الموضوع: الكيك داون فى الاوتوماتيك !

السلام عليكم

انا حبيت افتح الموضوع دة لأنى قلقان شوية من حاجة و حبيت اخد رأيكم فيها

انا دلوقتى لما بسوق العربية عندى ( هيونداى I30 ) بعمل كيك داون كتيير يعنى مثلا ممكن فى مشوار متوسط 5-10 كيك داون كدة و ساعات اكتر حسب السكة فهل كدة فية حاجة غلط ولا عادى ؟ و هل انا لواحدى الى بعمل كدة ولا كل الى معاهم عربيات اوتوماتيك

اصل بحس ان العربية ساعات بتبقى ميتة كدة و ببقى عاوز اعدى عربية مثلا و بضطر اعمل كيك داون

فا كنت عاوز اخد رأيكم !

نقل للورشة بمعرفتى

مشرف القسم العام

أعتقد إنك تقصد الـ overtake يا فهد مش الكيك داون...وده أعتقد مفيش حد في مصر ما بيعملوش

الـ overtaking هو اللي بيقصد بيه تخطي عربية تانية بسرعة أعلى من سرعتها...إنما الكيك داون زي ما أنت عارف طبعاً هو إنك تطلع بعربيتك زي الصاروخ من حالة الثبات :)

عموماً الأحسن إنك لو عندك زرار للـ overdrive في الفتيس تشغله لما تيجي تعمل الـ overtake وبعد كده تطفيه تاني

المشاركة الأصلية كتبت بواسطة Demirell

أعتقد إنك تقصد الـ overtake يا فهد مش الكيك داون...وده أعتقد مفيش حد في مصر ما بيعملوش

الـ overtaking هو اللي بيقصد بيه تخطي عربية تانية بسرعة أعلى من سرعتها...إنما الكيك داون زي ما أنت عارف طبعاً هو إنك تطلع بعربيتك زي الصاروخ من حالة الثبات :)

عموماً الأحسن إنك لو عندك زرار للـ overdrive في الفتيس تشغله لما تيجي تعمل الـ overtake وبعد كده تطفيه تاني

مع كامل الاحترام لحضرتك... كل اللي كتبته مش مضبوط.

1- الـ kick down معناها نزول الفتيس نقله (ساعات نقلتين) لما تدوس بنزين جامد. الـ over take يعني التجاوز.. و مش معناه من الثبات و لا حاجه.
2- الـ over drive ملوش علاقه بالتجاوز و مش بيزود سحب العربيه. ده وظيفته انه نقله زياده (زي الخامس في المانيوال) علشان تريح الموتور على السرعات العاليه.

لذا وجب التوضيح

المشاركة الأصلية كتبت بواسطة Ahmed Hassan

1- الـ kick down معناها نزول الفتيس نقله (ساعات نقلتين) لما تدوس بنزين جامد. الـ over take يعني التجاوز.. و مش معناه من الثبات و لا حاجه.
2- الـ over drive ملوش علاقه بالتجاوز و مش بيزود سحب العربيه. ده وظيفته انه نقله زياده (زي الخامس في المانيوال) علشان تريح الموتور على السرعات العاليه.

يا أخ أحمد أنا قلت الـ kickdown هو اللي بيبقى من حالة الثبات....إنما الـ overtake إنك تتجاوز عربية تانية وتسبقها وأنت ماشي وده اللي أنا قلته بالفعل.....حضرتك بس ما خدتش بالك من كلامي :)

ثانياً موضوع زرار الـ overdrive ده كبير وفيه أكتر من نظرية....فالأحسن إننا نسيبنا منه خالص عشان الراجل صاحب الموضوع ما يحصلوش لخبطة...وأنا عن نفسي بعتذر إني فتحت الموضوع ده!

ماشي يا فهد؟ إنسى إني قلتلك على حكاية الـ overdrive دي خالص

وشكراً ليك يا أخ أحمد وشكراً يا فهد عالموضوع المهم

المشاركة الأصلية كتبت بواسطة Demirell

يا أخ أحمد أنا قلت الـ kickdown هو اللي بيبقى من حالة الثبات....إنما الـ overtake إنك تتجاوز عربية تانية وتسبقها وأنت ماشي وده اللي أنا قلته بالفعل.....حضرتك بس ما خدتش بالك من كلامي :)

ثانياً موضوع زرار الـ overdrive ده كبير وفيه أكتر من نظرية....فالأحسن إننا نسيبنا منه خالص عشان الراجل صاحب الموضوع ما يحصلوش لخبطة...وأنا عن نفسي بعتذر إني فتحت الموضوع ده!

ماشي يا فهد؟ إنسى إني قلتلك على حكاية الـ overdrive دي خالص

وشكراً ليك يا أخ أحمد وشكراً يا فهد عالموضوع المهم

انا مش قصدي ان الاوفر تيك و الكيك داون حاجتين مختلفتين و بس... انا قصدي ان الواحد فعليا بيعمل kickdown علشان يعمل over take و دايما الـ kick down بيكون من وضع الحركه مش الثبات لأنه معناه نزول نقله.. و لو انت ثابت فمفيش نقلات تنزلها اصلا.

المشاركة الأصلية كتبت بواسطة Ahmed Hassan

مع كامل الاحترام لحضرتك... كل اللي كتبته مش مضبوط.

1- الـ kick down معناها نزول الفتيس نقله (ساعات نقلتين) لما تدوس بنزين جامد. الـ over take يعني التجاوز.. و مش معناه من الثبات و لا حاجه.
2- الـ over drive ملوش علاقه بالتجاوز و مش بيزود سحب العربيه. ده وظيفته انه نقله زياده (زي الخامس في المانيوال) علشان تريح الموتور على السرعات العاليه.

لذا وجب التوضيح