انا شايف انه ماشية بالبركة!!يعنى حتى لوعاوزين نعدل حالها مش هتلاقى مصر لانها اتباعت خلاص!!!
يعنى لامؤاخذة مصر بقت دلوأت ممكن يبقى اسمها اسرامصر او امريكمصر!!

والبقاء لله فى مصرنا العزيزة!!

**enas75** · 23-12-2008 09:58 AM

انا عن نفسى حزينه جدا لان اهلى عايشين فى البلد وياريتهم كانوا عاشوا فى اى حته ثانيه على الاقل لو اتبهدلنا ننعى حظنا ونقووووووول بهدلتنا الغربه
لكن البهدله الحقيقه انك تعيشى كل الالم واحزان ومهانه وذل الغربه وانتى فى بلدك

ولو بتسالى احنا عملنا ايه هقولك البلد دى فيها رجاله بس مش عارفه هما تقريبا راحو ا مشوار وراجعين بعد 100 سنه او مش هيرجعوا تانى كله خايف وكله بيقول ياعم طنش كبر خلى بالك من عيالك وامشى جمب الحيط
لحد ما الحيط اهوه بيوقع فوق نافوخنا وبنموت تحت الحيط ولا حد بيسمع عنا
_...........______انا ام وعندي اطفال صغيرين ساعات ببقي عايزة افضل وخداهم في حضني علشان خايفة من كل حاجة بس بعد كدة باسال نفسي انا كدة بحميهم .......لا والف لا احميهم يعني لازم اوفرلهم جو الامان ودة اني ابتدي اعدل الحال المايل اللي حوليا احاول علي الاقل .......مفيش رجالة ابقي انا وانت الرجالة يمكن لما يشوفو الستات اتحركت كلة يقوم يعمل حاجة بدل مايقعد يندب حظة.....كل واحد يشوف حاجة غلط مايسكتش يقول لا ....خلاص فاضل اية يادموع الثلج ماحنا الحيطة اللي احنا ماشين جنبها وفي بعض الاحيان جواها حتقع علينا وتموتنا يبقي علي الاقل نموت واحنا بنعمل حاجة يمكن توفر جو الامان لولادي واولاد الناس كلها وتبقي احوالهم وحياتهم افضل.....

**zooma2** · 23-12-2008 10:42 AM

يا جماعة والله صدقوني مصر من أفضل الدول العربية واجملها
انا كنت عايش ف دبي لغاية من شهرين بس ورجعت مصر ومش ناوي اسافر تاني
مصر بلد جميلة جدا بس اللي يبصلها على أنها حلوة
البلاد دي كلها لسه جديدة وتعدادها كله ما يعديش 8 مليون ولا حصلها احتلال ولا لسه حصل نهب ونصب
شوفوا بقى بعد خمسين سنة بس هايكون شكلها ازاي وبعد ما يوصل سكانها 20 مليون (مش 80 مليون وبلد بقالها 2000 سنة ولسه فيها حياة رغم الاحتلالات والنهب وغيره)
أقوللكم حاجة بصوا في الشوارع أول كل سنة هتلافوا كل موديلات العربيات الجديدة موجودة ف الشارع (ف مصر) وبأعداد كبيرة كمان
على فكرة والله كان ممكن افضل واقف مستني تاكسي ف دبي اكتر من ساعة وبعد ماالاقي ممكن افضل واقف ف دوار (صينية عندنا) أكترمن ساعة ونص والاهم ممكن لو بعربيتي اقعد ادور على باركنج نص ساعة بعد ساعة ونص ف طريق ماياخدش ربع ساعة المفروض
والله العظيم مصر جميلة جدا
اسف للاطالة بس انا واحد بيحب مصر بجد

**sab3aawy** · 23-12-2008 11:05 AM

الله يسد نفسكم سديتوا نفسى

ايه كمية السواد دى كلها

هو يظهر كدة ان انا عايش فى مصر تانية غير مصر بتاعتكم او ان عندى اوهام بتخلينى اشوف شوية حاجات كويسة

عموما انا مش مستعد ادخل فى النقاش لأن واضح ان الموضه حاليا هى النقمة على اى حاجة ليها علاقة بالبلد من أول العربيات التقفيل المحلى لغاية العيش والعيشة واللى عايشينها، وانا ماعنديش صحة للوقوف ضد التيار الناقم ده

عموما ربنا يكون فى عونكم على البلد اللى انتم عايشين فيها ، وربنا ما يحكم عليا ازورها، خلينى قاعد هنا فى مصر التانية اللى فيها شوية حاجات كويسة انا مكتفى بها

**zooma2** · 23-12-2008 11:14 AM

عارف المشكلة فينا احنا
احنا بقينا متربيين على كره مصر اصلا وكل ما تكلم حد ماتسمعش غير السواد غير الافلام والمسلسلات اللي تجيب الضغط
وطبعا لما نروح اي حتة تانية بنشوف كل الجمال اللي فيها
مش عارف امال ليه كل العرب سعوديين واماراتيين وكمان الاجانب بيشوفوا مصر حاجة حلوة ونفسهم يعيشوا فيها علطول
لازم احنا اللي نشوفها حلوة وهي فعلا بلد حلوة وتستاهل نحبها وده من الاخر والخلاصة

**ahmed_su** · 23-12-2008 11:28 AM

ياجماعة هى الشخصية المصرية كده يعنى انا وانت ... اى نعم احنا محترمين و عندنا فكر وعندنا مبادىء ونخاف الله بس امسك حضرتك منصب اى منصب وشوف حالك هيبقى ايه ... هتفضل ماسك على اخلقك ودنيك وضميرك
لفترة من الزمن طالت ام قصرت بس بعد كده هتبتدى تحصل تجاوزت يعنى لو انت فى ماكن ما اكيد هتخدم قريبك.. اصحابك ..معرفك ...الخ وهتبدى اى حد من دول على مواطن مايعرفكش او مش جايبلك كرت توصية من واحد تعرفه ... وهكذا.
وتبتدى سلسلة التجاوزات يبقى راح العدل وتميز واحد عن التانى وقيس على ذلك من اصغر شىء الى اكبر حاجة فى البلد وده ليه علشان مافيش محاسبة اذا حد غلط.....واذا غلط يبقى كل واحد ومعرفته اللى تخرجه من الموضوع وهكذا اللى يخالف المرور يجيب واحد معرفش منين يرجعله رخصه ويخرجه من الموضوع وهكذا الظلم يستمر وتتكون الشخصية المصرية العظيمة التى تستمر وتنتشر وتتوغل الى ان تصل الى اعلى المناصب بنفس الحال مع التطور فى كل المخالفات فى الضمير والدين و.... وتبوظ البلد .

هى البلد ايه غير ناسها ؟!!!!

واحسن حاجة اتقالت فى الموضوع ده هو الهجرة وتجيب الباسبور وتيجى زيارة كمواطن اجنبى وتبقى خدت حقك فى بلدك الجديدة وهنا كمان ذى ماقال الاخ الفاضل لان والله العظيم مافبش فايدة