الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة kokyrawan

الى المهندس طارق انا عايز اعرف راى حضرتك فى المكواة موديل 2002 كاملة هيدروماتيك 1300 cc هى فعلا سحبها ضعيف علشان هى عجبانى و عايز اشتريها بس خايف من موضوع الاتوماتيك مع الانسر ال1300 عموما فبرجاء الافادة من سيادتكم

هو موضوع اللانسر 1300 اوتوماتيك اثير كتير اوي هنا في المنتدى وله مواضيع متعددة عنه هو فقط ، وده لأن ناس كتير قالت ان اللانسر 1300 اوتوماتيك بتكون ضعيفه مقارنة بال 1600 ودي حقيقة انما كذلك دايما اقول ان قبل 2004 كانت كل اللانسر الاوتوماتيك 1300 سي سي حتى السبورت وكان الناس مبسوطين منها ومحدش اشتكى من سحبها انما بالتأكيد لما الناس شافت ال 1600 حست بالفرق
فالموضوع راجع لحضرتك لو سواقتك هادية ومش هيفرق معاك سرعة تجميع العربية خاصة على المطالع يبقى هات ال 1300 بلا مشاكل ولو يهمك السحب والجري وسرعة التجميع يبقى العربية مش هتعجبك والافضل تجيبها مانوال او تجيب 1600 اوتوماتك

المشاركة الأصلية كتبت بواسطة onlyuprom

الاستاذ الفاضل / طارق

انا عربيتى لانسر 2008 اوتوماتيك مصرية –عاملة 39500 كم حتى الان –يوجد مشكلة وهى ان لمبة srs نورت فجاة و بقت ساعات تنور واوقات قليلة تطفى مش عارف ليه .هل هذا خطر لو مشيت عليها كده لغاية اما اجى التوكيل وللا ايه ؟؟ 0وكمان عايز اعمل صيانة 40000 كم وفى حاجة كمان اللى كل مرة اشتكى منها وهى موضوع ان الrpm بيقل اوى ثم يزدا و يقل وده لما اجيب النقلة من الd الى الn والان اصبح ممكن يحصل ده حتى وانا على الd مع العلم ان الشكوى دى اتكررت كذا مرة و كل مرة اجى التوكيل عندكو وبيعملوا اسبراى تنظيف و بعدين يقولوا كله تمام و بعدين مفيش حوالى الفين كم و ترجع المشكلى تانى ؟؟؟؟طبعا ده كله بخلاف ان سحب العربية مش مظبوط و استهلاك البنزين عالى حوالى 190كم فى الصفيحة اى كل 20 لتر .

ارجو من حضرتك رايك فى هذا الموضوع و تكاليف ده فى حدود كام وهل يمكن اجى يوم السبت القادم ( نظرا لظروف عملى )يعنى هل الزيوت و المواد الاساسية موجودة وللا ايه النظام ..ولسيادتك جزيل الشكر .

رد المهندس أحمد
شرفنا حضرتك نعمل الصيانة ونكشف على لمبة srs او الايرباج وفي حالة كونها مضاءة الآن فده معناه ان حضرتك ممكن تمشي عادي لكنها لن تفتح لا قدر الله في حالة اي حادث
مع الصيانة سيتم اعادة ضبط المحرك
ممكن الحضور يوم السبت لكن نرجو ان يكون بدري قبل الساعة 9 والعمل يبدأ من 8 صباحا

المشاركة الأصلية كتبت بواسطة mhmhmhmh

بسم الله الرحمن الرحيم
السلام عليكم ورحمة الله وبركاته
الف شكر يا باشا علي المجهود الرائع والجميل والاستفاده الممتازة من حضرتك
ممكن استاذن حضرتك في الرد علي المشكله اللي عندي
عندي لانسر 2005 ماتور 1300 كامله اتوماتيك
كوعة المياه اللي فيها الترموستات فيها تنشيع مياه من عند الخرطوم اللي فوق لما العربية تبقي بايته بارده يعني بعد اي مشوار والعربية تبرد لاقي مياه

رد المهندس احمد عناني
شرفنا حضرتك وسيتم الكشف على خرطوم المياه والكوليه والكوعة وعمل اللازم

المشاركة الأصلية كتبت بواسطة mada79

سؤال هام جدد ومفيد
( سألت فى الرواس عن الفلتر لتغيرة لتحسين كفائة الفتيس قال المهندس انه مش بيتغير الافى الاعطال الجسيمة)
هل يتم تغير فلتر للفتيس الاوتوماتيك بعد عدد كلو متر معين

لا يتم تغيير فلتر الفتيس الاوتوماتيك لأنه داخلي داخل الفتيس ولا يتم فتح الفتيس

المشاركة الأصلية كتبت بواسطة mada79

عندى مشكلة فى طنبورة الكرنك ( فيها رفة ) والمكانيكى قال لازم تتغير هى وترس الكرنك وبلية الشداد
يعملو كام فى التوكيل ( 2007 بومة 1300 ) وبرة التوكيل

رد المهندس احمد عناني
ترس الكرنك 150 ج + 10%
طنبورة الكرنك 520 ج + 10 %
شداد الكاتينة 315 ج + 10%
والافضل الحضور والكشف على السيارة

المشاركة الأصلية كتبت بواسطة logger

الاخ المهندس طارق

سيارت اخي لانسر 2007 كلاسيك 1300 سي سي لاحظت عني قيادتي لها علي الطريق السريع معا استعمال المكيف تكون درجة الحرارة في المتوسط العادي اما في حاله الدخول في وسط البلد والطرق المزدحمة اري درجة الحرارة ترتفع بسرعة جدا وتكاد تصل للون الاحمر وعند غلق المكيف ترجع الي الوضع الطبيعي

ارجو معرفة السبب

الوضع غير طبيعي بالتأكيد وهناك اسباب مختلفة لذا يجب الكشف على العربية لتحديد السبب وعلاجه

المشاركة الأصلية كتبت بواسطة darshing

م/ طارق
انا معايا البومه 2010 الحمد لله على كل شئ الفنوس الامامي اتكسر وكنت عايز اعرف عامل كام في التوكيل
وشكرا

سعره الفانوس الأمامي الواحد 1170 ج + 10 %