الموضوع: اتحاد مالكي الفيات اونو

طيب يا باشا كنت عايز اعرف اطلع منين كود الماكينه بتاعتى عشان اجيب معلوماتها الهورس باور و التوب سبيد و و التورك و كده يعنى ياريت تقولى على مكان الكود فين بالظبط
و شاكرين مهللين مهلهلين

المشاركة الأصلية كتبت بواسطة NFS7

المكنة دي في منها مكيف وفي منها عادي انا كنت سالت قبل كدة على نص الراجل قالي لو هتفضية كامل عدا الفولنيس والاكصدام بي 4000 جنيه
كنت هاخد الموتور بفتيسها باتياشها بعصايت الفتيس بالضفيرة بالكنترول بالبار الحديد بالمقصين بالمساعدين والطنابير والمجموعة الفرامل والكبالن والردياتير والسربنتينة والمراوح والتابلوة والعدادات والكنسول والكويل بتاع التكيف وخراطيمو يعني كنت هجبلو النص على الحديد بس للاسف لما جبت الميكانيكي لقينا المكنة خفيفة قمختهاش

لا الاستهلاك ده مش طبيعي الا في حالة من اتنين الاول زي مقالك le voleur انت بتحرق على النقلات.
التاني ودة الاغلب انك بتحسب المعدل ده جوا المدينة وده غلط وعمرو مهيديك نتايج صحيحة
عشان تحسب اسهلاكك صح اطلع طريق فاضي زي مصر السكندرية فول العربية كاملة وتطلع تمشي تثبت سرعتك على 100 من غير اي حرق ولا الكلام ده وبعد حوالي 100 كيلو تفول تاني تشوف العربية خدت كام لتر
العربية الاونو المضبوطة بتاخد كل 100 كيلو 6.5 لتر بنزين يعني المفروض تضرب المشوار اسكندرية كامل 200 كيلو بي 13 لتر تقريبا بدون تكيف بالتكيف بتزيد حوالي 3 لي 4 لتر
لكن جوا البلد ملهاش حسبة بترجع لزحام الطريق والسرعات وطريقة السواقة
يعني انا التفويلة احينا بنفس مشاويري اليومية تعد 7 ايام واحيانا متكملش 4 ايام
وعموما لو انت مقنع ان العربية بتسحب بنزين زيادة عن الطبيعي غير فلتر هواء وبنزين وبوجيهات غير كده مفيش سبب لزايدة استهلاك الا لو عندك حساس الشكمان او الهواء الي داخل الموتور مش مضبوطين ودول غالين لو لقتهم اصلا

هوا فعلا المعدل ده معظمه وسط المدينة لكن أحيانا بطلع على طرق سريعة زي الطريق الدائري وانا مش بحرق نهائي يمكن أنا بجيب التالت عند 20 و الرابع عند 40 و الخامس عند 70 ، وانا لسة مغير بوجيهات و فلتز بنزين بس مغيرتش فلتر الهوا ممكن أشوفه و اقولكم و تسلم للأستاذ NFS 7 . Le Voleur

ايوه فى لوحه المونيوم بس مش فاهم دورت على النت كتير و معرفتش احد المكينه من الكود اعرف طيب من انهى سايت انا شاكك فى الكود اللى هو 160a بس مش عارف اطلعو منين ده حتى ويديبديا مش لاقى عليها

انا دخلت على ويكيبديا فيات بس و لاقيت مكتوب فيها اكواد المواتير و الظاهر انى حفهم كده و اطلع الكود بس بردو قولى فين مكان كود اموتر على المتور انا مستنى ردك

طلع 1108 cc

nfs باشا انا سألتلك النهارده على الماكينه 1400 بص قالى انها موجوده عندو حتعمل بالجير بوكس و ضفيره الموتور فقط ( معرفش الفرق بينها و بين الضفيره العاديه ) 2400 ج و سألتو على التكييف قالى انا معنديش اى ماكنه بتكييف او تكييف لوحدو بتاع الاونو و لا حتى بستوردهم فى الاسكندريه فا لو انت تعرف بقى تسألى على التكييف تبقى باشا يا باشا و صحيح الموتور هاف انجكشن