الموضوع: مين اللى غلطان؟؟؟

يا باشمهندس بسام انت بتجادل المنتدى كله فى ايه بالظبط ؟؟

اولا اللى انت بتعمله دا غلط جدا جدا جدا و بيعرضك و بيعرض الناس و عربياتهم للخطر و ملوش اى داعى من الاساس وواضح انك حاطط قواعد فى دماغك للشد و بتنفذها مع صحابك و مفكر ان هو دا الشد او هو دا اخرة السواقة يعنى انت كدا جبت اخرها طيب لو انت سواق بجد و عفريت زى ما بتقول امشى بسرعة 120 فى اى ملف و اضرب فرامل جامد العربية هتعوم منك لو عرفت ترجعها فى مسارها المظبوط تبقى سواق مش حكاية اللى يغرز ياخد نقطة و الكلام دا و الاخ M مختار رد عليك رد كافى شافى فى موضوع الغرز واضح انه حماس شباب و على فكرة رغم ان سنى من سنك او انا اكبر منك بشهور قليلة يعنى شاب زيك لكن عمرى عمرى ما اعرض حياة الناس او عربياتهم او اعرض نفسى او عربيتى للخطر لمجرد انى عاوز اثبت انى احسن سواق فى مصر و الاسكندرية و الامة العربية و العالم و هلعب فى كاس العالم بتاع الشد

يا ريت يا جماعة تبطلو حكاية الشد دى

الموضوع إستغرق ستة صفحات من المنتدى دون جدوى
و لكنه
مجرد عند و تحدى و تعصب
و الموضوع سببه المرحلة العمرية للشباب
و كيفية حصولة على السيارة
بعد النضوج و شراء سياره من كد الإنسان و تعبه
و تحمله مسئوليات عمل و أسره ستختلف التصرفات قطعا

السلام عليكم جميعا

بالنسبه للاخ m مختار

احب اهنئ حضرتك
اخدت 1 ونص من 6

انا مرديتش على الاسئله عشان حضرتك تقيمنى كان نفسى و الله بس ميهمنيش اوى انا جاوبت بالى انا بعمله و للاسف شكل كل اللى انا شديت معاهم كانوا زى و هما كتير على فكره لانهم كانوا بيفهموا انا حعمل ايه.

اعقتد دى غلطه كيبورد مش اكتر
ولا ايه يا كبيييير؟؟؟

هى مش غلطه كيبورد بس انت فهمتنى غلط انا كان قصدى ام الهمزه بتاعه (الالف من تحت) يعنى m و اسف عشان موضحتش بس هى المفروض مفهومه علشان كلنا هنا ناس محترمه.

لو مش غلطة كيبورد ابعتلى رقمك على الخاص عشان نتفاهم
اصل فى المنتدى بنات وناس لسه صغيره مش عايزين نجرح احاسيسهم

يا ريت الاسلوب يبقى احسن من كده شويه.

غرزة مقفوله يعنى بتاخدها شمال مثلا من عربيه واقفه قدامك وعلى الشمال فى عربيه تانيه قدامك بس لازم تفرمل وتمشى وراها بالراحه
هو هيشوفك بتاخد غرزة شمال هياخد معاك يلاقيك بتفرمل على الشمال يروح لابس فيك

مفيش معنى انى اخد غرزه ادام كده كده حقف انا عن نفسى مبعملهاش لو ليك رأى تانى كل واحد حر فى رأيه.

بس ما انصحكش انك تغير الحاره وانت بتدوس فرامل جامد عشان احنا عايزينك:k48:
ما تنساش انك راكب اوبترا

و الله الاوبترا احسن من عربيات كتير و انا اللى اعرفه ان العربيه بالى سايقها مش بمركتها.

شكلك مصرى
حلو الشد اللى ممكن يكون على سرعه 200 كم/س وسايق بايد وحده ده لا وكمان التانيه بطلعها بره
شكلك الشد بتاعك بيبقى على سرعات قليله الى حد ما
بس انا بتكلم فى الشد عموما مش الشد بتاع حضرتك

بالنسبه لجنسيه حضرتك علشان بس مأخدتش بالى؟؟؟

انا مبشدش على 200كم/س اساسا علشان العمر مش بعزقه و رحم الله امرئ عرف قدر نفسه.
و فعلا الشد بتاعى بيبقى على سرعات قليله اخرها 100 -120 كم/س علشان انا بشد جوه البلد بس و الطريق مش بتاعى لوحدى زى ما قال الاخوه الاعضاء.
و مكنتش اعرف انه فى شد بسام و شد محمد و شد حسين و الله اعلم منكم نستفيد.

بس صدقنى اى حد ممكن يلبس اللى وراه بسهوله جدا خصوصا لو كانوا بيشدوا
يبقى ازاى مش مسؤليتك
بالعكس انت اللى عارف الطريق ولازم تنبه اللى بيشدك معاك
ده لو انت مش عاوز تموته يعنى
بس شكلك غاوى خسائر

لو غشيم مفيش اسهل من كده و انا على فكره مش غاوى خسائر.

ههههههههههههههه
لا بلاش
لو بالاجابات بتاعتك دى انا افضل ما اتعلمش احسن

انت حر انت اللى خسران.

اتعلم انت من الموضوع ده
http://www.nilemotors.net/Nile/showt...p?t=633&page=9

و الله مع احترامى ليك و للى كاتب الموضوع الموضوع مفيهوش حاجه جديده و فيه حاجات انا شايف انها غلط و مفيش سؤال من اللى حضرتك سألته موجود فيه.

