الموضوع: حالة من اليأس تعم أعضاء المنتدى لعدم نزول الأسعار

المشاركة الأصلية كتبت بواسطة itsonlyme

مش عارف ليه حاسس أن الأخ ahmedkoko ماكانش يقصد حضرتك.

إحساسك صح و الله دي كانت غلطه بس.

المشاركة الأصلية كتبت بواسطة Drift_Lover

انا واحد من الناس بعت عربيتي. القديمة 128
وبادور علي مستعمل لانوس او اكسيل.
وبقي لي شهر بدون سيارة.
1- مش حاسس ان الموضوع بهدله ولا حاجه مابال بالعمس وفرت مصاريف العربيه. والفلوس في البنك بتعمل 300 جنيه في الشهر (ما باصرفهمش مواصلات)
2- عمري ما حاشتري عربيه من تاجر. لازم تكون الرخصه باسم المالك. ومافيهاش توكيل. وده اضعف الايمان للتضامن مع الحمله.
3- واللي انا ملاحظه فعلا كل اسبوع الاسعار بتقل في السوق.
ودي حقيقه يا جماعه.
ماتخلوش حد يستفزكم فتتسرعوا في الشراء.
الدنيا مش حتطير علشان شهر او 2

بصره يا أخ drift lover و أنا عايز أقوللك أن انا كمان بعت ال 125 بتاعتي و أصلا حتى و هي موجودة كنت باستعمل مواصلات علشان أهرب من قرف القيادة و الركنة و كنت باستعمل العربية في الضرورة فقط و حتى لما باخرج بالعيال و أمهم بأخذ تاكسي ومهما خذ أوفر من البنزين و الميكانيكي و مصاريف الرخصة ............الخ .

و موضوع المواصلات بقى اسهل من زمان بمراحل , اللي بيتكلموا عن عذاب المواصلات ما شافوش مواصلات السبعينات أيم التروللي باص الى كانت سنجته بتقع و الاتوبيسات اللي كانت الناس بتركب فوق السقف بتاعها

دلوقتي الميكروباصات و عربيات الجمعية و الميني باص العادي و الاخضر و تاكسيات العادة و العاصمة يعني فعلا امتلاك سيارة في مصر لم يعد ميزة .

و الفلوس بتاعة بيع العربية شايلها في البنك بتعمل ارباح و العربيات يا أما تنزل و يا أما بلاش منها أحسن

و لن نيأس , كلام و تصريحات نظيف أبلغ دليل على نجاح الحملة و تأثيرها و الا ما كانش قال كلامه ده لان التجار مليون في المائة ضغطوا عليه

المشاركة الأصلية كتبت بواسطة karaktar

ده آخر موضوع هاكتبه عن هذه الحملة الجملى دى

هل فعلاً قرار الوزير نظيف عدم تخفيض الاسعار ومنها السيارات سوف تطيح بالحملة
وهل فعلاً احنا بنوهم نفسنا ونقول ان الاسعر نزلت بسبب الحملة ولا دى مش أكتر من عروض بتتعمل أول كل سنه وخلاص و السوق بيرجع زى ماكان
هل همه اقوى ولا احنا... هل فى طلب الان على السيارات وفى ناس بتشترى فعلاً وان حركة السوق ابتدت تنشط ولا العكس
( إذا كانت الحملة نجحت فما الاسباب؟ )
( إذا كانت الحملة فشلت فما الاسباب؟ )

مستنى اجابات جميع الاعضاء
مستنى اجابات الناس اللى مع الحملة والناس اللى ضدها

ممكن أسألك سؤال بسيط يا أخ كاراكتر ؟؟؟؟

تفتكر لو الحملة مش مؤثرة كان نظيف علق عليها ؟؟؟؟؟؟

لماذا لا نقول ان تأثير الحملة و الركود بدأ يهز التجار و المستورودون و المصنعون و من بينهم زميله و حبيبه وزير الصناعة فبدأوا يشتكون له من حالة الركود فما كان منه الا انه أطلق هذا التصريح لبث اليأس في النفوس ؟؟؟؟؟

لماذا لا نقول أن تصريحه دليل على نجاح الحملة و قوة تأثيرها ؟؟؟؟؟

الشئ الغريب انهم عندما يرفعون الاسعار يجدون له الف مبرر
و اسهل رد : الاسعار العالمية غليت .

و لما الاسعار العالمية ترخص نجدهم صامتين بل و يتبجحون و يقولون لا : لن نرخص الاسعار .

المشاركة الأصلية كتبت بواسطة samcar

واضح ان فى تجار موظفين ناس فى المنتديات ضد الحمله- يبقى واضح ان الحمله ناجحه\

عارفين الفرق بينا وبين الناس بره ايه- هم ممكن يستحملوا - ويهينوا نفسهم- اذا كان ركوب المواصلات اهانه ولا انهم ينكسروا- لكن احنا شعب طمع حكومته فيه- عايز اعرف ايه المشكله فى واحد معاه عربيه موديل حتى 2000 او اواخر التسعينات انه يستنى شويه- خلاص حيموت لو مركبش زيرو؟؟؟
واللى معاه عربيه من التمانينات او السبعينات ايه المشكله يشترى حديث شويه -
الحكومه الجبانه مدت للتجار مهلة التخين فى الجمارك ل 6 اشهر - لو صبرنا احنا سنه تفتكروا حيقدروا يمدوها تانى - - طبعا لا
للاسف الناس هى اللى بتوجه الحومه واى حكومه حتى لو زى حكومتنا المتخلفه مش حتقدر تصمد ضد اليات السوق- شوية صبر - بس اوعى حد يقول الصبر خلص من مصر- لو كان ده صحيح ما كانش واحد حبيبنا قاعد فى الحكم 26 سنه

بالذمة ده أحلى رد أتقال في الموضوع من أوله

أحييك بشدة يا أخ سام