ليه شاهين ؟؟ { موضوع للمناقشة }

**mr_safwt** · 12-04-2009 02:30 AM

على فكرة نفسى افهم العربية دية مفيش اى تعديل فى شكلها من ساعة ما اتعملت بامانة عربية مملة
اخرها 30 الف وكتير عليها

**HRH_Sameh** · 13-04-2009 10:41 AM

المشاركة الأصلية كتبت بواسطة sahin_1996_133

الموضوع بجد جامد .
وعلى فكرة انا من عشاق الشاهين وخصوصا ان والدي معاه شاهين 96 ووالله كنا فرحنين بيها فرحة الزيرو , وانا لما جيت اشنري بصراحة والدي رشحلي الشاهين بس انا اخترت هيونداي فيفا وانا مقتنع بيها .
بس طبعا زي ماكلكم عارفين ان الشاهين عربية معمرة واقتصادية بالنسبة لواحد في بدايه حياته يعنى مثلا قطع غيارها رخيصه جدا مش بس كده لا ديه كمان اغلب الصنيعية بيفهمو فيها وكويس قوي طبعا مش هقول الفرق في قطع غيارها وقطع غيار عربيتى لانها كلها بتيجة من بره مستوردة بس يكفي اقول بكل صراحة ان قطع غيار عربيتى تقريبا 4 اضعاف سعر قطع غيار الشاهين يعنى بل بلدي كده لو لاقدر الله حصل حاجة هتشنير واقول ربنا يستر ويعدي الشهر على خير
طبعا واحد ممكن يسال ويقول طاب طالما انت عارف كده اخترت عربية قطع غيارها غالية ليه هرد بكل بساطة ان العربية الشاهين طبعا زي ماكلم عارفين متينة وزي الفل بس مفهاش مقدار الرفاهية يعنى مثلا انا من اسوان وبامانة والله درجة الحرارة عندنا في الصيف بتوصل ل55 درجة طبعا العربية مفهاش تكيف والكراسي صعبة شوية وناشفة اضاءة للتابلوه سيئة للغاية شنطة امتعة مش هقول ضيقة بس مش واسعة زي العربيات الحديثة وده طبعا لان تنك البنزين واكل من مساحة الشنطة وكمان مفهاش فتح التانك والشنطةمن الداخل (مش مشكله انزل افتحها ) الزجاج مش كهربا وعلى فكرة انا مركب زجاج كهربا في عربية والدي بس طبعا مش زي العربيات الحديثة
خلاصة القول علشان متزهقوش من كلامى الشاهين عربية موفرة مش زي مقال بعض الأعضاء انها بتاكل قطع غيار بالعكس العربية معمرة جدا وزي مقلت قبل كده كله بيفهم فيها على عكس العربية الى معايا لازم التوكيل وشغل كومبيوتر وحساسات وحاجة ميعلم بيها الا ربنا - اما بانسبة للعربيات الحديثة فهى تتمتع بعنصر رفاهية عالى
يعنى رفاهية عالية وطبعا قطع غيار مولعة وعربية ورق ........ عربية حديثة
متانة وقطع غيار في متناول اليد وسعلر حنين ........شاهين
متانة ورفاهية معا......(يارب اوعدنا) مرسيدس وbmw واودي وباسات ,الألمانى ....الخ
ارجو انى ماكنش طولت عليكم بس ديه تجربتى مع الشاهين والفيفا واسف على الإطاله

شكرا ليك على وجهة نظرك السليمة دي
خصوصا نقطة ان قطع الغيار معمرة
وموضوع تصنيف الاختيارات ...
نوّرت الموضوع
وربنا يسترها على فبفتك

المشاركة الأصلية كتبت بواسطة mr_safwt

على فكرة نفسى افهم العربية دية مفيش اى تعديل فى شكلها من ساعة ما اتعملت بامانة عربية مملة
اخرها 30 الف وكتير عليها

انت قريت الموضوع من اوله كويس؟
اكيد حصل تعديلات جايز مش ظاهرة اوي لكن في

**A_A_ELAZIZ** · 15-04-2009 01:36 AM

المشكله انهم لو عدلو في شكلها اعتقد سعرها هيزيد زيادة عالية جدا وسعتها محدش هيشتريها اعتقد ممكن تبقى في حدود 70 الف ويمكن اكتر

**ابوهاشم** · 13-10-2009 03:29 AM

انا شايف ان ده انسب تعديل لآسطورة الفيات 131
ولو كانو عملو اللى فى خيالنا من تعديلات للشكل والرفاهيه
عمرنا ماهنعرف نشتريها بالاسعار دى

**HRH_Sameh** · 13-10-2009 10:46 AM

المشاركة الأصلية كتبت بواسطة sahin_1996_133

المشكله انهم لو عدلو في شكلها اعتقد سعرها هيزيد زيادة عالية جدا وسعتها محدش هيشتريها اعتقد ممكن تبقى في حدود 70 الف ويمكن اكتر

المشاركة الأصلية كتبت بواسطة hashem1999

انا شايف ان ده انسب تعديل لآسطورة الفيات 131
ولو كانو عملو اللى فى خيالنا من تعديلات للشكل والرفاهيه
عمرنا ماهنعرف نشتريها بالاسعار دى

