مطلوب تقييم الدايهاتسو ماتيريا

**Sharky** · 02-05-2007 11:07 PM

السلام عليكم

مش عارف يا جماعة أنا لحد دلوقتى مش أقادر أقتنع بشكلها الخارجى نهائى رغم إقتناعى بجودة منتجات دايهاتسو و الخدمة المتميزة لدى الوكيل .
الشكل يا جماعة بيفرق برضه فى السيارة .

**memo_hefnawy** · 02-05-2007 11:20 PM

هى من غير كلام إمكانيات و قيمه مقابل السعر مقارنة بالسوق و خدمة ما بعد البيع ..... مش ينفع تتقارن

لكن لو مش حابب شكلها أنصحك تشوف حاجة غيرها و لتكن التريوس أو الصنى أو الواجا ...طبعا هانرجع لطلباتك و ظروفك

ممكن تسرد إنت محتاج إيه بالظبط و إن شاء الله الكل هايساعدك بس تقول طلبك بالتفصيل يعنى :

لأسرة ولا ليك لوحدك ..... هاتبيع خلال قد إيه ..... يهمك الحجم .... تفاصيل يعنى

**3mr Farrag** · 03-05-2007 11:23 AM

لما نزلت الناس اعدت تقول شكلها عاملها ذي عربيات نقل الموتي....بس بجد شكلها في الصوره غير علي الطبيعه تماما....تعتبر تحفه علي مواصفاتها...100 %عائليه....بصراحه شكلها صايعه :D ....شكلها عامله ذي نظام
ال pt cruiser و شكلها فخمه....و كفايه انها ياباني 100% و 1500 cc ....رأيي اللي عايز حاجه عائليه بجد يجبها......

**Migo123** · 03-05-2007 11:39 AM

شكرا ميمو لاهتمامك
العربيه طبعا لاسره... و مهم قوي انها تكون واسعه من جوه لاني بحب اسافر كتير بالعربيه مع الاسره .... واهم حاجه يكون التسارع بتاعها كويس جوه البلد لان هو ده السبب الرئيسي لتغيير عربيتي الحاليه اللي مفيها مشكله غير كده (خانقاني)..... ها ابيع خلال قد ايه دي بقه الله أعلم بس انا عموما بزهق بسرعه وبحب أغير بس ده يعتمد على حاجات تانيه كتير غير الزهق (انت اكيد فاهم ) .... كمان الاستابلتي مهم جدا لاني احيانا بأسخن واجري على الطرق السريعه ....
الماتيريا عاجبني شكلها جدا -- الشنطه بس انا حاسس انها ضيقه شويه و عدم تجربتها مخليني قلقان شويه
الواجا --- انا شايف انها مش وحشه بس بصراحه مش حابب شكلها هي من جوه جميله جدا بس من بره مش جايه داخلهع دماغي.
التريوس --- غاليه
الجين تو --- جميله بس مش واسعه
اللانسر --- من ضمن الاختيارات المطروحه(خليجي) بس انا مش بحبها.... خصوصا اني مش عايز اتوماتيك والمانيوال الكلاسيك فيها اوبشن كتير ناقصه وانا ما احبش كده.
الماتريكس ---- حلوه بس خايف من التوكيل بصراحه. وموضوع انها بقت عربيه حريمي (في الاغلب) مضياقني برضه

شكل كده في الاخر ها ادور على BMW 316 موديل 92 - 95 أيه رأيك
او سوزوكي فيتارا 2000 مثلا

ماذا تفعل لو كنت مكاني............................
ماذا تفعل لو كنت مكاني ...

