الموضوع: اتحاد مالكي الفيات اونو

المشاركة الأصلية كتبت بواسطة NFS7

حضرتك انا اشتريتو مرتين ب 15
وفي عضو هنا عامل مشاركة فوق شوية whatzup برضو جابو ب 15 واحنا الاتنين بنقول انو محفور عليه made in italy
الي بيقلك عليه ب 50 ده اكيد بتاع حاجة تانية او اونو مروحتها سرعتين الي معندناش منها في مصر

على فكرة أن مش بشكك فى كلامك انا كنت حاسة ان الراجل اللى قاللى ب 50 حاجة من اتنين يا مش فاهمنى رغم انى وضحتلة يا كان عايز يضحك عليا والله اعلم
وانا سألت فى مكان تانى قاللى ب 15 فعلا

المشاركة الأصلية كتبت بواسطة NFS7

الي انا اعرفو عن الاونو اني لما كنت اجري العربيه حرارتها تنزل ومكنتش تعدي الربع طول ما انا على الطريق
اجي في زحمه اخرها تطلع قبل النصف بشرطتين ومتعدهمش
اشغل التكييف اخرها في الزحمة النصف ولما كانت تعدي النصف وتقرب من الربع الاخير ساعتها كنت بعرف ان جوان الوش الله يرحمو لان الخامات الي عندنا ضعيفة جدا وزبالة حتى الجوان الي مكتوب عليه ايطالي كان كده
بقالي فترة بقى لما امشي الحرارة توصل النصف اجري تعدي النصف فكيت الريدياتير سلكتو وغيرت ترموستات وضبطت تاكيهات وغيرت بوجيهات ونضفت كرباراتير وهيا زي مهيا
لحد ما اكتشفت ان الكاتينا ماخرة سنه واحده ضبطها العربية اتحسنت عن الاول مبقتش تسخن الا لما بجري جامد واخر حاجه بقى هعملها هغير علبة الشكمان عشان شكلها مكتومة وتقريبا الصافي بتاعتها فيها حاجه عشان بسمع منها شخلله

موضوع بقى تغير مروحه هيقبالك فيها مشاكل واكبرهم انك عشان تجيب مروحة اقوى لازم المروحة تكون اعرض والفرن بتاع الشكمان ورا المروحة فبكدة المروحة هتبقى قريبة جدا من الفرن وممكن تسيح منو ودي اكبر مشكلة خنقاني انا حاولت اركب مروحة جولف سرعتين ودي المشطلة الي قابلتني
وحاولت اركب مروحة تمبرا طلعت عاليه هتعدي الصدر الصاج وساعتها ممكن تخبط في الكبوت
واخيرا ركبت مروحتين ساندن الصيني ورا الشبكة ومش عاملين حاجة

المهم بجد يا جماعة اية حل السخونة دى انا طلع عينى انا كمان مع الميكانيكى اللى كل يوم يفتيلى فى حاجة ومتطلعش هيا
النهاردة رحت لة عشان العربية مكنتش راضية تبطل( لما تسخن ) بقالها فترة على الحال دة
يكاد يكون حل المشكلة رغم انى بحس برجرجة لما بتبطل بس احسن من الاول بس مشكلة السخونة زادت وعدت التسعين بشرطة رحت مشوار طويل عريض ومؤشر الحرارة متحركش من التسعين بل زاد شرطة فى اوقات وكان بيرجع وكل شوية اسمع المروحة تشتغل بصراحة كنت خلاص هعيط كل ما ابص عالمؤشر والاقية زى ما هو وطبعا لحد ما خلصت مشوارى وعديت علية قاللى تعالى يوم الاتنين وانا اشوفها

اتخنقت مــــــــــــــــــا هو الحل يا أوناوية ؟

حلو أوى فكرة التمرجية اللى بيهوو دول

بس تفتكروا دة حل كويس

سامحونى على الهزار بس والله عشان متضايقة من موضوع السخونة دة
ان شاء الله عندى أمل انة يتحل

