زوجة طهقانة

**kh_talaat** · 24-12-2008 12:52 PM

اعتقد ان الحل السحري للحياة السعيدة بين الزوجين هي انهم يبقوا أصدقاء يعني يتعاملوا مع بعض على أنهم اصحاب ، وساعتها اي مشاكل بينهم هيبقى حلها سهل و الراجل عمره ما هيفكر يبص بره

**M.Mokhtar** · 24-12-2008 12:55 PM

المشاركة الأصلية كتبت بواسطة haneena

معلش اسمحلى فيه رجالة لو اتجوزوا قمر اربعتاشر برده بيلعبوا بديلهم دى حاجة بتبقى فى دمهم انت ماشوفتش فيلم سهر الليالى ولا ايه

على فكره فعلا الجمال مش كل حاجة
فى بنات كتير حلوه بس تتعاملى معاها تلاقيها فاضيه خالص
مفيش افكار مفيش حوار مفيش ثقافه مفيش وعى باى حاجة
حتى اهتمامها بحبيها بيبقى زى اهتمامها بالقطه بتاعتها بالظبط

البنت المفروض تبقى متجدده ومتغيره وذكيه عشان تخلى جوزها ديما مهتم بيها

وعلى فكره فعلا اغلب الرجاله عنيها زايغه بس ده مش معناه انه بيخون مراته
هو بس يمكن بيحب يتعامل معاهم مش اكتر
الموضوع مش بيوصل لدرجه علاقة بين الطرفين
ده مجرد بيبص نظره عابره - بيعاكس بكلمتين حلوين - شايف نفسه شويتين ومفكر ان كل البنات بتحبه
لكن فى الاخر مش بيحب غير مراته ومش عايز غيرها

راجل بيقدر الجمال يعمل ايه فى نفسه يعنى :k48:

**haneena** · 24-12-2008 02:19 PM

المشاركة الأصلية كتبت بواسطة kh_talaat

اعتقد ان الحل السحري للحياة السعيدة بين الزوجين هي انهم يبقوا أصدقاء يعني يتعاملوا مع بعض على أنهم اصحاب ، وساعتها اي مشاكل بينهم هيبقى حلها سهل و الراجل عمره ما هيفكر يبص بره

الله ينور عليك هو ده الكلام

**haneena** · 24-12-2008 02:33 PM

المشاركة الأصلية كتبت بواسطة ziabassem

حنان هانم .. طبعاً فيه رجالة بالطبع ده مفيش أدنى شك .. ولكن بنسبة صغيرة جداً (على فكرة ليا واحد صاحبي كده ودايماً بنصحه كتير)..يعني مش النسبة الغالبة .. وزي ما قلت نسبة زوغان العين بتفرق .

وكمان برضة زي ما في رجالة كده .. فيه ستات كده .. مش كده ولا ايه

وبعدين أنا مشفتش فيلم سهر الليالي .. أنا شفت فيلم مدرسة الحياه (الدنيا يعني)

ايوه طبعا انا ماقلتش كلهم انا عارفة انهم نسبة صغيرة بس كنت اقصد ان مش دايما بتبقى الست سبب يخليه يعمل كده
واكيد طبعا فيه ستات برده وحشين

**khalid_adel** · 24-12-2008 02:56 PM

يااااااه موضوع لذيذ قوي ومسلي
بس الحمد لله مش عملي عندي انا بحب اشوف الحاجات دي عشان اقول الحمد لله اني في نعمه كبيره من عند ربنا
بس ده تقريبا نوع من عدم الرضا او عدم الحوار مع الطرف الاخر لان مفيش حاجه تخلي الراجل يعمل كده غير لو مش راضي عن مراته او العكس
وبجد الجمال جمال الروح
ولازم الرجاله تعرف ان العين بالعين حتى لو غصب عنه فياريت الرجاله متزوغش كده عشان ده نوع من انواع الخيانه واكيد مش حيثق في نفسه ولا في مراته وكمان عشان ميشربش من نفس الكاس
ربنا يهدينا اجمعين

**WalidAdel** · 24-12-2008 02:58 PM

والله برافوا عليها انها عملت كده معاه لو واحده تانيه كانت بهدلته في النادي و فرجت عليه اللي يسوا و اللي مايسواش و كانت طلبت الطلاق في اخر الخناقه ولو كان رفض كان اتخلع بكره الصبح
بس كويس عاقله اوي والله
اما نشوف الحلقه اللي جايه فيها ايه

**haneena** · 24-12-2008 04:34 PM

المشاركة الأصلية كتبت بواسطة ezaby

ملهاش حق تعمل معاه كده
الراجل له أربعه وده حقه الشرعي
وانا شخصيا مش هسيب حقي

هههههههههههههه كلكو بتقولوا كده ولما بتعملوها تانى بتحرموا على طول

**haneena** · 24-12-2008 04:34 PM

المشاركة الأصلية كتبت بواسطة walidadel

والله برافوا عليها انها عملت كده معاه لو واحده تانيه كانت بهدلته في النادي و فرجت عليه اللي يسوا و اللي مايسواش و كانت طلبت الطلاق في اخر الخناقه ولو كان رفض كان اتخلع بكره الصبح
بس كويس عاقله اوي والله
اما نشوف الحلقه اللي جايه فيها ايه

مش بذمتك يستاهل يتفكك حتى مش يتخلع بس

-

الموضوع: زوجة طهقانة

LinkBack

أدوات الموضوع

عرض

-

-

-

-

-

-

-

المواضيع المتشابهه

ما معايير اختيار زوجة

البحث عن ابره في كوم قش(زوجة)

إزاي نختار زوجة و أم صالحة ؟

أي زوجة تختار !!!‏

مواصفات زوجة 2009

الكلمات الدلالية لهذا الموضوع

المفضلات

المفضلات

ضوابط المشاركة