**PAYOO** · 03-05-2007 11:50 AM

اغرب تشبيه شوفته على العربيه غريبة الشكل دي كان من صديق أبن بلد شويه ولسانه زالف قاللي أنت عارف يا بايوو العربيه دي شكلها عامل زي ايه ؟
قلت له :- عامله زي عربية الحانوتي
قاللي :- لا دي عامله زي !!!!!!!! ههههههههههههههههه

تم حذف الجملة لردود بعض الأعضاء عليها وحتى لا يتم فتح كلام خارج نطاق الأدب العام
ابو عبدالله مشرف المنتدى

**Migo123** · 03-05-2007 11:57 AM

انت عارف المشكله في اللي يشتري العربيه دي انه لازم يستحمل الناس اللي لسانها زالف زي صاحبك كده ............
انا بقه ليه واحد صاحبي برضه لسانه زالف كل ما يشوف واحد راكبها يفتح الشباك ويطلع راسه ويبص للراجل ويقولو بعلو صوته وحدووووووووووووووووووه .... دنيا فانيا والزمن كباس...

**fahd_628** · 06-05-2007 01:27 AM

شكرا يا باشا على الموضوع الجميل

**PAYOO** · 11-05-2007 02:17 AM

سؤال للصديق العزيز مشرف ساحة دايهاتسو

هل كلمة السيده المطلقه أو (الست المتطلقه "بالعاميه") كلمه خارجه عن الاداب العامه ؟؟؟

سؤال أريد الأجابه عليه من فضلك

وإن تكرمت هل أستطيع أن استخدم كلمة السيده الأرمله ؟ أم انها خارج الأداب العامه كذلك؟؟؟

أم ان الموضوع طالما به أنثى أصبح عيب وحرام ؟؟؟

أرجو الرد

**أبو عبدالله** · 11-05-2007 02:28 AM

كل ما في الأمر ان الكلمة ولا هيا عيب ولا حرام ولكن في سياق الكلام المكتوب كان واضح انها يترمي الى معنى آخر اكيد غير مقصود ولكن ده أدى الى ان احد الأعضاء كتب تعليق لا يليق بالمنتدى
ولذلك حذفت الكلمه لأنها موضوعه في سياق يفهم منه كذا معنى ........
ولكن كان اول رد على الكلمة بالغلط

**PAYOO** · 11-05-2007 02:39 AM

المشاركة الأصلية كتبت بواسطة أبو عبدالله

كل ما في الأمر ان الكلمة ولا هيا عيب ولا حرام ولكن في سياق الكلام المكتوب كان واضح انها يترمي الى معنى آخر اكيد غير مقصود ولكن ده أدى الى ان احد الأعضاء كتب تعليق لا يليق بالمنتدى
ولذلك حذفت الكلمه لأنها موضوعه في سياق يفهم منه كذا معنى ........
ولكن كان اول رد على الكلمة بالغلط

يا صديقي يبقى كان المفروض تحذف الرد إللي فيه غلط مش الكلام إللي أنا كتبته

وكمان كان لازم تنوه عن المحذوفات في الساحه الخاصه بالمحذوفات بساحة المشرفين

وايضا أرى أنه لا يوجد أثر للردود التي بها فهم خطأ لمصطلح السيده المطلقه فمن المعروف أن السيده المطلقه تكون سيده كئيبه وحالها تعيس لما أحل بها من موقف صعب وهو الطلاق إذا السياره من وجهة نظر صديقي صاحب المصطلح يرى أن السياره كئيبه وتعيسه المنظر مثل السيده المطلقه على حد تعبيره

الموضوع: مطلوب تقييم الدايهاتسو ماتيريا

LinkBack

أدوات الموضوع

عرض

-

-

-

-

المواضيع المتشابهه

مطلوب تقييم للسونيك

مطلوب ماتيريا

مطلوب مساعدة عاجلة بخصوص ماتيريا 2008 من مادو و الاخوة

مطلوب تقييم C4 ضرورى

مقارنة بين الكيا نيو سيراتو 2009 sx ولا الدايهاتسو ماتيريا 2009 اوتوماتيك كاملة

الكلمات الدلالية لهذا الموضوع

المفضلات

المفضلات

ضوابط المشاركة