المشاركة الأصلية كتبت بواسطة om mohammed

حلو أوى فكرة التمرجية اللى بيهوو دول

بس تفتكروا دة حل كويس

سامحونى على الهزار بس والله عشان متضايقة من موضوع السخونة دة
ان شاء الله عندى أمل انة يتحل

هوا انت عندك عداد حرارة؟
لو عندك عداد حرارة الي مفيهوش rpm تبقى الشرطة العريضة الي في النصف 100 مش 90 وكون ان المروحة بتشتغل عند الشرطة دي معناها حاجة من دول:
1- الترموستات بياخر في شغلو
2- سير الكاتينة مش مضبوط ماخر سنه او مقدم سنة وساعتها بتكون الكهربا مش مضبوطه بتلاقي العربية فيها كركرة خفيفة لكن ماشيه عادي جدا
3- واعوذ بالله منها يكون الجوان عندك بينفس من البستم لمخارج المية وفي الحالة دي لازم تيجي ميه من الشكمان مع نقص في الميه يوميا وعشان محدش يشتغلك فيها وعايزة تتاكدي منها اولا لما تجي تفتحي الريداتير والعربيه باردة تسمعي صوت خفيف زي بسسس لو دي موجوده تفكي البوجيهات لو واحد فيهم علية صدا مع نقص المية يوميا يبقى كده الله يعوض في الجوان
بعدين في اسباب كتير اوي للسخونة
وعايز اعرف موضوع السخونة دي بدا قبل تغيير علبة الشكمان ولا بعدها؟
لو بعدها يبقى خلي حد يشوفلك العلبة دي ممكن تكون مش بتاعة العربية
وانا فاكر انك كنت قلت العلبة دي بي 120 او 130 حاجة كده وعلبة الاونو بي 250 صناعة معفنة والانضف بي 350
وعلبة الاونو بتيجي كاملة بالديل الوراني وماسورة حرف S يعني نص الشكمان الوراني تقريبا
انا بقالي دلوقتي شهر بشد في شعري من السخونة دي ولحد دلوقتي مش عايزة تضبط
اخر حاجة بشك فيها علبة الشكمان وانا خرمتها النهاردة خرم كبير السخونة قلت كتير ومبقتش تعدي النصف وربنا يسهل وتطلع هيا عشان بقيت ماشي بكلم نفسي من الموضوع ده ول طلعت هيا هستلف منك 350 جنيه عشان انا صرفت مرتب الشهر كله على العربية
واوعي تدعي انها متطلعش هيا عشان لو طلعت مش هيا اعرفي انك هتجيبوني من العباسية

حرااااااااااام بجد

نبهتنى لحاجة مهمة جدا فعلا السخونة ابتدت من بعد ما غيرت علبة الشكمان بس انا مش فاكرة انى قلت عليها ب 120 دة الراجل غيرها ب 80 جنية بس
ممكن تكون هى السبب ؟؟؟
دة انا اللى هتجنن
ومن ساعة ما غيرتها وصوت العربية ملعلع بصراحة وجابلى صداع

اما بالنسبة لل 350 فالحمد لله انا صرفت المرتب واستلفت والموضوع متحلش فياريت تشوف حد يسلفنا
وكماااااااااااااااان حاجة جديدة لما جبت العربية من عند السمكرى لقيت فرامل اليد عاملة زى اليويو
الاستاذ الفاضل الميكانيكى قاللى السلك اتقطع
فمش عارفة الاحقها منين ولا منين
حاجة كمان امبارح بدور العربية بتدور مفيش مشكلة اجيب الاول واطلع تبطل
ساااااااااعة واقفة فى الشارع بولادى ( واقولها يا ستى طب روحينا عند البيت واقفى ) ابدااااااااااااا
اتصلت بالميكانيكى بعتلى مدد عبارة عن اتنين شباب صغيرين حسيت انهم مش هيعملوا حاجة بس بصراحة خيبوا ظنى واهم حاجة ان العربية مشيت روحت عند البيت وقعدت فية بكرامتى

