انت تسأل وإستشاري منتدى متسوبيشي يجيب (2)

**memo200545** · 15-05-2011 12:34 AM

المشاركة الأصلية كتبت بواسطة memo200545

اولا وكبداية نشكر سيادتك على سرعة الرد وعلى المجهود الرائع الذى تبذله من اجلنا ثانيا معلش انا ليا سؤال تانى انا الغيارات بتكون اتقل انا ونازل من انا وطالع بمعنى لما اتزل من الرابع للتالت او من التالت للتانى وهكذا بيكون اتقل من انى اطلع من الاول للتانى او التانى للتالت فدا هل يكون ذى مذكرت حضرتك طقم دبرياج يعنى ديسك وبلية طاب البلية لو باظت مش تعمل صوت ولا ايه طقم الدبرياج ومعلش سؤال كمان ساعات لما اجى اشغل العربية هى وسخنة القى الار بى ام بيفط لغاية 2000 وينزل تانى وانا السلانسية عندى مظبوط على 800 وكدا فدا عيب ايه ؟

معلش يا باشمهندس انا اكتشفت حاجة غريبة كمان انى لما بدوس على الدبرياج مرتين بيجى الغيار بكل سهولة يعنى لما بكارج الدبرياج فهل دا عيب مجموعة الدبرياج ولا ايه

**girgiskamal** · 15-05-2011 09:03 PM

عندى سؤال لطارق بك بخصوص تغيير الزيت فى الشارك انا عملت صيانة الاف الاولى من 14 شهر العربية موديل 2008 دلوقتى العداد عامل 8000 كم لانى مش باستعمل العربية كتير هل فى ضرورة لتغيير الزيت دلقتى و الا على 10000 كيلو مع الشكر

**draab_86** · 16-05-2011 11:00 AM

ربنا يكرمك يا باشمهندس علي المجهود اللي بتعمله
عندي كام استفسار:
1-سعر تيل فرامل بوما 2009 امامي_قنطره طوليه اماميه_مقصين اماميين
2-عندي هزه في الطاره مع تشغيل التكييف علي السلانسيه بتروح لما ازود بنزين و بتبقي واضحه لما الكومبيسور يشتغل
3-برضه في صفاره مع تشغييل التكييف بسمعها في الصالون
4-عربيتي ماشيه 20000 ولسه مغيرتش تييل لما ابقي ماشي بسرعه واكبس فرامل احس برجه بالذات في دواسه الفرامل تحت رجلي
وشكرا يا باشا

**memo200545** · 16-05-2011 03:56 PM

المشاركة الأصلية كتبت بواسطة draab_86

ربنا يكرمك يا باشمهندس علي المجهود اللي بتعمله
عندي كام استفسار:
1-سعر تيل فرامل بوما 2009 امامي_قنطره طوليه اماميه_مقصين اماميين
2-عندي هزه في الطاره مع تشغيل التكييف علي السلانسيه بتروح لما ازود بنزين و بتبقي واضحه لما الكومبيسور يشتغل
3-برضه في صفاره مع تشغييل التكييف بسمعها في الصالون
4-عربيتي ماشيه 20000 ولسه مغيرتش تييل لما ابقي ماشي بسرعه واكبس فرامل احس برجه بالذات في دواسه الفرامل تحت رجلي
وشكرا يا باشا

انا ممكن اجاوبك فى استفسارين اللى هو التانى والتالت بالنسبة لحكاية الطارة اللى بتهز مع التكييف فدا معناة ان الموتور واطى مع التكييف وعاوز يعلى شوية روح لحد بتاع تكييف يعلهولك سنة وصوت الصفارة دا السير بتاع التكييف عاوز يتغير

**wsorour** · 17-05-2011 09:54 AM

معلش ممكن حد يجاوبنى هل يوجد فلتر لفتيس البومه سبورت cvt

**miko_987654** · 18-05-2011 01:57 AM

انا عندي كرستاله 97 كامله اتوماتيك 1300 cc
والمكشله عندي اني العربيه سفاحه بنزين بتاكل في التفويله الي هي 36 لتر 150 كيلو روحت عند ناس كتير اوي علشان يشوفوا الموضوع ده
واحد قالي سير الكاتينه مخالف شويه وعملهولي
التاني فك الكربيراتير ونضفه وعمل في اللي
التالت غيرلي البوجيهات وجبهالي 3 شمعه الياباني بتعوتها وبرده لسه المشكله شغاله
الرايع قالي rpm عالي اوي وهنزله وده الي بياكل البنزين وبعد الكلام ده كله
روحت مفول العربيه وروحت مشوار وجيت عملت 23 كيلو ع طريق وخدت 2.5 لتر
ولما فولت عملت العداد لقيته عامل 240 في البلد معرفش ده كده كويس في التفويله ولا ايه
حد يقولي حاجه علشان ده مينفعش ؟؟؟؟؟؟؟؟؟؟؟؟؟؟؟

**ame_elgohary** · 18-05-2011 05:34 AM

السلام عليكم يا بشمهندس طارق
انا معايا شارك 2009
مرة كنت مستعجل وانا نازل من العربية ففكيت الحزام و نزلت بسرعة و افلت الباب على الحزام قبل ما يلم فالجلدة اللي علي القايم اتقطعت
هل يوكد حل لها واللى لازم تتغير؟؟؟
و لو هتتغير هل موجودة و التوكيل و سعرها كام؟؟؟

وهل في طريقة لتوقيف انزار الحزام؟؟؟؟

و اسف على الاطالة

**ame_elgohary** · 18-05-2011 09:58 AM

معلش انا نسيت اسالك على سعر تغير بطرية الريموت (انا معايا الhighline)

**mimieg** · 18-05-2011 04:15 PM

لا يوجد فلتر لزيت الفتيس

**mimieg** · 18-05-2011 04:19 PM

1-الرجه فى دواسة البنزين سببها ان الطنبوره تحتاج الى خرط
2-صوت الصفير فى السير يحتاج الى شد السير

الموضوع: انت تسأل وإستشاري منتدى متسوبيشي يجيب (2)

LinkBack

أدوات الموضوع

عرض

-

المواضيع المتشابهه

انت تسأل وقطب يجيب

أنت تسأل وإسـتـشـارى منتدى متسوبيشى يجيب

الكلمات الدلالية لهذا الموضوع

المفضلات

المفضلات

ضوابط المشاركة