سؤال : بتستخدم مياه عاديه ولا ملونة للردياتير

**AutoWorks** · 26-07-2008 03:21 AM

لو عاوزين نصيحة الخبير.أرجو القراءة...

معظم مية الرديتر الرخيصة و غالباً لونها أخضر أو أحمر،تحتوي على مادة الجلايكول،و ممكن أي حد يتأكد بقراءة مكونات المية على القزازة.الجلايكول دا مفيد في رفع درجة حرارة غليان الماء و كذلك خفض درجة تجمد الماء.يعني مفيد بشكل عام في المناطق الباردة.

المشكلة في الجلايكول ايه؟لما بتسخن المية قوي،الجلايكول بيتجمد و بيتحول لمادة قاسية زي السيليكون أو ورق الشجر...المشكلة انه العملية دي بتسد شبك الرديتر على المدى الطويل.

استفادة رقم(1) ابعد عن المية اللي فيها مشتقات الجلايكول.

المية المقطرة،أو مية الرديتر الغالية الشفافة اللون و معدومة الرائحة. دي مفيدة جدا لسببين:
-الماء الصافي هو أفضل و اسرع سائل ناقل للحرارة على وجه الأرض.
-عدم وجود الشوائب يضمن عدم سد انابيب الرديتر ابدا باملاح او مكونات الجلايكول.

في نفس الوقت،الماء المقطر له عيوب منها:
-عدم احتواء الماء المقطر الصافي على زيوت يقصر عمر طرمبة المية داخل الموتور.
-الماء المقطر يتم تقطيره عن طريق التحليل الكهربائي،و ده بيعمل عملية تأيين لجزيئات المية،يعني تغيير في خواص جزيئات المية.التأيين دا بيسبب تحليل للحديد و الألومنيوم اللي مصنوع منه الموتو و الرديتر.يعني بيعمل خروم و فتحات و يفك اللحام على المدى الطويل.

استفادة رقم (2) ابعد عن المية المقطرة.

طيب نعمل ايه؟

فيه مادة أمريكية اثبتت نجاحها،اسمها WaterWetter.المادة دي تضاف على المياه المقطرة (اللي هي في النقط 2) و دور المادة دي انها تلغي و تعالج جميع عيوب الماء المقطر.

و للمزيد من المعلومات:
http://www.redlineoil.com/products_coolant.asp

**AutoWorks** · 27-07-2008 01:36 AM

http://www.auto-works.cc/damailingli...chive.asp?Id=2

**mohamed ibiza** · 09-09-2008 05:26 AM

الابيزا بحطلها ميه عادية ال280 بحطلها ميه خضرا الماني ب 30 جنيه الازازة صنعت خصيصا عشان العربيات دي

**Nour_Peugeot** · 22-09-2008 09:11 AM

انا حصلت معايا حوار المياه في البيجو و بسببه جبت رادياتير جديد علشان القديم اتاكل

و رحت جبت جركن4 لتر مرطز و حطيت منه 2 لتر و كملت الباقي مياه و ده ثمنه 75 جينة

ولحظت بعد كده ان العربية مبقتش تسخن زي الاول و بقيت بزود مياه بسيطة كل 3 او 4 ايام الهو الطبيعي يعني

و المياه الخضراء ي لما تلمسه كده تحث ان فيها نسبت لزوجة

المهم يعني الجركن ال انا جبته ده كويس و لسه فاضل معايا لتر علشان من فتره لقيت اللزوجة قالت فا فضيت لتر و زودت باله المياه الخضراء دي

و ربنا يكفينا شر المياه و الكلور الفيها هههههههههههه

**Samir Elshahawy** · 29-09-2008 11:08 AM

كل عام وانتم جميعا بخير

اجمعتم كلكم علي اختيلر المياه الملونة و هذا صحيح و لكن اود ان اعلق علي شئ واحد, و هو ان عدم استخدام مثل هذه المياه لايؤدي الي (تقفيع) وش السلندر و لكن يسبب تأكل بأجزاء من المحرك (بيتنج) او مواسير الردياتير و قد تتفاقم الي ثقوب

