جدال محير جدا

**mesaharaty** · 09-02-2009 12:45 PM

السلام عليكم جميعا

لقد وقعت فى جدال طويييييييييل عقيم سخيف ومش عارف أخرج منه لوقتنا هذا

الجدال يتمثل فى رأيين متضاربين وفى نفس الوقت تجد نفسك مقتنع بكل منهم
الرأى الأول : ( هات عربية مستعملة استعمال نظيف وشيل ميزانية على جنب لترويقها وعمل ما يلزم من صيانات وبكده تكون فوقت العربية ورجعتها شباب - العربية المستعملة مبلغ ودفعته وخلصت منه ومافيش بقى ديون ولا شيكات ولا حظر بيع ولا توكيل - بلاش تتعلم السواقة على الجديد )
الرأى الثانى : ( هات زيرو وربيها على إيدك ، المستعمل ما تعرفش إيه ظروفه ولا مين ركبها ولا مين ساقها ولا مين قلبها ولا ولا ...... - الزيرو ديون وأوراق بتكتبها على نفسك ده فضلا عن الشبهة فى إنه حرام - لو مش متمكن من السواقة هات مستعمل وخبط بيه )
بصراحة حييييييييييييييييييييرة
طيب أنا عندى رأى عاوز أعرضه على حضراتكم :-

ممكن الواحد يشترى عربية مستعملة حالتها حلوة على أن يرصد ميزانية جانبية لعمل سيرفيس وصيانة كاملة للسيارة ميكانيكا وكهرباء وغيره من كاوتش حسب الحالة وكذلك بطارية وغيره من صيانات سواء دورية أو غير دورية . ورغم إن ده حيكون تحميل مادى زيادة وقلب دماغ مع الصنايعية .

من فضلكم نريد فصل الخطاب فى هذا الرأى ونحتاج إلى آرائكم بتوسع فى هذا الموضوع

شاكرين للجميع

**د./اليشع ثابت** · 09-02-2009 12:49 PM

المشاركة الأصلية كتبت بواسطة mesaharaty

السلام عليكم جميعا

لقد وقعت فى جدال طويييييييييل عقيم سخيف ومش عارف أخرج منه لوقتنا هذا

الجدال يتمثل فى رأيين متضاربين وفى نفس الوقت تجد نفسك مقتنع بكل منهم
الرأى الأول : ( هات عربية مستعملة استعمال نظيف وشيل ميزانية على جنب لترويقها وعمل ما يلزم من صيانات وبكده تكون فوقت العربية ورجعتها شباب - العربية المستعملة مبلغ ودفعته وخلصت منه ومافيش بقى ديون ولا شيكات ولا حظر بيع ولا توكيل - بلاش تتعلم السواقة على الجديد )
الرأى الثانى : ( هات زيرو وربيها على إيدك ، المستعمل ما تعرفش إيه ظروفه ولا مين ركبها ولا مين ساقها ولا مين قلبها ولا ولا ...... - الزيرو ديون وأوراق بتكتبها على نفسك ده فضلا عن الشبهة فى إنه حرام - لو مش متمكن من السواقة هات مستعمل وخبط بيه )
بصراحة حييييييييييييييييييييرة
طيب أنا عندى رأى عاوز أعرضه على حضراتكم :-

ممكن الواحد يشترى عربية مستعملة حالتها حلوة على أن يرصد ميزانية جانبية لعمل سيرفيس وصيانة كاملة للسيارة ميكانيكا وكهرباء وغيره من كاوتش حسب الحالة وكذلك بطارية وغيره من صيانات سواء دورية أو غير دورية . ورغم إن ده حيكون تحميل مادى زيادة وقلب دماغ مع الصنايعية .

من فضلكم نريد فصل الخطاب فى هذا الرأى ونحتاج إلى آرائكم بتوسع فى هذا الموضوع

شاكرين للجميع

هو انت يا اما اسود يا اما ابيض

يا زيروووووووو خالص

يا عربية تنام بيها عند الصنايعية

طبعا مستعمل كسسسسسررررر زيرووو

و طبعا هتكشف علية فى التوكيل

علشان تبقى مطمن و حاطت فى بطنك شادر بطيخ

**mesaharaty** · 09-02-2009 12:55 PM

يا جماعة طيب المشكلة إن الزيرو تمنه كله مش معايا ، اللى معايا مقدم وحاعمل حساب القسط الشهرى يبقى إزاى أشترى كسر زيرو ؟

**ahmed_bq** · 09-02-2009 01:07 PM

رايي انك تخليك في المستعمل النظيف
انا اتحطيت في نفس الجدال بتاعك ده مع نفسي

طبعا الزيرو انظف بس لو كاش
لو قسط بلاش خصوصا شبهة الحرام اللي فيها (اجتنبو الشبهات) وانا من رأيي انتا لو مجبتش زيرو تقسيط علشان سبب الحرمانية ده ربنا هيكرمك اخر كرم

وحاول تشوف عربية مستعملة انتا تعرفها يعني حد صحبك زميلك ...عشان بيبقى فيها جانب من الثقة شوية

وممكن ربنا يكرمك بعربية مستعملة نظيفه اوي بحالة الزيرو ...بس اصبر واتقل ومتستعجلش غير لما تشوف عربيات كتير وتحدد انتا عايز نوع ايه وكماليات ايه وهكذا عشان تديق دايرة البحث بتاعتك

**د./اليشع ثابت** · 09-02-2009 01:09 PM

المشاركة الأصلية كتبت بواسطة mahora

لهذا السبب بالتحديد و ضعت شرط "ان كانت ممكنة" فى الرد اللى فات. اذن تنتصر نظرية المستعمل.

انت عندك حق طبعا يا ماهر باشا
الزيرو اوكى زيرو
بس دة ما يمنعش انة يوجد حالات ممتازة كسر زيرو
فية ناس بتجيب العربية كابيزنس
مثلا تبع شركة معينة او بنك
الشغل بيدهالو قسط مريح
وهو مش محتاجة مثلا او محتاج سيولة لمشروع ما
يقوم يحرق تمنها فى السوق علشان يسيل سيولة
و هكذااا حالات كتير
انزل السوق هتلاقى عربيات بالقماش الابيض بتاعها
و بخطابات المرور و هكذا

**Osama_soliman** · 09-02-2009 01:16 PM

الافضل والله اعلم :

اشترى عربية مستعملة "نظيفة" وحط تحت نظيفة الف خط، يعنى لو معاك تمن عربية ماركة مش جامدة بس العربية حالتها كويسة اشتريها

احسن ما تشترى عربية ماركة جامدة بس العربية نفسها تعبانة

ثم انك تدفع التصليح وخلافه بدون اقساط ووجع قلب

والاهم من ذلك شبه الحرام موجود فى 90 او اكثر من تقسيط العربيات

وافضل حل :الاستخارة وربنا إن شاء الله هيهديك الاختيار الصحيح

**memoo_1st** · 09-02-2009 01:16 PM

انا في الحيييييييييييييرة دي زيك بالظبط بس في الاخر لقيت ان الجديد ايا كان جديد بردوا وأحسن علشان انتا فعلا متضمنش العربية الي هتخدها دي فيها اية او صاحبها كان بيعمل بيها اية
وممكن مستعمل لو مثلا عربية اخوك او ابن عمك ويكون راكبها من الزيرو غير كدا يبقى الزيرو طبعا افضل .

انا رسيت في الاخر على الزيرو القسط ولكني مع حملة خلوها تصدي وهسنى شوية لحد شهر 7 ولا 8 .