السلام عليكم انا عبدالله
وكنت عايز اعرف سعر لانسر بومة 2010 سوبر اكشن الجديدة بكام واية هية المميزات بتاعتها ومواصفاها
عرض للطباعة
السلام عليكم انا عبدالله
وكنت عايز اعرف سعر لانسر بومة 2010 سوبر اكشن الجديدة بكام واية هية المميزات بتاعتها ومواصفاها
السلام عليكم
رجاءممكن اعرف سعر السيارة لانسر 2010 بومة سوبر اكشن ايفليوشن
ومميزات السيارة عشان انا عايز اشترى . ومتردد
العربية الـ 1600 بكاوتش 15 بوصة والعربية الـ 1300 بكاوتش 14 بوصة وكل أجزاء العفشة بينهم مختلفة وعلى رأسها المساعدين يعني مساعد الـ 1600 يختلف عن مساعد الـ 1300
وفي التوكيل لا يتم تغيير حاجة من اساسيات العربية يعني لو عربية 1300 مش ممكن يتم في التوكيل تركيب حاجات 1600 لها
طالما العربية ما زالت في الضمان ومحافظة على صيانتها الدورية يبقى حرام حضرتك تخسر الضمان
الأفضل تجيبها لنا في مركز الخدمة الرئيسي في قليوب للكشف عليها وتحديد المشكلة وحلها
العنوان في الكيلو 16 طريق اسكندرية الزراعي تليفون 42157629
سعر اللانسر بومة 2010 سوبر اكشن هو 133000 جنيه
اما الايفوليوشن حاجة تانية خالص اكيد حضرتك متقصدهاش (سعرها لدى الرواس 580 ألف جنيه)
بالنسبة للسوبر اكشن
العربية 1600 سي سي فتيس اوتوماتيك
وكمالياتها تكييف وباور ستيرنج وسنترلوك وريموت كنترول ومفتاح مشفر وزجاج كهرباء ومرايات كهرباء وراديو كاسيت و6 سي دي تشنجر وجنوط اسبور وفتحة سقف وسبويلر خلفي واعتاب جانبية وكساحات امامية وخلفية ولمبات شبورة و 2 ايرباج وفرامل abs , ebd وفرش جلد طبيعي
ضمان 3 سنوات او 100 ألف كيلو متر
المبيعات ت 19830
شكرا يا باشمهندس انا ان شاء الله هاجى التوكيل
عندى سوال صغير كمان معلش هل اذا كنت بازود القربة بمياة اكتر من العلامة الماكس اى قرب نهايتة داة يودى الى نقص مية الرادياتير على فترة طويلة بكمية كبيرة؟؟؟؟؟
معلش يا بشمهندس ممكن تقلى اة الاجزاء فى العفشة الى مختلفة بخلاف المساعدين والجنوط هل فى فرق فى المقصات او البارات واى حاجة تانية لانى الى قايلى الكلام دا واحد من التوكيل "ركب مساعدين ال1600 قدام والعربية هتفرق معاك جامد"
عايز اعرف ليه ماتجوبش على سؤالى من فتره كنت بسال على كلاتش الكمبروسر بتاع التكيف ودلوقت بسال على حاجه تانيه الباور تقيل ومش عارف ليه العربيه كمان بتحدف لما بعدل الطاره على طول ناحيه اليمين وشكرا للجميع والمهندس طارق بالاخص على مساعدته للجميع
:F_eyeb1[1]:
اهلا بيك تشرف في اي وقت
لأ ما اعتقدش - طيب سؤال مهم هل اضفت سائل تبريد لمياه الردياتير من المركز اللي بيتباع في محطات البنزين وعامل المحطة بيقعد يسوق له ويشرح فوايده؟
كل اجزاء العفشة مختلفة وغريبة جدا ان حد في التوكيل ينصح بتركيب مساعدين 1600 لعربية 1300
احيانا فيه بعض الأسئلة بتتنسي وسط الأسئلة الكتير
انما انا راجعت سؤال حضرتك لقيتك بتطلب سعر كلاتش الكمبرسور خارج التوكيل وانا كل معلوماتي من واقع عملي في التوكيل
عموما سعره في التوكيل 1410 ج + 10% ولازم رقم الشاسيه للتأكد من الصنف المطلوب
اما موضوع تقل الدركسيون والحدفة فلها اسباب كتير ويفضل الكشف على العربية
السلام عليكم يا باشمهندس طارق
اولا احب ان ابدي اعجابي الشديد باهتمام حضرتك
عايز اعرف راي حضرتك في اللانسر 2002 لما تكون اتوماتيك
لاني بشتري النوع دة وسمعت كلام كتير عن الاوتوماتيك
مشكلتي ان معايا لانسر بوما 2010 سبورت وانا بفتح الكبوت لقيت مافيش غطا فيبر علي الموتور ولا البطارية والماكينة كلها ظاهرة هل ده طبيعي ولا ارجع الوكيل وللو طبيعي تتغسل من جوه ازاي