اغـــــــار منــهم **** واكـــرهك يا مصــر

**احمد عز** · 22-12-2008 03:46 AM

المشكله مش فى مصر المشكله فى الى مسكين مصر

**MoToRiZeR** · 22-12-2008 03:57 AM

مفيش حاجة .. حااااااااااااااااااجة واحدة .. أقسم بالله ولا حااااااجة واحدة .. أصبحت بحبها في البلد دي .

و محدش ونبي يقولي الوطنية و الإنتماء و الكلام اللي بنغني بيه علي بعض .. انا مش المطلوب مني أقعد أطبل للزفت و القطران اللي عايشين فيه ده .

**zobaaa** · 22-12-2008 05:15 AM

استراليا هي الحل لو معاك 100000 جند هتتجوز بيهم هاجر استراليا وعيش واشتغل واتجوز وخد جنسيه كل ده ف 3 سنين

بعد ال 3 سنين تعالى عيش وطنيتك زي مانتا عايز واللي يكلمك طلعلوا الباسبور نياهاهاهاهاهاها

**youssefmustang** · 22-12-2008 09:59 AM

لا حول ولا قوة الا بالله
الحكومة عندنا بتنزع الوطنية من قلوبنا بس على مين مهما عملو مهما سوو مش هنسيب مصر
اخوكم يوسف

**enas75** · 22-12-2008 10:25 AM

الحمدلله كلامكم يسد النفس كلكم شتمتم البلد وكل اللي فيها ونسيتو نفسكم انتم حاجة جميلة في البلد دي واهلكم واصحابكم تستاهل انها تتحب علشانها وعلشان اللي زيكم معني ان احنا في فترة فيها الحرامية والفاسدين ظاهرين مش معناها انها كلها كدة .....انا زيكم كل يوم يتحرق دمي 100 مرة بس ارجع واقول ماهو انا معملتش حاجة شايفة الغلط وساكتة وبقول وانا مالي يحقلي اشتم مصر يوم مااعمل حاجة بجد صح والاقي الكل بيعملها ومتجبيش نتيجة ....بس مش اسيب واحد يدافع ضد الظلم والفساد واكتفي اني اقول ربنا يعينة واقفل التلفزيون وانام واصحي تاني يوم العن في كل حاجة حوليا واشتم الناس اللي هما في الاصل انا وانتم

**haneena** · 22-12-2008 10:32 AM

ازاى تقدر تحبها وانت مذلول فيها يا ناس الذل مابيولدش غير الكراهية الشديدة

**دموع الثلج** · 22-12-2008 12:15 PM

المشاركة الأصلية كتبت بواسطة Terrible_DaRsH

!!!!
ايوا نستحق اسوا اسوا المعاملة كمان ...
نفسي اشوف الشعب المصرى قدر يغير حاجة فى البلد ..
انا كنت عامل موضوع من كام يوم عن الشعب التايوانى لما راح واحتل المطار وغير اللى هو عايزه وعزلوا الفاسدين عن الحكم ...
يبقي احنا نستاهل احسن معاملة ليه بقي ..!!!
المواطن المصرى ارخص مواطن فى الكرة الارضية ...
ملوش لازمة لو ملوش ضهر ..
ملوش اهمية لو من غير واسطة ..
ملوش هيبة لو معندوش مال يحميه ..
الانتخابات اللى فاتت انا عايز اعرف ازاى تمت !!
لما انا وانتى وهو وهما منتخبناش عمنا ده يبقي نجح ازاى !!!
نبقي نستاهل اسوا معاملة ولا لا على سكوتنا ده ...!

انا عارفه ان كلامك مليون بالميه صح ومش عارفه احنا ليه خايفين اوى كده ومرعوبين من مواجهه السلطه بالفاسده اللى بتعمله
وبالعيشه الهباب اللى مخليه 45% من الشعب المصرى عايش فيها
و55% الباقين بياكلوا فى بعض عشان كل واحد يكبرويكبر ويكبر نفوذ وسلطه ومال

وتصدق اقولك حاجه والله لما تابعت الانقلابات والاضرابات اللى حصلت فى اليونان ضدد الشرطه وان الحكومه باكملها مش قادره تسيطر على غضب الناس

واللى خلانى سورى بجد احس اننا نستحق الحرق بجاز
لما وزير الداخليه اليونانى قدم استقالته من الوزاره طواعيا منه لمجرد حدوث خطاء من احد ظباطه

طب فين حبيب الكل من الكلام ده مفيش احساس خالص ولا دم خلاص مبلطين مبلطين حالفين وعقدين العزم على خراب لحد اخر نفس فيهم

ربنا ياخدهم كلهم

بمناسبه الانتخابات فكرتنى ليه بس ده انا بقى لى سنين بحاول انسى الديمقراطيه والانتخابات النزيهه

انا طبعا وعائلتى باكملها محدش عبر الباشا بصوت واحد فى الانتخابات
وقولنا عملنا اللى علينا ولاد خالتى يا حرام موظفين حكومه ومنهم قطاع خاص يا حرام المدير بتاعهم قالهم كده بالصوت العالى اللى مش هيكتب اسم الريس فى بطاقه الترشيح هيترفد ويقعد فى بيتهم
وعملوا لهم بطاقات انتخابيه باسماء كل الموظفين وخلوهم كتبوا صوتهم للريس وكل واحد قبض فى ايده خمسسسسسسسسسسون جنيه مصرى فقط لا غير

اشتررونا وباعونا ليهم

**دموع الثلج** · 22-12-2008 12:24 PM

المشاركة الأصلية كتبت بواسطة MoToRiZeR

مفيش حاجة .. حااااااااااااااااااجة واحدة .. أقسم بالله ولا حااااااجة واحدة .. أصبحت بحبها في البلد دي .