وهي حاليا برضه مناسبه ناس وظروف وطبيعة تشغيل كتير
وشكرا على المرور

**engsisi** · 07-03-2010 05:18 PM

المشاركة الأصلية كتبت بواسطة sab3aawy

هضيف نقطتين او تلاتة:

1- الشاهين كانت تصنع فى تركيا بنفس شكل ال131 حتى نهايه الثمانينات ، ثم تم تعديل شكلها لكى تكون نسخة من الريجاتا وذلك بالاستعانة بفيات التى كانت تملك حوالى 40% من توفاش المصنعة للشاهين فى ذلك الوقت، تم عمل تعديلات محدودة فى شكل الشاهين تشمل الرفارف والشنطة الخلفية، والرفارف والكبوت الامامى فقط، دون اى تغيير فى الأبواب او السقف او القوائم او كل ما يخص هيكل السيارة(الحوض ،الصدر، العلب ،المدافع،القوائم، السقف، الأرضية، قنطرة الشنطة كلها 131 حتى اليوم بدون تغيير)

2- عفشة الشاهين هى نفسها عفشة ال 131 ال1600 بدون تغيير، وكل ميكانيكى يعرف ان مساعدين الشاهين ومقصاتها وعلبة ديريكسيونها وشداداتها بتركب على كل من ال131 والشاهين بدون تعديل، آلات الجر اختلفت قليلا بين ال 131 والشهاين ولذلك لابد من اجراء بعض التعديلات فى حالة الرغبة فى تركيب كورونا ال131 على الشاهين مثلا او العكس

3- تم احلال علامة الصقر محل علامة حرف ال تى بعد ان باعت فيات نصيبها فى شركة توفاش فى 2004 اثناء ازمة فيات المالية، وقام اصحاب توفاش بتغيير العلامة

4- برغم ان الشاهين تشبه الريجاتا، لكن لا علاقة لها بالريجاتا نهائيا من ناحية الأداء او قطع الغيار ، الشاهين تقارن بال131 فى قطع الغيار والأداء، لكن الريجاتا قصة مختلفة تماما، انا امتلكت كل من الشاهين والريجاتا ، و الشئ الوحيد الذى يصلح للتركيب فى الريجاتا والشاهين هو الفوانيس الأمامية والمرايات(مع بعض التعديلات الطفيفة) ، بالاضافة لقطع الغيار المشتركة بين كل مواتير فيات القديمة ذات الكامة الواحدة العلوية (128،ريجاتا، تمبرا، ريتمو، دوجان وشاهين ما بعد 1997)مثل البوجيهات وطلمبة المياه واجزاء وش السلندر(كامة، صباب..الخ)

بما ان حضرتك امتلكت كلا من الريجاتا والشاهين فممكن اسالك ايهما افضل
لانى محتار بينهم ودى هتكون اول عربيه ومش عارف اختار الريجاتا ام الشاهين ( هتكون اوائل التسعينات ) يعنى فرق الموديل مش هيكون كبير
وشكرا

**semsem_uno** · 07-03-2010 08:11 PM

انا عن نفسي بحبها و شايف انها عربية عملية و جميلة
انا افضل ال1600 الكاملة و انا رأي انها تستاهل تبقي اغلي من الفيرنا و اللانوس و ده مجرد رأي
عربية شنطها واسعة و شكلها حلو ( رجولي و عملي ) من جوة اي نعم مش مريحة اوي بس بردو كويسة و لذيذة و 1600 عليها بتكنولوجيا تمبرا و دفع خلفي يبقي ممتاز و كمان مناسبة لمصر و كمان اأمن من الباقي ناقصها الأير باج
و فوجات و بتاع عايزين ايه اكتر من كده و في الأول و في الأخر اساسها ايطالي و عربية اوروبي و ديه عندي كفاية

**M.almaghraby** · 07-03-2010 08:31 PM

انا معايا الشاهين و فعلا بحبها جدا و بحس انها حبيبتي كدا :dd

**تامر.محمد** · 07-03-2010 09:13 PM

خارج الموضوع
انا سواقين التاكسي و الناس اللي بيمشوا بيها كأنهم في صالة بيتهم او في خناقة اعتمادا على متانة صاجها كرهوني فيها
:(

بخصوص نقطة السعر , انا فاكر ان قبل تصنيعها ما يقف كان سعرها زيرو 75 ألف جنيه
يعني اغلى من اللانوس و الفيرنا و السبيرانزا
و بنفس سعر الأفيو و الجيتز و النوبيرا و البوينتر كمان اظن
حــــــــــــــــــــــــ ـــــرام عليهم

نقطة اخيرة
تحية لصاحب الموضوع على سعة صدره في تلقي الردود
:)

-

الموضوع: ليه شاهين ؟؟ { موضوع للمناقشة }

LinkBack

أدوات الموضوع

عرض

-

-

-

-

-

-

-

المواضيع المتشابهه

موضوع للمناقشة .. ليه ستروين لا ؟

دي قصاد دي ...... !!!! موضوع للمناقشة

موضوع للمناقشة

موضوع للمناقشة.......هام

الكلمات الدلالية لهذا الموضوع

المفضلات

المفضلات

ضوابط المشاركة