الموضوع: سؤال : بتستخدم مياه عاديه ولا ملونة للردياتير

احب اضيف بعض النقاط على الموضوع:

فزيائيا المياه الصافية هى افضل مادة تبريد على الاطلاق

الالوان فى سوائل التبريد لتسهيل التفرقة بين السوائل و فى بعض الاحيان الالوان تختلف و المكونات متطابقة (مياه تبريد موبيل الخضراء و الحمراء)

السيارات الحديتة تعتمد على رادياتيرات اساسها معدن الكادميوم و هو يتاثر بسهولة بالصداء و الاملاح الذائبة فى المياه

وش سلندر السيارة مصنوع من سبائك اساسها الالومينوم و ليس الحديد... البلوك هو اللى مصنوع من الحديد و دة هو السبب ان لما بتضيف مياه باردة على عربية مش دايرة الوش بيقفع لان بيحصل انكماش فى الوش و البلوك نتيجة المياة الباردة لكن نسبة الانكماش بتبقى مختلفة بين المعدنين و دة يؤدى الى ظاهرة القفيع

من المعلومات السابقة يتضح ان مينفعش نستعمل ميه حنفية لان فيها املاح ولا ميه مقطرة لانها حتسبب صداء بالرغم من انها اكفاء مبرد و كمان مينفعش تجيب اضافات التبريد و تحطها على ميه حنفية فيها طن املاح... يبقى الحل تستعمل مياه تبريد باقل نسبة اثيلين جلايكول لان فى مصر مش حيفرق معانا تجمد الميه قد ما تفرق معانا كفائة التبريد.

مياه موبيل غالية جدا ب50 جنية تقريبا و 4 لتر فقط و نسبة التركيز فيها 33%... انا بستعمل مياه اسمها IADA من محطة التعاون و دى 5 لتر و تركيز 5% و ب 32 جنية و طبعا بغير الميه حسب المنصوص علية فى كتيب الصيانة

طبعا اى حد يحاول يضيف ميه تبريد لعربيتة و هى سخنة لازم يكون مدورها و يكون حريص مووووووووووووت و هو بيقتح الرادياتير او القرية

MMamdouh

انا جربت المياه السعودى و هى كويسة بس العبوة واح جالون يعنى 3.75 لتر... حتضطر تزود ميه من الحنفية برضة

MMamdouh