بالاضافة الي ان احتواء مياه الحنفية علي املاح و مع درجة حرارة التشغيل العالية لمياه التبريد , تترسب هذه الاملاح علي مواسير الريدياتير او حول الشمايز بالمحرك مكونة طبقة عازلة سميكة تقلل من كفاءة التبريد

وهذا علي حد معلوماتي المتواضعة و الله المستعان

**smsmdodo** · 02-10-2008 07:53 AM

سؤال عن المياه الحمرا ما هي مكوناتها وما فوائدها وهل هي أفضل ولا الخضراء ولا الزرقاء وذلك للسيارات الألماني مثل الأوبل علماً أنها معروفة بحرارتها المرتفعة...وشكرا على هذا المنتدي الرائع

**ahmedmaklad** · 02-10-2008 11:10 AM

انا برده لحد دلوقتي ما عرفتش ايه الفرق ما بين الانواع دي و ايه احسنهم انا سمعت عن الميه بتاعة كالتكس الحمرا انها احسن حاجة و بيحطوها في التوكيلات

**MOHAMED ABD EL SHAFY** · 02-10-2008 11:34 PM

الكل بيجى عند موضوع المياه الحمراء اللى بتيجى مع العربيات الالمانى وبيقف وميعرفش يرد!!!!
من سنة تقريبا وانا نفسى اعرف المياه الحمراء دى ايع فرقها عن الاخضر والازرق

**MotorX** · 05-10-2008 06:55 PM

المشاركة الأصلية كتبت بواسطة MOHAMED ABD EL SHAFY

الكل بيجى عند موضوع المياه الحمراء اللى بتيجى مع العربيات الالمانى وبيقف وميعرفش يرد!!!!
من سنة تقريبا وانا نفسى اعرف المياه الحمراء دى ايع فرقها عن الاخضر والازرق

على فكرة لو دورت شوية في المنتدى هتلاقي كذا موضوع عن الفرق بين المياه الحمراء والخضراء ، وعموما وبإختصار المياه الحمراء في السيارات الالماني (مجموعة فولكسفاجن يرمز لها G12) تحتوي على أحماض عضوية معادلة OAT ، وده بديل عن المكونات التقليدية في المياه الخضراء وده بيبقى أحسن للمواتير ودورات التبريد الالومنيوم لمقاومة التآكل ومجموعة VolksWagen بتستعمل المياه الحمراء في سياراتها في جميع الموديلات بعد 1997 .

تحياتي.

**cooldjstuff** · 06-10-2008 04:33 AM

كل الردود على موضوع الميه كلها ممتازه و علميه جدا بس انا حابب انى اضيف اضافه صغيره ان احسن ميه ممكن تحطها لعربيتك هيا الميه الى بتنزل من التكييف عشان دى ميه مقطره بجد و انت على الاقل هتكون ضامنها انها مقطره فعلا و مش مغشوشه و ده غير انك مش هتدفع فيها اى حاجه ثانيا تضيف عليها علبه كولر ( مبرد ) و ده متوفر فى الاسواق و بحوالى 7 جنيه من التوفقيه و بالنسبه لعربيات القديمه ممكن قبل ما تغير الميه الى فيها تزودها بربع ازازه خل و تسيب العربيه دايره نص ساعه و بعدها تفضى دوره الميه عشان تضمن ان اى رواسب من الميه العاديه نزلت من جوا الماتور و بكده تبقى غيرت الميه على نضافه

مشاهدة نتائج الإستطلاع: بتستخدم مياه نوعها ايه فى ردياتير العربية

الموضوع: سؤال : بتستخدم مياه عاديه ولا ملونة للردياتير

LinkBack

أدوات الموضوع

عرض

-

-

-

-

المواضيع المتشابهه

كيفية تغير مياه الرادتير من مياه عاديه الى خضراء ؟؟

للبيع printer hp لطبع صور ملونة

زودت مياه عاديه في ردياتير الأفيو .. هل فيها مشكله ؟؟

هل يوجد أضرار من وضع مياه عاديه فى الريداتير ؟

سؤال حول المواد المضافه الي بتستخدم لتعمير الموتور

الكلمات الدلالية لهذا الموضوع

المفضلات

المفضلات

ضوابط المشاركة