سؤال مهم
ما هو الفرق بين الانسر 2007 ال(1600) الاردني والمصري والخليجي
وهل الفرق فقط في الاوبشن ولا ايضا في العفشة والموتور
عرض للطباعة
سؤال مهم
ما هو الفرق بين الانسر 2007 ال(1600) الاردني والمصري والخليجي
وهل الفرق فقط في الاوبشن ولا ايضا في العفشة والموتور
يا اخواني
انا عاوز اضبط العربية بتاعتي واغير سير الكاتينة واتصلت بالتوكيل في قليوب والرواس وقالي لازم اغير سيور الكاتينة كلها بحوالي 1200 غير المصنعية 200 جنيه مع اني عاوز اغير سير الكاتينة فقط واضبط العربية علي الكمبيوتر
والعربية كريستالة اتوماتيك 97 خليجي
هل ممكن حد يفيدني في الموضوع ده من اصحاب الخبرة
المهندس / طارق زويل المحترم
اشكرك على ردك على سؤال كيفية معرفة الانسر السبورت من السوبر اكشن و لكن لى استفسار اخر
هل الفرش الجلد اللى فى السيارة الانسر سوبر اكشن بيبقى تحته فرش السيارة العادى مش جلد يعنى
ثانيا عاوز اعرف منين اجيب غطاء قربه المياة الخاص بالانسر سوبر اكشن 2008 وهو اللى عامل زاى المقياس بيوضح المياة الموجوده فى العربية و سعره كام بالضبط و منين اجيبه و ياريت عنوان و رقم تليفون المكان بالضبط و هل عدم وجوده بالسيارة له اضرار عليها.
و اشكرك مرة اخرى على اهتمامك فى الاجابة على كل الاسئلة المرسلة اليك
من حيث المحرك الأردني والمصري زي بعض 107 حصان صافي (حوالي 115 حصان اجمالي) والخليجي 122 حصان اجمالي يعني ازيد شوية انما الخليجي تحتاج بنزين 95 حسب تعليمات شركة ميتسوبيشي (لكن عن تجربة اعضاء المنتدى من ملاك الخليجي قالوا انهم بيستخدموا بنزين 92 عادي جدا بدون اي مشاكل انما علشان تشعر بفرق المحرك وقوته بالكامل لازم تستخدم بنزين 95)
العفشة في المصري رياضية يعني heavy duty suspension انما الأردني لأ واعتقد الخليجي عفشته من عدة سنوات رياضية كذلك علشان تكون زي المصري
بعد كده الفروقات كماليات بين الكلاسيك اما السبورت واحدة في الجميع لأن فيها كل الكماليات
تغيير سير الكاتينة في التوكيل بيكون له قواعد محددة من قبل الشركة الأم ميتسوبيشي وهي تغيير بلية الشداد مع السير وكذلك اويل سيل الكامة واويل سيل الكرنك والمجموعة الكاملة دي في حدود المبلغ المذكور
ولذلك لو حضرتك عاوز تغير السير فقط يبقى تشتريه اصلي من التوكيل وتركبه خارج التوكيل وضبط العربية الكريستالة 97 مش لازم كمبيوتر لأنها كربراتير
الفرش الجلد الطبيعي في السام (السوبر اكشن موديل) هو فرش اصلي مفيش تحته فرش تاني
قربة المياه متوفرة كقطعة غيار تباع في كل مراكز الخدمة بالتوكيل والمراكز المعتمدة ومحل قطع غيار الكيت كات التابع للتوكيل والعناوين وارقام التليفون مذكورة في الموضوع المثبت عن مراكز الخدمة
http://www.nilemotors.net/Nile/98-a.html
غطاء القربة اذكر كان حد سأل عنه قبل كده وكان سعره حدود 20 جنيه
ممكن تتصل بفرع محل قطع غيار الكيت كات
ممكن اعرف سعر سير الكاتينة في التوكيل بكام وممكن اجيبه من توكيل جسر السويس
السلام عليكم يا أستاذ طارق
أشكر مجهودك في المنتدي
وكان عندي سؤال ...... هو في مركز خدمه معتمد جديد في مدينه العبور؟؟؟
سعر سير الكاتينة لانسر 98 هو 180 جنيه + 10% ض.م
ايوة موجود في جسر السويس ممكن حضرتك تشتريه من هناك
فيه مركز جديد لشركة الرواس (المركز الخامس لهم) في العبور لم يفتتح بعد وهو مركز معتمد من الوكيل مصرية مثل باقي المراكز
سؤالى بخصوص اللانسر 1300 انا شايف ان 1300 سى سى قليل بعدين بيقولو ان الانسر عموما بتاكل بنزين فلو 1300 سىسى هتبقى موفره شويه بس ازى بقى هتستحمل تكيف وباور ولو اوتوماتيك هتبقى عامله ازاى فى السحب ممكن الافاده وتفسير السياره اللانسر 1300 فى كل من البنزين والسحب على الطريق
السلام عليكم
الحمد لله ربنا كرمنى واشتريت عربية لانسر 2007 (1600 ) استعمال المفروض انه جيد بس
عندي مشكلتين
الاولي انى الراجل كان مركب زينون في فانوس الشبورة ولكن لمبة الشبورة في التابلوة منورة باستمرار حتى اثناء عدم وجود المتاح اصلا في العربية (الكونتاك مغلق).
ثانيا في طقطقة في المطبات الهواء واحيانا مع الفرملة قالوا لي في الكشف انه البيض
المطلوب من خبرتكم هل هو كده فعلا؟ وهو كام سعر البيض ده علما بان العربية اردنى و اجدوه فين واغيره عند من ولو في التوكيل هيكلف كام تقريبا
لو سمحت يا باشمهندس لو استهلاك البنزين لعربية لانسر 1300 موديل 2006 هو 175 كم فى الصفيحة
هل ده طبيعى ؟؟
و لو مش طبيعى أعمل ايه وهى أصلا استهلاكها كام و ايه ممكن يكون العيب و الحل
شكرا جدا لحضرتك :)