كفاية كدة واما افتكر حاجة تانى هقولها

بالنسبة لعداد الحرارة مفيهوش ار بى ام
وربنا يطمنك ان الشرطة اللى فى النص تبقى 100 كدة يبقى الحل خاااااافض حرارة واجيبة من الصيدلية أوفر

المشاركة الأصلية كتبت بواسطة om mohammed

حرااااااااااام بجد :copy of majd(4):

نبهتنى لحاجة مهمة جدا فعلا السخونة ابتدت من بعد ما غيرت علبة الشكمان بس انا مش فاكرة انى قلت عليها ب 120 دة الراجل غيرها ب 80 جنية بس
ممكن تكون هى السبب ؟؟؟
دة انا اللى هتجنن
ومن ساعة ما غيرتها وصوت العربية ملعلع بصراحة وجابلى صداع

اما بالنسبة لل 350 فالحمد لله انا صرفت المرتب واستلفت والموضوع متحلش فياريت تشوف حد يسلفنا:b4_611:
وكماااااااااااااااان حاجة جديدة لما جبت العربية من عند السمكرى لقيت فرامل اليد عاملة زى اليويو
الاستاذ الفاضل الميكانيكى قاللى السلك اتقطع :ka_che1[1]:
فمش عارفة الاحقها منين ولا منين
حاجة كمان امبارح بدور العربية بتدور مفيش مشكلة اجيب الاول واطلع تبطل
ساااااااااعة واقفة فى الشارع بولادى ( واقولها يا ستى طب روحينا عند البيت واقفى ) ابدااااااااااااا
اتصلت بالميكانيكى بعتلى مدد عبارة عن اتنين شباب صغيرين حسيت انهم مش هيعملوا حاجة بس بصراحة خيبوا ظنى واهم حاجة ان العربية مشيت روحت عند البيت وقعدت فية بكرامتى

كفاية كدة واما افتكر حاجة تانى هقولها

طبعا علبة الشكمان تسخن العربية وطالما صوتها عالي كده يبقى كده اكيد بتاعت البيجو الي في كتير من بتوع الشكمانات الله يحرقهم بيشتغلو الناس ويركبوهالهم بدل علبة الاونو
انت ممكن تجربي تروحي لبتاع الشكمانات يقطعلك لحام العلبة دي وتمشي بيها بس صوتها هيبقى عالي جدا وجربي هتسخن ولا لا لو سخنت يبقى مش الشكمان لو مسخنتش ترجعي تضربي بتاع الشكمانات
بعدين عيب العربيه الي وقفت فجاة
لو العربية وقفت تاني سيبيها 10 دقايق متحاوليش تدوريها وبعد كده دوري دارت ومشيت يبقى ده مشط الالكتروني بتاع الاسبراتير بيودع

الله المستعان

يااااااااه من كتير مدخلتش
ازيكم يا شباب عاملين اية
ليكم وحشة والله
حلو الحوار الى كان شغال على السخونه والمراوح دا....وبمناسبة السخونه بقة
لما بمشى بيها بتكون تمام..بعد لما امشى مشوار طويل وتبدء تسخن..لما اشيل رجلى من على البنزين لمبة الزيت تنور وتبدء تطفى لازم افضل دايس بنزين...فكرت انه بك السلنسيه بس اشمعنى لما تسخن بس يعنى
الكربراتير منضفة يجى 3 مرات لحد دلوقتى وتنك البنزين برضة فكيته ونضفته واتركب تانى ......

وعايز اعمل ارش ياترا هيتكلف كام انه العربية تيجى على الصاج وتترش تانى(لان الى مشتريها منه كان حاطط معجون كتير فالدهان بيطق فى حتت) ؟؟؟؟؟طبها هرش برا بس لانها جواه مرشتش
عايز اعرف حدود التكلفة انى هرش عادى مش ميتاليك

وبالنسبة للكبوت مش عارف اشترى واحد واركبة افضل ولا استعدل الى عندى وارشة مع العربية؟؟؟اية الافضل وبرضة هو حدود سعره كام؟؟؟..هو مش فى حادثة والحمد لله بس محتاج شوية تظبيط من قدام كدا