انت تسأل وإستشاري منتدى متسوبيشي يجيب (2)

**unknown** · 23-03-2011 10:02 AM

المشاركة الأصلية كتبت بواسطة مصراوي جدا

رد المهندس أحمد عناني
يجب الكشف على العربية لتحديد سبب المشكلة في المحرك حيث هناك تضارب في البيانات لأن العربية لو كربراتير لن يكون بها وحدة tps الخاصة بالسيارات الانجكشن وهي اختصار throttle position sensor
مفتاح النور سعره حوالي 550 جنيه + 10%

شكر يابشمهند س علي اهتمامك
انا لو عايز اكشف علي المتور بس يتكلف اد ايه
وهل لازم اجي بدري واحجز قبلها

**mada79** · 23-03-2011 11:11 AM

السلام عليكم
لو سمحت الافادة صوت العربية عالى ومش بتفتح فى المشى علطول اية السبب ( لانسر 2007 1300س س )

**salah_86** · 23-03-2011 05:18 PM

السلام عليكم ورحمة الله وبركاته
محتاج مساعدتكم ياجماعة لوسمحت
انا عربيتى لانسر 1300 مانيول موديل 2009 خليجى
عاملة دلوقتى 25000 كيلو متر
عندى 3 طلبات او استفسارات
1 - عاوز اعرف مكان محل بيبيع قطع الغيار ويكون ضمون وكويس ومش غالى بس تكون الاصلية
2 - دلوقتى انا عربيتى الكنبة الخلفية اللى فيها غير قابلة للطى فهل ممكن لو انا اشتريت ضهر الكنبة الخلفية اللى بيكون قابل للطى استيراد وركبتة ينفع ولا لا
3 - انا كنت مركب فامية 00 اول ما جبت العربية ومكنش باين بس من فترة شقق وبقى بيتقطع فشيلتة ( انا اللى شيلتة )
بايدى عادى ولما ركبت الفامية الجديد لاحظت ان خطوط ازالة الصقيع اللى فى الزجاج الخلفى بها علامات خدوش مع انى مشلتوش بكتر انا شيتلة بايدى من الجناب بس فهل دا كدا بياثر على ازلة الصقيع مش شغالة يعنى كدا ولا ايه ياريت ياجماعة حد يفيدنى لانى بجد دمى محروق من ساعة مشفت الموضوع دا وانا ربنا يعلمك بحافظ على العربية قد ايه

**salah_86** · 23-03-2011 05:44 PM

والزيت انا بغير زيت موبيل xhp كل 2500 كيلومتر دا كدا كويس ولا لا

**minded** · 23-03-2011 07:07 PM

المهندس / طارق
السلام عليكم
انا نعايا لانسر 2000 كريستالة ومش عارف حاسس برجة او رعشة خفيفة او عدم نعومة في الثاني والثالث او لحد سرعة 70 تقريبا وناس قالتلي ممكن يبقي الكبالن الداخلية ورحت لبتاع كوبلن وبص علي اليمين وقلي مفيش حاجة
ورحت عبد الخاق ثروت وبص علي عمود الكرنك وقالي ظبطهولك وطبعا مفيش تغيير لانه اكيد مش هو السبب
وانا نفسي احس بنعومة العربية
ارجو مساعدتي
حسام

**khaledazizeg** · 24-03-2011 01:08 PM

اولا السلام عليكم ورحمة الله وبركاتة
انا يا جماعة محتاج مساعدتكم فى موتور 4g18 ميستسوبيشى لانسر بومة 2008
وهيا ان حساس السرعة بيعطل مع السرعات العالية ومابيديش قراية
فياريت لو حد يقدر يساعدنى ويوصفلى مكانة فين فى الفتيس عشان انا عايز افكة وانضفة ولو مانفعش ياريت حد يقولى اجيبة منين وبكام

**asoft78** · 27-03-2011 10:46 PM

مهندس طارق

السلام عليكم

انا معايا شارك 2008 و انا ساكن في بورسعيد. في تاجر في الشونة العربيات عندي اللي انه ممكن يجبلي متور الشارك 2 لتر جي تي.

سؤالي هو المتور ده ممكن يركب عندي ولا لاء و لو هينفع في حاجة معينة زيادة هحتاجه أطلبها منه بالمرة

**lovedbaby** · 28-03-2011 05:58 PM

م/طارق
السلام عليكم.....
أنا عربيتى لانسر بومة لونها فضى كود الدهان a31
ياترى أسعار الدهان فى التوكيل كام(عبوات الدهان)فقط
وفى أى فرع ألاقيها متوفرة
أنا محتاج عبوة ربع كيلو
شكرا ....

**msalah191281** · 29-03-2011 05:40 PM

السلام علكيم يا استاذ طارق
الحمد لله ربى وفقنى و جبت لانسر 2007 الاسبوع الى فات وحالتها كويسة و الحمد لله
و انا سعيد انى اتعرف بيك و سعيد بإنضمامى لى قسم ميتسوبيشى
معلش انا هتعبك معاية شويية اول حاجة انا العربية عندى عاملة 81000 كم و الرجالة الى اشترتها منو الى انو ما عمالهاش صيانة ال 80 الف يا دوب غيرها زيت و فلتر و فلتر هوة و طقم بوجيهات و الباقى ما عملاهوش و دة خلانى افاصل معاة شوية و الحمد لله نزلت شوية من تمانها المهم علشان مطولش عليك
انا كونت عاوز اعرف تكلفة الحجات دى فى التوكيل هتعمل كام علشان لما اجى اغيرهم على الاسبوع الجاى ان شاء الله اعمل حسابى الصيانة ميكانيكا وكهرباء
فلتر بنزين
تيل فرامل
سير باور / سير دينامو/ سير كاتينة/ بلية شداد / اويل سيلات
و يا ريت تئولى مصايرف التركيب هتكون اد اية علشان بس اعمل حسابى
ثانيا : انا الراجل الى اشتريت منو كان بيحت زيت شيل 5000 كم هل ينفع اغير الزيت لموبيل 1 ال 10000 كم ولا مدام العربية حط ال 5000كم ما ينفعش اعلى لل 10000 كم تانى
و حاجة اخيرة معلش انا متئل عليك شوية اصلى مليش خبرة كويسة فى الانسر
انا التكييف عندى الكمبرسور بيشتغل 15 ثانية و بيفصل 5او7 ثوانى و يشتغل تانى هل دة طبيعى ولا كدة فية مشكلة مع العلم ان التبريد كويس و مش بيفصل الهواة الساقع بس مدة شغلة و فصل هى دة الى قلقانى حاسس ان مش بيلحق و مع عارف دة طبيعى ولة لا