سؤال : بتستخدم مياه عاديه ولا ملونة للردياتير

**bee** · 23-05-2008 12:40 PM

السلام عليكم

كلام جميل وكلام معقول مقدرش اقول حاجه عنه

بس ليا مداخلة

يا جماعة لاحظوا ان المياه الخضرا ممكن تكون غالية شوية
بس فوايدها تستاهل بتحافظ على البرودة المناسبة وتمنع الصدأ فبالتالي تحافظ على الريداتير ..

بس انا اعرف بردو ان الي عايز يحط مياه عادية ..

ممكن يحط المياه المقطرة الي نازلة من التكييف بتاع البيت ولا ايه ؟؟
لانها من غير أملاح ... :)
حد عنده معلومات عن الموضوع ده

تحياتي

**MEDO80** · 23-05-2008 12:53 PM

فية حاجة برضة بخصوص المياه الخضراء لازم تكون ماركة محترمة علشان الماركات المضروبة و الغير معروفة و الاي كلام بتكون مياه و عليها لون مش اكتر
ثانيا المياه الخصراء بيكوزن فيها ميزه تانية محدش ذكرها ان بيكون فيها نسبة لزوجة و لو خفيفة علشان تدي درجة تزييت معقولة لطرمبة المياه
المايه الخضراء ما تتغيرش كل سنة زي ما في ناس بتقول لان في دليل الهيونداي بيقولوا تبداء تغيرها بعد اول 100 الف كيلو

**MMamdouh** · 25-05-2008 12:00 PM

المشاركة الأصلية كتبت بواسطة bimmeraddict

لو سمحت يا جماعة هي مياة رادياتور iada نفس جودة mobil ولا أقل؟؟؟؟

الموضوع مش جودة... اصل فى الاخر هى ميه خضراء و ايثيلين جلايكول

جميع منتجات موبيل غالية بدون سبب وجية...
مياه موبيل ب 44 جنية لجركن 4 لتر تركيز 33%

مياه iada 25 جنية لجركن 5 لتر تركيز 5% و 10%

صحيح التكيز اقل فى iada بس فى جو مصر مش مشكلة لان عمر ما درجة الحرارة بتوصل لدرجة التجمد... و طبعا انتوا اعارفين ان المياه العزبة هى احسن سائل تبريد فا كل ما التكيز قل كل ما كفائة التربيد تعلى ووجود مادة الاثيلين جلايكول بيمنع تكون الصداء و بيعمل كمادة تزييد لطلمبة المياه

http://en.iada.es/productosDet.aspx?idc=74&id=8

MMamdouh

**zeyad1810** · 25-05-2008 12:32 PM

بستعمل مياة زرقا رابيدو

**waleed_home** · 26-05-2008 09:16 AM

طيب يا جماعة ايه رايكم فى المياة الخضراء بتاعت رابيدو 5 لتر ب 17 جنيه ؟

**ENG\AHMED** · 28-05-2008 12:14 PM

المشاركة الأصلية كتبت بواسطة wael abbass

بصراحة انا احترت جدا البعض يقول ان المياة الخضراء هامة جدا وكويسة وهي ال انا باستعملة وفي ونفس الوقت يوجد موضوع في نفس المنتدي عن مساوء المياة الخضراء وعن تجربة بعض الناس بوظتلهم الرداتير طيب نستعمل ابة بالظبط

انا صاحب الموضوع التانى :) لو قريتوا كويس دة مش مساوئ المية الخضرا دة مساوئ النصب اللى بيلون شوية مية علشان تبقى خضرا , بالعكس المية الخضرا لو مظبوطة احسن , المية العادية "اللى بنشربها :)" بيبقى فيها صدأ وشوائب وبلاوى

**wael abbass** · 28-05-2008 12:23 PM

طيب منين اعرف انا مش مغشوشة
انا اشتريت مياة خضراء من موبيل الي في شارع السودان 5 لتر ب 22 جنية مكتوب صنع في مصر بتصريح من شركة اسبانية طيب دية تبقي كويسة
مرة اخري اشتاريت مياة يرضة صنع في مصر بتصريح من شركة امريكية 4 لتر ب 28 جنية
يعني كلو صنع في مصر
في ميت نوع مياة خضراء