و محدش ونبي يقولي الوطنية و الإنتماء و الكلام اللي بنغني بيه علي بعض .. انا مش المطلوب مني أقعد أطبل للزفت و القطران اللي عايشين فيه ده .

ههههههههه يا عينى يا محمود ده انت شايل ومعبى جامد اووووووى
اول مره احس انك مخنوق بجد ومش عارف تتكلم عشان الرقابه :k40:

youssef_00 لا حول ولا قوة الا بالله
الحكومة عندنا بتنزع الوطنية من قلوبنا بس على مين مهما عملو مهما سوو مش هنسيب مصر
اخوكم يوسف

فكرتنى بماده التربيه الوطنيه اللى كنا بناخدها زمان فى المدارس والحمد لله الوزاره شالتها من التعليم عشان طلع كلام هجص ومبقاش فيه تانى احمد عرابى ولا سعد زغلول ولا عبد الناصر ولا غيرهم

enas75 الحمدلله كلامكم يسد النفس كلكم شتمتم البلد وكل اللي فيها ونسيتو نفسكم انتم حاجة جميلة في البلد دي واهلكم واصحابكم تستاهل انها تتحب علشانها وعلشان اللي زيكم معني ان احنا في فترة فيها الحرامية والفاسدين ظاهرين مش معناها انها كلها كدة .....انا زيكم كل يوم يتحرق دمي 100 مرة بس ارجع واقول ماهو انا معملتش حاجة شايفة الغلط وساكتة وبقول وانا مالي يحقلي اشتم مصر يوم مااعمل حاجة بجد صح والاقي الكل بيعملها ومتجبيش نتيجة ....بس مش اسيب واحد يدافع ضد الظلم والفساد واكتفي اني اقول ربنا يعينة واقفل التلفزيون وانام واصحي تاني يوم العن في كل حاجة حوليا واشتم الناس اللي هما في الاصل انا وانتم

انا عن نفسى حزينه جدا لان اهلى عايشين فى البلد وياريتهم كانوا عاشوا فى اى حته ثانيه على الاقل لو اتبهدلنا ننعى حظنا ونقووووووول بهدلتنا الغربه
لكن البهدله الحقيقه انك تعيشى كل الالم واحزان ومهانه وذل الغربه وانتى فى بلدك

ولو بتسالى احنا عملنا ايه هقولك البلد دى فيها رجاله بس مش عارفه هما تقريبا راحو ا مشوار وراجعين بعد 100 سنه او مش هيرجعوا تانى كله خايف وكله بيقول ياعم طنش كبر خلى بالك من عيالك وامشى جمب الحيط
لحد ما الحيط اهوه بيوقع فوق نافوخنا وبنموت تحت الحيط ولا حد بيسمع عنا

**Terrible_DaRsH** · 22-12-2008 02:29 PM

انا بيعجبنى عادل امام فى حاجة واحدة بس ...
انه بيقول رايه بصراحة ومبيخافش ...
عجبنى اوى المشهد فى فيلم مرجان لما كان بيتكلم عن الحكومة والشعب والناس الغلابة ...
وعجبنى اكتر فى فيلم عمارة يعقوبيان لما كان بيقول البلد دى مش محتاجة مهندسين دى محتاجة صيع ...

**Ahmed Samy** · 22-12-2008 11:20 PM

المشاركة الأصلية كتبت بواسطة zobaaa

استراليا هي الحل لو معاك 100000 جند هتتجوز بيهم هاجر استراليا وعيش واشتغل واتجوز وخد جنسيه كل ده ف 3 سنين

بعد ال 3 سنين تعالى عيش وطنيتك زي مانتا عايز واللي يكلمك طلعلوا الباسبور نياهاهاهاهاهاها

هو ده اللي باقوله للناس و ماحدش مقتنع

الله ينور يا ابو حميد

الموضوع: اغـــــــار منــهم **** واكـــرهك يا مصــر

LinkBack

أدوات الموضوع

عرض

-

-

-

-

-

-

-

المواضيع المتشابهه

أخبار جديده عن وكالة ميتسيوبيشي في مصــر

عـز العــرب تـوكيـل :: فـولفـو :: الجديـد فى مصــر

شوفت النهــادرة الـ Vel Satis فى مصــر

الكلمات الدلالية لهذا الموضوع

المفضلات

المفضلات

ضوابط المشاركة