فعلا واضح انك عارف وفاهم
ربنا يباركلك

و يباركلك و يسلملك طريقك :)

اتشرف بسعادتك فى اى وقت واى مكان
بس ياريت من غير شد عشان انا مش مستغنى عن روحى ولا عربيتى

احنا اللى لينا الشرف و متخفش لو اتقابلنا و شدينا لو كنت فاهم مش حتحصل الكليو و الفيرنا ;)

ليه بس يا باشا
انا بقولك تعالى واحنا نرويك فى القاهره الشد الصح

مبحبش امشى فيها بعربيتى من اللى بسمعوا عنها من اهلها مش من حد غريب.

بس من غير ما نلبس حضرتك فى حاجة عشان احنا بخاف على الزائرين

و احنا و الله بس المشكله فى الزائرين.

فرصه سعيده يا بسام

احنا اسعد.

على فكره اسم جميل جدا انا بحب الاسم ده

اتفضل حضرتك ميغلاش عليك.

انا ان شاء الله مسافر دلوقت
يعنى مش هقدر ارد على حضرتك الا الاسبوع الجاى

ربنا يسلملك طريقك و يرجعك بالسلامه بس متبقاش تشد على الطرق السريعه خطرررررر.

ربنا يستر طريقنا كلنا واوصل بالسلامه احسن هيبقى منظرى وحش اوى لو لبست فى حد بعد الكلام ده كله

ليه يعنى يا باشمهندس الكلام مفيهوش اى حاجه دى وجهات نظر و الاختلاف فى الرأى لا يفسد للود قضيه.
و السلام عليكم.

للآسف كل الردود الخاصة بالأستاذ باسم بتبين شئ وحيد

إن فعلا مصر خلاص ماتت من زمان و مفيهاش فايدة

يا سيدي الفاضل أنت لو في بلد غير مصر
آسف على الكلام اللي هاقوله

كان زمان حضرتك في السجن لطريقة السواقة بتاعتك دي
و كان برضه مش هايطلعلك رخصة نهائي
مفيش حاجة أسمها أنت حر ما لم تضر
في حاجة أسمها قانون
و للآسف بما أن القانون في مصر غائب
فأنت أفتكرت أن كل واحد لازم يبقى له قانون يمشي عليه
يعني أيه غرز و اللي يعمل غرزة يأخد نقطة
غرزة معناها تخطي خاطئ و في البلاد المحترمة اللي فيها قانون مرور .غرزة = فقدان للرخصة نهائي = سجن
عارف ليه سجن ؟؟؟؟؟؟
علشان وضع حياة الأخرين في خطر

هاديك مثال مثلا للسرعات القصوى في البلاد اللي فيها قانون زي أنجلترا مثلا
داخل المدن من 40 إلى 60 كم حسب اتساع الطريق
و السرعة مش السواق اللي بيحددها ............ الحكومة هي اللي بتحددها

على الطرق الخصة بربط المدن زي الطريق الدائري في القاهرة بتكون السرعة القصوى 80 كم - س

على طرق السفر المفتوحة ( بدون أي تقاطعات )

السرعة القصوى هي 120 كم - س
و معلش أصل أغلب الناس في مصر بتطلع الرخصة بالكوسة
فطبيعي أن أغلبنا نحن المصريين نكون جهلة و مش فاهمين حاجة في قوانين المرور و قوانين و أساليب السلامة و الأمان

أرجوا أن كلامي ميزعلش حضرتك و لكن ستستوعب هذا الكلام إذا أصابك مكروه لا قدر الله بسبب طريقة سواقتك

اولا ده لو فى بلد تانيه و على فكره اى بلد تانيه بتبقى الحارات فيها متقسمه سرعات يعنى مش حتلاقى واحد جى من شمالك طاير و يطيرلك معاه رفرف و فانوس مثلا.

ثانيا مع كامل احترامى لحضرتك حضرتك مشوفتنيش بسوق عشان تحكم على طريقه سواقتى.

و على فكره انا مطلعتش الرخصه كوسه انا فاكر ان انا امتحنت امتحانين واحد كمبيوتر و واحدد حرف اس.

ثالثا انا بقالى بسوق بنفس الطريقه 9 سنين دلوقتى و الحمد لله ولا خدشت اى عربيه ركبتها ولا حتى ريحت على عربيه ورايا و هما الحادثتين الىى حصلوا فى التسع سنين دول هما اللى انا كاتبهم هنا و معتقدش انهم كانوا ذنبى و الله اعلم
و متشكر لحضرتك على الرد و ربنا يسلمنا جميعا

الاخ عزت فوكس

مغروووور و مستفز
بس المهندس/ محمد مختار ادالة القاضية فى الغرزة الفاضية:b4_237:

و الله يا باشا انا لا مغرور ولا قصدى استفز حد انا بس ماشى بمبدأ المعامله بالمثل يعنى اللى بيقول رأيه حتى لو رأيه ده مناقض بس بطريقه مهذبه و محترمه و كويسه على عينى و على راسى و يطلب عنيا اديهاله عن طيب خاطر و اللى يقول رأيه حتى لو كان معايا بس بطريقة .... لازم يترد عليه الرد اللى يناسبه و بدون غلط و بدون اى الفاظ ملهاش لازمه او اى الفاظ متحوره يعنى الرد بيكون على قد الكلام مش اكتر و انا معتقدش ان حد ادانى القاضيه انا بس كنت بودى والدى المستشفى ادعيله ربنا يشفيه و اول ما جيت رديت.