الموضوع: ليه دايما الحاره اليمين هيه اللي فاضيه ؟!!

المشاركة الأصلية كتبت بواسطة Adham

هية الفكرة ان الناس دي لو مشيت يمين و هي مابتعرفش تسوق اصلا ممكن مايعرفش يقدر المسافة من العربية للرصيف فايقوم طالع فوق الرصيف او خابط عربية راكنة (علشان طبعا الجنب اليمين بعيد عنة عرض العربية) انما الجنب الشمال هوة تحت منة على طول فايبقى ماشي ماسك الشمال علشان يبقى موازي للرصيف و شايف الرصيف تحت منة ههههههههههههههههه
ولو مسك يمين الطريق يبقى حاتلاقي مطرح مامشي كا العربيات اللي راكنة محكوكة في الجنب الشمال هههه
ولو طلعت اي عربية من ركنة او من شارع جانبي حايلبس فيها

يبقى الأسلم انة يمسك شمال الطريق اسهللة
زي ماللي علموة السواقة قالولوة

أدهم باشا إسمحلي أختلف معاك
أولاَ إحنا بنقيس بقوانين إيه ؟
قوانين المرور المفقودة ولا قانون الشارع ؟

قوانين المرور و زي ما قلت مفقودة .. قانون الشارع بقي هو عبارة عن اللا قانون .. فا مينفعش نقول إن العيب في الشخص لأنه مبيعرفش يسوق .

انا شخصياَ اما كنت لسة ببتدي أسوق كنت بمشي عالشمال لأن المشي عاليمين عايز محترف حقيقي !!! ميكروباصات و تاكسيات بتقف فجأة من غير أي اشارة للوقوف .. ناس بتطلع من الركنات من غير ما تبص .. و أي حاجة ممكن تتخيلها .. دنا مرة كنت هخبط إتنين شكلهم مش من القاهرة فارشين في الأرض قاعدين يمصوا قصب في وسط الشارع .

فا اللي راح الشمال ده غلط .. بس ده لأن اللي عاليمين غلط برضه!

تاني حاجة .. انا كتير جداَ "بتحبس" و حط تحتيها خط ، في الشمال .. انا بحب أمشي في النص رغم السيرك اللي بيبقي في الطريق بس انا مبحبش مفاجأت أطراف الطريق .. ناس كتير بتبقي راكنة حتي عالشمال .. المهم ابقي بتخطي واحد مثلاَ و أجي أعدي من شماله .. و عينك ما تشوف إلا النور .. الناس صواريخ ورايا .. لحد بقي ما أعرف أرجع !

تالت حاجة مفيش حاجة في مصر إسمها سرعة الطريق .. لأن كل الناس بتحاول تتخطاك و خلاص المهم إنه يعديك .. متعرفش ليه .. و مهما كانت سرعتك بتلاقي اللي عايز يجري من جنبك .. انا ببقي ماشي 80 عالمحور تاني حارة من اليمين و بيتقلبلي نور .. مرة في طريق العلمين كنت ماشي 160 لقيت واحد جي بيقلبلي نور برضه !!

الموضوع في مصر سمك لبن تمر هندي و قلة أدب .