الموضوع: ماذا تفعل لو خبطت عربية واقفة بدون صاحبها؟؟ شارك الان

المشاركة الأصلية كتبت بواسطة أبـو آســـــر

الترجمة عندي انا
هناخدها حتة حتة

كان ماشي و سرحان قدام مطار الغردقة الشارع هناك واسع و ممكن تشوف الطيارات عن قرب جداً

هنا بقى و هو بيبص على الطيارة لبس في عربية كانت واقفة و دة ادي اي ان عربيته تطير لفوق و تزل تاني و هو أصيب لانه مش رابط حزام الامان و خبط في مراية الصالون و البربيز الامام و داخ بعد كدة

هو كان دايخ و لما فاق كان في ناس أجانب شافوا الحادثة و قعدو يعملوله مساج و تدليك علشان يفوق نوع من انواع الأنقاذ السياحي ..... يا بخته

هو لما فاق كان فاكر انه طلع على الرصيف بس ما كانش يعتقد انه لبس فس عربية اسكودا فليشيا و العربية الي لبس فيها كانت مركونة و مش لاقيين صاحبها و كانت واقفة في نص الشارع و الناس الي دلكوه شالوا عربيته ركنوها على جنب علشان الطريق يمشي

بعد كدة أتصل بأخوه يجي يلحقه و يجيب معاه و نشين علشان يصلح العربيتين نوع من انواع الشهامة يعني
سواق الونش مرضيش ياخد العربية الفليشيا علشان صاحبها مش موجود
فخد عربيته الراجل صاحب القصة بس علشان تتصلح
العربية راحت تتصلح و هو راح المستشفى علشان الاصابات الي حصلتله و بعد ما خلص قال يرجع للعربية الفليشيا تاني علشان يعوض صاحبها و للأسف ما لاقاهاش

الصدفة تلعب دورها
راح بعد شهر يصلع شكمان عربيته
صاحب المحل تنح معاه و مرضيش ليه بقى ؟؟؟؟؟!!!!
علشان العربية الي رايحة تتصلح زي العربية الي خبطت الفليشيا الي هي زي بتاعة صديق صاحب المحل
و كانوا سهرانين مع بعض بالعربية الفليشيا و خلصت بنزين و هما مش واخدين بالهم فسابوها في نص الشارع لحد الصبح علشا تشحن بنزين لوحدها و حصلت لها الحادثة دي وهي واقفة
فصاحب المحل بيقوله احنا مش عايزين من صاحبها حاجة خلاص
فلاخ صاحب الموضوع اعترفله انه هو الي عمل كدة
راح صاحب المحل شاتمه و طرده من المحل


الجملة دي كأنها مش موجودة و هي غالباً من تأثير الحادثة
او تقريباً اخت عربيته تقول لعربية الواء يا طنط

تمت الترجمة بمعامل انيس عبيد === نايل موتورز

المشاركة الأصلية كتبت بواسطة أبـو آســـــر

ترجمة الحكاية التانية

هو ركن عربيته في جراج عادي كلنا بنعمل كدة و كان من حظه ان اول واحد يركن في الصف
و في واحد مش بيعرف يسوق معاه عربية جين تو زيرو لسة ما علقتش نمر و راح واخد الملف بغشم و صاحبنا كان لسة ما خدش الجاكيت من العربية بتاعته الي هي النترا ( يعني كان لسة واصل الجراج )


سائق الجين تو معرفش يقدر المسافات راح داخل في الاكصدان بتاع الالنترا طبقه حاجة بسيطو و هو فضل مكمل نتج عن هذا ان الجنب بتاع الجين تو ضاع على الاخر و الالنترا تطبيق في الاكصدام بس
و كان راكن بعد الالنترا عربية سيريون مركبة دفندر الي هو الحديدة الي بتبقى امام الاكصدام راحت الجين تو واكله الديفندر و اكصدام السيريون
و كان راكن بعد السيريون لانوس راحت الجين تو خابطة في الرفرف الخلفي بتاعها و وقف على كدة

وبعد الي هو عمله ده كله عايز يجيب بطهره علشان يعد عربيته الي هيا جين تو
راح الاخ صاحب الالنترا مزعق فيه و شاتمه و قاله ما تتحركش من مكانك و الناس اتلمت
راح سائق الجين تو قاله انت مين فرد عليه و قاله انا عبد يا اخي
قاله خلاص بتزعق ليه انا هصلحلك عربيتك
طبعاً طريقه الكلام كانت مستفزة و كاد صاحب الألنترا ان يفقد اعصابه لولا انه لمح بطرف عينه والدة سائق الجين تو بجواره فعملها خاطر و مرضيش يهزئه
و بعد كدة جت مرحلة التفاوض على التصليح فصاحب الالنترا بما ان التلفيات مش كتير فقاله مش عايز منك حاجة بس اتعلم السواقة الاول و راح قايل في سره هو كل واحد يدفع 1000 جنيه في المرور يروح يطلع رخصة و يكسر في عربيات الناس
المهم كدة اول عربية حكايتها خلصت
العربية التانية سيريون
صاحبتها انسة او مدام مش هتفرق معنا
تقريباً كانت مش موجودة و ناس راحت ندهتلها و لما جت شافت الحادثة قالت الحمد لله على قد كدة و مش عايزة تعويض لانها اتكسفت تطلب تعويض قدام الناس الي اتلمت لما صاحب الالنترا زعق في صاحب الجين تو
العربية التانية حكايتها خلصت
العربية الثالثة لانوس

الناس قدروا التلفيات ب 500 جنيه و لكن للأسف القصة لم تكتمل علشان صاحب الألنترا كان مستعجل و مش



اي خدمة
ترجمة معامل انيس عبيد ==== نايل موتورز

برافو عليك يااستاذ آسر انا كنت فهمت حوالي 75% من الموضوع (بعد ماقريته بتاع 3 أو اربع مرات كده) بس حضرتك مشكورا وضحت ال 25% الباقيين وأنا بصراحة كسلت أسأل عم الترجمة لما لاقيت ناس كتير برده مفهمتش زيي (قلت يمكن حد يتبرع وينزل الترجمة بعد الفاصل مثلا) وخفت اشرح اللي انا قدرت استوعبه برده لحسن يطلع الشرح غلط نتيجة غموض ال 25% دول .

حقيقي ياجماعة العلم نورن برده .

واعتقد بقي ان الجملة الأخيرة بتاعة "اخت عربيتي"
معناها ان العربية اللي هو راكبها مفيش منها في الغردقة كلها غير عربيتين فقط واحدة بتاعة رائد في أمن الدولة وواحدة بتاعته هو، وهو أصلا كان شاريها من لواء
واضح كده ان نوع العربيات ده مش بيشتريه غير الرُتب فقط (بإستثناء صاحب الموضوع اللي اشتراها بعد كده يعني)

هذا والله أعلى وأعلم