ايه رأيك ضروري....لمصلحتك.....!

**Amrrr** · 19-02-2009 11:03 AM

انا مع الحملة
بس لي رأي متواضع : ان الحكومة بتساند التجار جامد وان هما الاتنين في الآخر مصلحتهم واحدة وان التجار الكبار ليهم علاقة من بعيد أو قريب بالحكومة والقوانين المتفصلة
وان ضخ المليارات اللي قالوا عليه هيجيبوا الفلوس دي منين ؟ وان مد فترة التخزين في الجمارك مقابل رفع رسوم معرفشي ايه !مين اللي هيتحمل الفلوس دي؟
عندي رأي تاني برضة ان اللي خد قرار الشراء وجاهز ماديا مش هيقدر يصبر عشان غالبا العربية بقت اساسية في أغلب الأحوال ، انا جبت عربية من سنتين لو كنت باشتريها دلوقتي ماكنتش هقدر اؤيد الحملة
اللي يقدر يساند الحملة ممكن اللي عايز يغير عربيته مثلا أو عنده وسيلة مواصلات آدمية يروح بيها الشغل ويروح مشاويره بيها أو حتى عربية نص عمر كدة ( يهؤ )بيها لكن اللي مزنوق مش هيقدر يستنى
بس انا متضامن تماما ومع الحملة بشدة وبقنع اي حد أعرفه حاليا انه مايشتريش بس في ناس فعلا مينفعشي تستنى (واحد مثلا مراته على وش ولادة والفلوس جاهزة معاه حتى لو عارف انه كدة بيشتري بالغالي وبيتضحك عليه بس ايه البديل ؟ تاكسيات ومرمطة وقلة أدب وإمارة سواقين !!!)

**Sherif Sharaf** · 19-02-2009 11:38 AM

موافق طبعاً
وأنا شخصياً كنت ناوى أشترى عربية من شهرين تلاتة بس قلت أأجلها لأول السنة، ولما شفت الحملة قلت مش هتفرق لو استنيت كمان 4 ولا 5 شهور، يمكن ترخص فعلاً، وبصراحة بوادر الحملة بدأت تظهر وبدأت فعلاً بعض التوكيلات تخفض أسعارها.

خليها تصدى وموديلها يعدى

**sherifahmed** · 19-02-2009 11:43 AM

وراك يا ريس

**fakoussa** · 19-02-2009 11:53 AM

كلنا معااااك و فى كل دول العالم المتقدمة بيعملوا كده بيقاطعوا اى سلعة سعرها عالى بدون مبرر لغاية ما السعر يكون معقول

**Ahmed Samy** · 19-02-2009 11:54 AM

المشاركة الأصلية كتبت بواسطة samoevil911

يعني نأثر علي مبيعات شركات عالمية (تويوتا مثلا دي اعلي مبيعات ليها في الشرق الاوسط مصر) تفتكر شركة تويوتا مش هتضغط علي حكوتنا

حضرتك جبت الحتة دي منين ؟؟؟؟
الشرق الأوسط طه يشمل السعودية و الإمارات و كفاية دول
مصر ايه اللي أكبر مبيعات لأي شركة في أي حتة ؟؟؟؟

**mahmoudzaied** · 19-02-2009 12:07 PM

انا معاكم
يا رب يجى بفايدة ان شاء الله

**samoevil911** · 19-02-2009 01:35 PM

استاذ احمد سامي .. موضوع شركة تيوتا دا كان نازل في اخبار الشركة عام 2006 ان شركة تيوتا ايجيبت حقت اعلي مبيعات في الشرق الاوسط.. وحضرتك دول خليج ليه اللي بتكلم علي التيوتا.. دا احنا 75 مليون يعني بالوطن العربي كله :d ولو سافرت الخليج هتلاقي ان هما بيحبوا الكامري .. والكرولا قليله اويييييييييي لو قارنت بالوضع عندنا فى مصر.. حضرتك مش هتلاقي شارع فى مصر الا لو في عربيةتيوتا علي الاقل .. وشكرا علي المشاركة.
يا جماعة عايزين نبقي مع الحملة و الاستاذ عمرو .. الحكومة لو هتساند انا معاك... بس لحد امتي؟ متنساش احنا اللي بندفعلهم مش هما.. وبالنسبة لموضوع اللي مضطر او ميقدرش يستني فا هقولك . في كام واحد فينا مستعجل .. مش كتير... غير كدا اللي مستعجل دا .. ماهو كان عايش من غير عربية .. يستحمل شوية.. واللي مراتوا هتولد.. يعني هو شرط ان كل واحد مراتوا هتولد يجيب عربية .. دا كان زمان مصر كاها ركبا عربيات .. دا احنا بنولد اكتر مبناكل :d:d وشكرا علي المشاركة

**Amrrr** · 19-02-2009 03:21 PM

لأ طبعا يا باشا مش شرط انك تجيب عربية عشان مراتك هتولد ولا على رأيك احنا بنولد اكتر مابناكل :)
انا بقول مثلا بس ان ممكن ظروف تضطرك لشرا العربية ايا كانت الظروف دي
يعني مثلا ممكن مراتي على وش ولادة واخويا في نفس العمارة لو عزت أنزل الساعة 3الفجر ( معرفشي ليه دايماً بيحبوا يولدوا في وقت صعب كدة) ومعايا مفتاح عربيته ساعتها انا ممكن استنى لكن تخيل الوضع دا وانت واقف تدور على تاكسي ومافيش!!!