الموضوع: انت تسأل وإستشاري منتدى متسوبيشي يجيب (2)

شكرا علي اهتمامك م/ طارق

مش عايز اكون بزعج جضرتك
انا اشتريت لانسر 1300 خليجى من اسبوع
هى عامله 49 الف كيلو
المفروض ان معمولها صيانه فى التوكيل بس فى حاجه ان الصيانه مكتوبه بكتيب الصيانه بس ما فيش فواتير باللى اتعمل
فانا قلقان عشان لقيت الزيت ناقص شويه ووالتكييف بتاعها مش حلو و لو الكلام بتاع صيانه التوكيل مش مضبوط
وعايز اروح التوكيل فى كام نقطه عايز اعرفهم من حضرتك
1-العربيه خليجى يعنى ليها حساب تانى
2-وممكن اعمل صيانه ال50 كيلو على 49 كيلو عشان انا قلقان من نقص الزيت
3-وكمان فرع الكيتكات ده شغال وممكن اروحه واحجز قبلها ورقم التليفون والمواعيد
4-انا ساكن فى الهرم وشغلى فى المهندسين عشان كده بسالك على فرع الكيت كات ولو مش الفرع ده اروح فين
معلش طولت على حضرتك وشكرااا لزوقك

هو الاسئله صعبه ولا ايه؟؟؟؟؟؟؟؟؟؟؟؟؟؟؟؟

[frame="1 80"]

باشمهندس / طارق

بعد التحية بالامس اشتريت فلتر زيت ( بـــــومــا ) من الرواس بسعر ( 71.5 ) شامل الضريبة بزيادة قدرها 30% عن سعرة من حوالي شهرين تقريبا مش ملاحظ حضرتك ان السعر كدة كتير علي فلتر زيت للسيارة وما سبب زيادة الاسعار بهذة الزيادة الرهيبة وفي اقل من شهر او شهرين وهل كل قطع الغيار اسعارها زادت ولا حاجات معينة فقط ولحضرتك جزيل الشكر

[/frame]

السلام عليكم مهندس طارق :
حضرتك انا معايا لانسر 1300 اوتوماتيك مو 2007
و النهارده لاقيت لمبة ال srs فى التابلون بتنور و تطفى لوحدها ... فكيت كابل البطاريه و سيبتها 5 دقايق و ركبت تانى و الموضوع هو هو .... بس حضرتك تطمنى و تقولى اعمل ايه و اروح فين ... و لك كل تقديرى

الاستاذ طارق المحترم السلام عليكم ورحمة الله وبركاته
انا كنت عايز استشارة حضرتك فى الاتى انا سقط موتور للسيارة لانسر كريستالة 1500 2 كامة الموتور برضو ميتسوبيشى وكنت عايز اكشف على العربية كلها والماتور والعفشة انا مغيرتش حاجة فالعفشة فهل ينفع فى التوكيل يفيدونى انا قريب من موبيل شيراتون الاتوستراد او جسر السويس وكنت عايز اغير سير الكاتينة الاصلى ؟

سيارتى لانسر مشكلتها ان مراوح التبريد والتكييف لاتتوقف منلحظة الادارة حتى الايقاف وغيرت مجمع المراوحب250 جنيه مستعمل والمشكلةموجودة والسيارة موديل2006