الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة dr_sharara

السلام عليكم
اود ان اسال مهندس طارق عن مشكله في سيارتي
في بداية تسخيني للسياره في الصباح بمجرد تشغيلي تعمل مروحة التبريد من البدايه مع ان مؤشر الحراره بيكون في اقل مستوي له ؟ فما المشكله وهل يجب عليا سرعة اصلاحها ولا انتظر موعد الصيانه وكم تتكلف ؟ وجزاك الله خيرا يا بشمهندس طارق علي مجهوداتك ربنا يبارك فيك

غاليا يا دكتور المشكلة في وحدة تشغيل المروحة الالكتروني ودي بتتلف في اللانسر كتير نتيجة غسيل المحرك بالماء تمنها 335 جنيه + 10%

مفيش داعي للاستعجال وممكن الانتظار لموعد الصيانة

المشاركة الأصلية كتبت بواسطة tarek2001

مساء الخير يا مهندس طارق زويل أنا دكتور طارق مصطفى أخصائي الجلدية والتناسلية ،أنا سعيد بحضرتك جدا وحاسس إنك أخ وكتر الله من أمثالك وأنا لسة شارى لانسر بومة 2009 كويتى وعامل بيها دلوقتى 800 كيلو متر وصيانة الألف ستكون إن شاء الله على الإسبوع القادم وأتمنى أن اقابلك وشكرا

اهلا بيك يا دكتور طارق معانا في المنتدى والف مبروك العربية ربنا يديك خيرها ويكفيك شرها وتشرفنا باذن الله في الصيانات الدورية

المشاركة الأصلية كتبت بواسطة naguib

يا تري يا بشمهندس طارق لما يكون في خبط في العجل قدام عند المشي في المدقات ده يكون سببه عيب بعلبه الدركسيون و لا لأ
و لو كان لأ يبقي عيب ايه مع العلم بأني بحس بالتخبيط بيسممع بالدركسيون
و يا تري كمان لو مش هتتقال عليك سعر مساعدين ورا بكام و يا تري تنصحني باني اغير المساعد الاكتر تعبا و لا اغير الاتنين معا و يا تري في مراكز صيانه معتمده غير اللي في اعلان ميتسوبيشي اللي بالمنتدي؟
مع العلم بان سيارتي لانسر كريستاله موديل سنه 2000
و اشكرك

اهلا يا استاذ نجيب
الخبط ده ممكن يكون سببه علبة الدركسيون وممكن بيض الدركسيون والتيش (اجزاء العفشة) واللي هيحدد ده التجربة والكشف على العربية

سعر المساعد الخلفي الواحد 410 ج + 10% وفي الغالب بيتم تغيير الاتنين مع بعض الا لو واحد مكسور مثلا ممكن يتغير لوحده

مراكز الصيانة المعتمدة هي اللي في اعلان ميتسوبيشي فعلا يمكن زاد عليها مركز في قنا فقط

الحقيقة انا كنت باحترم هذا الموقع لحد الخبر ده ما نزل عرفت واتأكدت ان معظم اخبارهم كاذبة وفقد الموقع احترامه ومصداقيته

شوف حضرتك الموضوع ده


http://www.nilemotors.net/Nile/105514-a.html

الموجود في التوكيل هو الأصلي طبعا وسعره 1450 ج + 10 %

عند تركيبه في التوكيل بيتركب معاه باكته علوية ثمنها 55 ج + 10%

التركيب حوالي 300 ج